२ कोरिन्‍थी 11:6 - नेवाः बाइबल

⁶ नवायेत जि बांलाक मसये फु, अय्‌नं जिके बुद्धि मगाः मजू। थ्‍व खँय् जिमिसं छिमित तःकः मछि धयाः थुइकाबी नं धुन।

२ कोरिन्‍थी 11:6 ပူးပေါင်းရင်းမြစ်များ

१ कोरिन्‍थी 1:17

ख्रीष्‍टं जितः बप्‍तिस्‍मा बीत छ्वयाहयादीगु मखु, बरु भिंगु खँ न्‍यंकेत छ्वयाहयादीगु खः। थथे भिंगु खँ थःगु बुद्धिं न्‍यंकागु मखु। मखुसा ख्रीष्‍ट क्रूसय् सिनाः शक्ति क्‍यनादीगु सितिं वनी।

१ कोरिन्‍थी 1:21

थःगु हे ज्ञान बुद्धिं मनूतय्‌सं परमेश्‍वरयात म्‍हसीके फइ मखु धयागु खँ वय्‌कलं स्‍यू। उकिं सःस्‍यूपिन्‍सं मूर्ख खँ ताय्‌कूगु येशू क्रूसय् सिनादीगु खँ न्‍यनाः विश्‍वास याःपिन्‍त बचय् यायेगु क्‍वःछिनादिल।

१ कोरिन्‍थी 12:8

अले थ्‍व हे पवित्र आत्‍मां छम्‍हय्‌सित बुद्धि बियादीसा मेम्‍हय्‌सित ज्ञान बियादी।

१ कोरिन्‍थी 2:13

अय्‌जूगुलिं जिमिसं मनूतय्‌गु बुद्धिं स्‍यंगु खँ नमवाना। पवित्र आत्‍मां स्‍यनादीगु खँ जक वय्‌कःयागु आत्‍मा दुपिं छिपिं विश्‍वासीतय्‌त कनागु खः।

२ कोरिन्‍थी 10:10

छिमि दथुइ गुलिं गुलिंसिनं थथे धयाच्‍वंगु दु – “पावलया पौ क्‍वात्तुसे च्‍वं, अले तसकं कडा। तर मनू धाःसा ग्‍याफ्रा, अले नवाये नं मफु।”

२ कोरिन्‍थी 12:12

दुःखकष्‍ट जूसां तःकः मछि अजू चायापुगु ज्‍या व चिं यानाः जि प्रेरित खः धकाः छिमित दसु क्‍यनागु दु।

२ कोरिन्‍थी 4:2

जिमिसं मछालापुसे च्‍वंगु ज्‍या मयाना। जिमिसं सुयातं झंगः लानाः मनया। परमेश्‍वरयागु वचनयात जिमिसं बांमलाका मजुया। जिपिं सत्‍यया जलय् परमेश्‍वरया न्‍ह्यःने म्‍वानाच्‍वना। अले सकसिनं खंक मनूतय्‌गु मिखा न्‍ह्यःने थःपिन्‍त न्‍ह्यब्‍वयाच्‍वना।

२ कोरिन्‍थी 5:11

अय्‌जूगुलिं प्रभुया भय कायेगु छु खः व जिमिसं बांलाक थूगुलिं मेपिं मनूतय्‌त नं प्रभुयात मानय् याकेत कुतः यानाच्‍वनागु खः। परमेश्‍वरं जिमित बांलाक म्‍हस्‍यू, छिमिसं नं जितः बांलाक म्‍हसी धयागु आशा यानागु दु।

२ कोरिन्‍थी 6:6

जिमिसं यानागु भिंगु ज्‍यां व बुद्धिं यानाः सह याये फुगुलिं, दया माया यानाजुयागुलिं, पवित्र आत्‍मा दुगुलिं, धात्‍थेंगु माया यानाः जिपिं परमेश्‍वरयागु ज्‍या याइपिं मनूत खः धकाः क्‍यना।

२ कोरिन्‍थी 7:2

जिमित छिमिगु नुगलय् तयाति। जिमिसं सुयातं अन्‍याय यानागु मदु, सुयातं स्‍यंकागु मदु, अले सुयाकें थगय् यानाकयागु मदु।

एफिसी 3:4

जिं च्‍वयाहयागु थ्‍व खँ ब्‍वन धाःसा जिं ख्रीष्‍टयागु गुप्‍ति खँ गुलि स्‍यू धकाः छिमिसं सीके फइ।