२ कोरिन्‍थी 11:26 - नेवाः बाइबल

²⁶ न्‍ह्याबलें थाय् थासय् वनेमाल, तःकः मछि हे जि खुसिबाः वःथाय् लात, दाखुँतय्‌गु ल्‍हातय् लात, थः हे यहूदीतय्‌सं व यहूदीमखुपिन्‍सं जितः स्‍यायेत स्‍वल। शहरय् नं जितः उतिकं हे स्‍यायेत स्‍वल, जंगलं जंगलं नं जुइ माल। समुद्रय् नं जुइ माल। अले हानं फताहा दाजुकिजापिनिपाखें बचय् जुया जुइ माल।

२ कोरिन्‍थी 11:26 ပူးပေါင်းရင်းမြစ်များ

प्रेरित 13:45

थथे यक्‍व मनूत न्‍यं वःगु खनाः यहूदीतय् नायःतय्‌गु नुगः मुल। अले इमिसं पावलं धाःगु खँ ख हे मखु धकाः हेस्‍यानाः वयात मभिंकाः खँ ल्‍हात।

प्रेरित 13:50

अय्‌नं यहूदीतय्‌सं नांजाःपिं धर्मीपिं मिसातय्‌त व शहरय् च्‍वंपिं नायःतय्‌त ग्‍वाकाः पावल व बारनाबासयात ख्‍यानाः इमिगु इलाकां पितिनाछ्वल।

प्रेरित 14:19

छन्‍हु यहूदीत एन्‍टिओखिया व आइकोनियनंनिसें अन वयाः अन च्‍वंपिं मनूतय्‌त ल्‍हातय् कयाः पावलयात ल्‍वहँतं कय्‌कल। अले सित जुइ धकाः शहरं पिने सालाः वांछ्वये यंकल।

प्रेरित 14:5

हाकिमत नाप मिलय् जुयाः यहूदीत व यहूदीमखुपिन्‍सं इमित ल्‍वहँतं कय्‌काः स्‍यायेत

प्रेरित 15:40

पावलं थःनाप वनेत सिलासयात ल्‍यल। अन च्‍वंपिं दाजुकिजापिनिगु आशिष कयाः इपिं बिदा जुयाः वन।

प्रेरित 17:13

थेसलोनिकेय् च्‍वंपिं यहूदीतय् नायःतय्‌सं पावलं बेरियाय् वनाः परमेश्‍वरयागु वचन न्‍यंकाच्‍वंगु दु धकाः सीकाः अन नं मनूतय्‌त ग्‍वाकाः जुल।

प्रेरित 17:5

अथे जूगुलिं यहूदीतय् नायःतय्‌सं नुगः मुइकाः हुल्‍याःतय्‌त मुंका हयाः हाःहू याना जुल। इमिसं यासोनयागु छेँय् वनाः पावल व सिलासयात पिने हयाः मनूतय्‌गु न्‍ह्यःने हयेत स्‍वल।

प्रेरित 18:12

गलियोन अखैयायाम्‍ह तःधंम्‍ह शासक जुयाच्‍वंबलय् छन्‍हु यहूदीतय् नायःतय्‌सं मुनाः पावलयात ज्‍वनाः अदालतय् हयाः थथे धाल –

प्रेरित 19:1

अपोल्‍लोस कोरिन्‍थय् हे दनिबलय् पावल थाय् थासय् जुयाः एफिससय् थ्‍यंकः वल। अन वं चेलातय्‌त नापलात।

प्रेरित 19:23

अबलय् हे अन प्रभुयागु खँयात कयाः तसकं हे खलबल जुल।

प्रेरित 20:19

फक्‍व क्‍वमिलु जुयाः मिखां ख्‍वबि हाय्‌काः जक मखु, यहूदीतय्‌सं स्‍यायेत स्‍वःबलय् नं जिं प्रभुयागु सेवा याना हे च्‍वना।

प्रेरित 20:3

अन स्‍वला तक च्‍वने धुंकाः लःजहाजं सिरियाय् वनेत्‍यंबलय् वं यहूदीतय् नायःतय्‌सं वयात स्‍यायेत स्‍वयाच्‍वंगु दु धकाः सीकाः माकेडोनिया जुयाः तुं लिहां वनेगु क्‍वःछित।

प्रेरित 23:10

अले अन तसकं हे ल्‍वापु जुल। इमिसं पावलयात स्‍यानाबी धकाः ग्‍यानाः तःधंम्‍ह कप्‍तानं सिपाइँतय्‌त “पावलयात अनं किल्‍लाय् हजि” धकाः उजं बिल।

प्रेरित 25:3

पावलयात लँय् दथुइ हे स्‍यायेगु मतिइ तयाः इमिसं वयात यरूशलेमय् छ्वयाहयादिसँ धकाः फेस्‍तसयात बिन्‍ति यात।

प्रेरित 27:42

अले ज्‍वनाहःपिं लाल कयाः बिस्‍युं वनी धकाः ग्‍यानाः सिपाइँतय्‌सं इमित स्‍याना छ्वयेगु मतिइ तल।

रोमी 15:19

जिं अजू चायापुगु चिं व ज्‍या नं याना, पवित्र आत्‍मायागु शक्तिं यरूशलेमंनिसें इल्‍लुरिकन तक फुक्‍कभनं ख्रीष्‍टयागु भिंगु खँ न्‍यंकागु दु।

रोमी 8:35

ख्रीष्‍टयागु मायां झीत सुनां फाये फइ? छु झीत दुःखकष्‍ट जुल धकाः, म्‍वाय् थाकुल धकाः, सास्‍ती बिल धकाः, नये मखन धकाः, पुनेगु मन्‍त धकाः, ग्‍यानपुगु वल धकाः, अले तरवारं पाली धकाः झीसं ख्रीष्‍टयात त्‍वःते जिल ला?

१ कोरिन्‍थी 15:30

जिपिं जक छाय् न्‍ह्याबलें खतराय् लाना च्‍वनेगु?

१ कोरिन्‍थी 15:32

मनूया बिचाःकथं एफिससय् पशुनाप ल्‍वाःगु जूसा जितः छु फाइदा? सीपिन्‍त म्‍वाकी मखुगु जूसा मनूतय्‌सं धाःथें – “कन्‍हय् ला झी सि हे सी, उकिं नयाःत्‍वनाः मोजमज्‍जा याना जूसां जिल नि।”

२ कोरिन्‍थी 11:32

जि दमस्‍कसय् दुबलय् जितः ज्‍वनेत जुजु अरितसया तःधंम्‍ह हाकिमं शहरयागु ध्‍वाखाय् ध्‍वाखाय् पाः तया तल।

गलाती 2:4

जिमिसं ख्रीष्‍टपाखें कयागु छुत्‍कारायागु खँ सीकेत जिमिगु चिवा कायेत फताहा विश्‍वासी जुयाः अन वःपिं छम्‍ह निम्‍हय्‌सिनं धाःसा थ्‍व खँ पितहल। इमिसं जिमित दासयात थें व्‍यवस्‍थां धाःथें हे यायेमाः धकाः कर यात।