२ कोरिन्‍थी 11:22 - नेवाः बाइबल

²² इपिं हिब्रू खःसा, जि नं हिब्रू खः। इपिं इस्राएली खःसा, जि नं इस्राएली खः। इपिं अब्राहामया सन्‍तान खःसा, जि नं अब्राहामया सन्‍तान खः।

२ कोरिन्‍थी 11:22 ပူးပေါင်းရင်းမြစ်များ

२ इतिहास 20:7

हे जिमि परमेश्‍वर, छिकपिनि थः जाति इस्राएलया न्‍ह्यःने छु छिं थ्‍व देशयापिं मनूतय्‌त पितिना थुकियात छिकपिनि पासा अब्राहामया सन्‍तानतय्‌त न्‍ह्याबलेंया लागि बियादियागु मखु ला?

प्रस्‍थान 10:3

उकिं मोशा व हारूनं वनाः फारोयात धाल, “हिब्रूतय् परमप्रभु परमेश्‍वरं थथे धयादी, ‘गुबलय् तक छ जिगु खँ मन्‍यंसे च्‍वनेगु? जिमि मनूतय्‌त जिगु आराधना यायेत वनेब्‍यु।

प्रस्‍थान 3:18

“अले इस्राएलया थकालितय्‌सं छंगु खँ न्‍यनी। अनं लिपा छं इपिं नापं मिश्रया जुजुयाथाय् वनाः थथे धा, ‘हिब्रूतय् परमप्रभु परमेश्‍वरं जिमित नापलानादीगु दु। उकिं जिमित जिमि परमप्रभु परमेश्‍वरयात बां बीत स्‍वन्‍हुया लँपुया मरुभूमिइ वनेबियादिसँ धकाः इनाप याये।’

प्रस्‍थान 5:3

अले मोशा व हारूनं धाल, “हिब्रूतय् परमेश्‍वरं जिमित नापलानादीगु दु। उकिं जिमि परमप्रभु परमेश्‍वरया निंतिं बां बीत स्‍वन्‍हु मरुभूमिया लँपुइ वनेबियादिसँ। मखुसा वय्‌कलं ल्‍वय् व ल्‍वापु छ्वयाहयाः जिमित स्‍यानादी।”

प्रस्‍थान 7:16

वयात थथे धा, ‘परमप्रभु हिब्रूतय् परमेश्‍वरं जितः थथे धकाः छिथाय् छ्वयाहयादीगु दु। जिमि मनूतय्‌त मरुभूमिइ जितः आराधना यायेत वनेब्‍यु। अय्‌नं छं आः तक नं जिं धयागु खँ मन्‍यं।

प्रस्‍थान 9:1

अले परमप्रभुं मोशायात धयादिल, “फारोयात वनाः धा, ‘परमप्रभु हिब्रूतय् परमेश्‍वरं थथे धयादी, “जिमि मनूतय्‌त जिगु आराधना यायेत वनेब्‍यु।”

प्रस्‍थान 9:13

परमप्रभुं मोशायात धयादिल, “सुथय् न्‍हापां दनाः फारोया न्‍ह्यःने हुँ अले वयात धा, ‘हिब्रूतय् परमप्रभु परमेश्‍वरं थथे धयादी, जिगु आराधना यायेत जिमि मनूतय्‌त वनेब्‍यु।

मत्ती 3:9

‘अब्राहाम हे जिमि बाः खः, उकिं जिमित छुं नं जुइ मखु’ धकाः धयाजुइ मते, छाय्‌धाःसा जिं छिमित धाये – परमेश्‍वरं अब्राहामया निंतिं थुपिं ल्‍वहँतं नं मस्‍त दय्‌कादी फु।

प्रेरित 22:3

“जि किलिकियायागु टार्सस शहरय् बूम्‍ह छम्‍ह यहूदी खः। अय्‌नं जि ब्‍वलंगु ला थ्‍व हे शहरय् गमलिएलयागु ल्‍हातं खः। जिं झी तापाःबाज्‍यापिनिगु व्‍यवस्‍था नं बांलाक स्‍यना कया। छिकपिन्‍सं थौंकन्‍हय् याना च्‍वंथें जिं नं परमेश्‍वरया निंतिं थःत पाना जुयागु खः।

प्रेरित 6:1

उगु इलय् चेलात अप्‍वः ददं वन। न्‍हियान्‍हिथं नसा इनाबीबलय् ग्रीक भाय् ल्‍हाइपिं यहूदीतय्‌सं इमि भाःत मदुपिं मिसातय्‌त वास्‍ता मयाः धकाः हिब्रू भाय् ल्‍हाइपिं यहूदीत नाप कचकच याना हल।

रोमी 11:1

अथे जूसा जिं धाये – परमेश्‍वरं वय्‌कःया मनूतय्‌त त्‍वःतादी धुंकल ला? थथे मखु। जि थः हे नं अब्राहामया सन्‍तान, बेन्‍यामीन कुलयाम्‍ह छम्‍ह इस्राएली खः।

रोमी 9:4

छाय्‌धाःसा इपिं परमेश्‍वरं ल्‍ययातःपिं जातियापिं खः। वय्‌कलं इमित थः हे काय्‌पिं यानाः इमिगु दथुइ च्‍वनाः वय्‌कःयागु तःधंगु शक्ति क्‍यनादिल। इपिं नाप बाचा चिनाः व्‍यवस्‍था नं बियादिल। वय्‌कःया आराधना यायेगु स्‍यनादिल, अले बचं नं बियादिल।

गलाती 3:16

परमेश्‍वरं अब्राहामनाप व वया सन्‍ताननाप बाचा चिनादीगु खः। वय्‌कलं तःम्‍हय्‌सित “अब्राहामया मचाखचा” धकाः धयामदी, बरु “अब्राहामया सन्‍तान” जक धयादिल। थन “सन्‍तान” धयादीगु छम्‍हय्‌सित जक खः, अले थ्‍व ख्रीष्‍ट येशूया बारे धयादीगु खः।

फिलिप्‍पी 3:5

बुयाः च्‍यान्‍हु दुखुन्‍हु हे जितः म्‍हय् चिं तय्‌कूगु खः। जि बूसांनिसें हे इस्राएली खः, अज्‍ज ला बेन्‍यामीन कुलयाम्‍ह हिब्रू खः। धर्मयागु खँय् हे नं व्‍यवस्‍था मानय् याइम्‍ह फरिसी खः।