२ कोरिन्‍थी 11:21 - नेवाः बाइबल

²¹ इमिसं याःथें यायेत जिके आँट मदु, थथे धायेत जितः लज्‍या चाः। सुनानं छुं खँय् घमण्‍ड याःसा जिं नं याये फु। तर थ्‍व मूर्ख ज्‍या जक खः।

२ कोरिन्‍थी 11:21 ပူးပေါင်းရင်းမြစ်များ

२ कोरिन्‍थी 10:10

छिमि दथुइ गुलिं गुलिंसिनं थथे धयाच्‍वंगु दु – “पावलया पौ क्‍वात्तुसे च्‍वं, अले तसकं कडा। तर मनू धाःसा ग्‍याफ्रा, अले नवाये नं मफु।”

२ कोरिन्‍थी 11:1

जिं नवाइगु च्‍वःप्‍वः मदुसां छिमिसं सह यानाबी धकाः जिं आशा यानाच्‍वना।

२ कोरिन्‍थी 11:17

प्रभुं थथे धा धकाः धयादीगुलिं जिं थथे धयाच्‍वनागु मखु। धात्‍थें थथे फुइँ यानाः खँ ल्‍हानाः जि मूर्ख थे जुयाच्‍वना।

२ कोरिन्‍थी 13:10

अय्‌जूगुलिं हे आम्‍कन वये न्‍ह्यः जिं छिमित थुकथं च्‍वयाच्‍वनागु खः। अले जक आम्‍कन वयाः जिं छिमित ब्‍वःबी नं माली मखु, सजाँय बी नं माली मखु, थथे यायेगु अधिकार प्रभुं जितः बियादीगु दु धकाः छिमित क्‍यनाबी माली मखु। प्रभुं जितः थथे यायेगु अधिकार बियादीगु छिमित स्‍यंकेत मखु बरु भिंकेत खः।

२ कोरिन्‍थी 6:8

जिमित तःधंकूसां, क्‍वह्यंकूसां, भिंकूसां, मभिंकूसां जिमिसं परमेश्‍वरयागु सेवा याना। सत्‍य खँ ल्‍हाना जूसां जिपिं फताहा थें जुइ माल।