२ कोरिन्‍थी 11:20 - नेवाः बाइबल

²⁰ धात्‍थें हे सुनानं छिमित क्‍वत्‍यला तःसां, थगय् याःसां, लुतय् यानाकाःसां, थःत तःधंकूसां, ख्‍वालय् हे दाःसां छिमिसं सह यानाच्‍वनी।

२ कोरिन्‍थी 11:20 ပူးပေါင်းရင်းမြစ်များ

यशैया 50:6

जि फमहिला, तर जिगु दाह्री पुइपिन्‍त धाःसा थःगु ख्‍वाः इपिंपाखे स्‍वकाबिया। गिजय् यायेगु व थुकलं बीगुपाखें जिं थःगु ख्‍वाः फस्‍वय्‌कागु मदु।

विलाप 3:30

वं थःगु नेता थःत दाइपिंपाखे हे स्‍वय्‌का बीमा, अले हेस्‍यागु सह यानाः च्‍वनेमा।

मर्कूस 12:40

इमिसं भाःत मदुपिं मिसातय्‌गु छेँ लुतय् यानाच्‍वंगु दु। मनूतय्‌त क्‍यनेत धाःसा ताःहाकय्‌क प्रार्थना याना जुइ। उकिं इमित मेपिन्‍त स्‍वयाः अप्‍वः सजाँय बी।”

लूका 6:29

सुनानं छिमित न्‍यतालय् दाल धाःसा मेगु न्‍यता नं फया ब्‍यु। सुनानं छिमिगु गा लाका का वःसा, लं नं त्‍वया ब्‍यु।

१ कोरिन्‍थी 4:11

आः तक नं जिमिसं नयेत्‍वने मखं, भ्‍वाथःगु वसतं पुनाच्‍वनागु दु। अले जिमिसं कसाः नयाच्‍वनागु दु, अले छेँबुँ मदय्‌का च्‍वनागु दु।

२ कोरिन्‍थी 1:24

छिमिगु विश्‍वासयात जिमिसं थःगु ल्‍हातय् कायेत स्‍वयागु मखु। छिमिसं क्‍वात्तुक विश्‍वास यानाच्‍वंगु दु। छिमित लय्‌ताय्‌केत हे जिपिं छिपिंनाप ज्‍या यानाच्‍वनागु खः।

२ कोरिन्‍थी 10:5

परमेश्‍वरयागु खँ अःखः यायेत स्‍वइपिन्‍त नं जिमिसं बुकाच्‍वनागु दु। फुक्‍क बिचाःयात बसय् कयाः ख्रीष्‍टयात मानय् याकेत स्‍वयाच्‍वनागु दु।

२ कोरिन्‍थी 11:3

तर जि सर्पं हव्‍वायात छलय् याः थें छिमित नं ख्रीष्‍टयागु सेवा व च्‍वखगु भक्तिपाखें तापाकी धकाः ग्‍यानाच्‍वनागु दु।

२ कोरिन्‍थी 12:16

थुकथं जिं छिमित दुःख बियागु मदु धकाः ला छिमिसं सि हे स्‍यू। अय्‌नं छिपिं मध्‍ये सुनानं जिं छिमित झंगः लात धकाः धायेफु।

गलाती 2:4

जिमिसं ख्रीष्‍टपाखें कयागु छुत्‍कारायागु खँ सीकेत जिमिगु चिवा कायेत फताहा विश्‍वासी जुयाः अन वःपिं छम्‍ह निम्‍हय्‌सिनं धाःसा थ्‍व खँ पितहल। इमिसं जिमित दासयात थें व्‍यवस्‍थां धाःथें हे यायेमाः धकाः कर यात।

गलाती 4:25

हागार अरब देशया सीनै पर्वत खः। व्‍यवस्‍था मानय् यानाच्‍वंपिं मनूत फुक्‍कं हागारया मस्‍त जुल, उकिं थुपिं फुक्‍कं दास जुल।

गलाती 4:3

विश्‍वास याये न्‍ह्यः झीपिं नं मस्‍त थें खः, अले झीत संसारयागु मभिंगु आत्‍मां चिनातल।

गलाती 4:9

आः छिमिसं परमेश्‍वरयात म्‍हसी धुंकल। वय्‌कलं नं छिमित म्‍हसीकादिल। आः हानं छिपिं गथे यानाः व हे ज्‍यालगय् मजूपिं व पुलांपिं द्यःतय्‌थाय् लिहां वनेफुगु? छु छिपिं हानं इमि दास जूवनेगु ला?

गलाती 5:1

छुत्‍काराया निंतिं ख्रीष्‍ट येशूं झीत छुत्‍कारा बियादी धुंकल। उकिं आः छिपिं साहस कयाः दँ। हाकनं दासत्‍वय् मलायेमा।

गलाती 5:10

प्रभु नाप मिलय् जुयाच्‍वंगुलिं छिपिं अथे मेगु लँय् जुइ मखु धकाः जिं पत्‍याः यानाच्‍वनागु दु। अथेसां छिमित स्‍यंकेत स्‍वःपिं, न्‍ह्याम्‍ह हे जूसां, इमित परमेश्‍वरं सजाँय बियादी।

गलाती 6:12

ततःधंगु खँ ल्‍हानाः तःधं जुया जुइपिं मनूतय्‌सं हे खः छिमित म्‍हय् चिं तय्‌केत कर यानाच्‍वंगु। येशू ख्रीष्‍ट क्रूसय् सिनादीगु खँ न्‍यंकाः दुःखकष्‍ट फयेमाली धकाः इमिसं थथे याना जूगु खः।

फिलिप्‍पी 3:19

थज्‍याःपिं मनूत नाश जुयावनी। छाय्‌धाःसा प्‍वाः हे थुमिगु द्यः खः, लज्‍या चायेमाःगु खँय् नं थुमिसं घमण्‍ड याना जुइ। अले थुमिसं थ्‍व संसारयागु ज्‍याखँय् जक मन तया जुइ।

१ थेसलोनिकी 2:5

छिमिसं सि हे स्‍यू, जिमिसं छिमिके ह्यय्‌का कायेत स्‍वयागु नं मदु, अले न छुं काये दइ धकाः हे जिमिसं लोभ यानागु दु। परमेश्‍वर साक्षी दु।