२ कोरिन्‍थी 11:2 - नेवाः बाइबल

² परमेश्‍वरं थें जिं छिमित बिचाः यानातयागु दु। छिपिं ख्रीष्‍टलिसे ब्‍याहा यानाबीत जिं ल्‍ययातयापिं मिसामचात थें खः।

२ कोरिन्‍थी 11:2 ပူးပေါင်းရင်းမြစ်များ

यशैया 54:5

छाय्‌धाःसा छन्‍त सृष्‍टि यानादीम्‍ह छिमि भाःत खः, वय्‌कःया नां दक्‍व शक्ति दुम्‍ह परमप्रभु खः। इस्राएलया पवित्र परमेश्‍वर छन्‍त उद्धार यानादीम्‍ह खः। वय्‌कःयात फुक्‍क पृथ्‍वीया परमेश्‍वर धकाः धाइ।

इजकिएल 44:22

सुं नं पुजाहारीं भाःत मदये धुंकूम्‍ह वा भाःतं त्‍वःतूम्‍ह मिसालिसें ब्‍याहा याये मज्‍यू। इमिसं इस्राएलया वंशय् बूम्‍ह कुमारी मिसामचायात अथवा सुं पुजाहारीतय् भाःत मदये धुंकूम्‍ह मिसायात जक ब्‍याहा याये फइ।

यूहन्‍ना 3:29

भम्‍चायात ब्‍याहा याःम्‍ह हे भाःतम्‍ह जुइ। ब्‍याहा याःम्‍ह मिजंया पासा वयागु खँ न्‍यनाः तसकं लय्‌ताइ। अथे हे जि नं आः लय्‌ताय् खन।

रोमी 7:4

अथे हे छिपिं नं ख्रीष्‍टनापं सी धुंकूगुलिं आः व्‍यवस्‍थायागु अधीनय् च्‍वनेमाःगु मन्‍त। उकिं दाजुकिजापिं, झीसं परमेश्‍वरया निंतिं यक्‍व फल सय्‌केत सिनाः म्‍वाना झायादीम्‍ह ख्रीष्‍टनाप मिलय् जुयाच्‍वनेमाः।

१ कोरिन्‍थी 4:15

छिमित ख्रीष्‍टयागु भिंगु खँ स्‍यनीपिं द्वलंद्वः दःसां छिमि तःम्‍ह मछि ला अबु दइ मखु। छिमित ख्रीष्‍ट येशूयागु भिंगु खँ कनाः ख्रीष्‍ट येशूयात म्‍हसीका बियाम्‍ह जि छिमि अबु जुयागु दु।

२ कोरिन्‍थी 4:14

सीम्‍ह प्रभु येशूयात म्‍वाकादीम्‍ह परमेश्‍वरं हे येशूनापं जिमित नं म्‍वाकादी। अले जिमित नं छिमित नं परमेश्‍वरं थःनाप तयादी।

गलाती 4:11

उकिं छिपिं स्‍यनावनी धकाः जितः तसकं पीर जुयाच्‍वन। छिमिथाय् वयाः उलिमछि दुःखकष्‍ट सियाः जिं ज्‍या याना थकागु सितिं वनीगु जुल ला?

फिलिप्‍पी 1:8

ख्रीष्‍ट येशूं थें जिं छिमित दुनुगलंनिसें माया यानाच्‍वनागु दु। थ्‍व खँ परमेश्‍वरं स्‍यू।

कलस्‍सी 1:28

उकिं जिमिसं फुक्‍कसितं ख्रीष्‍टयागु खँ न्‍यंका जुयागु खः। फुक्‍कसितं ख्रीष्‍टयात क्‍वात्तुक विश्‍वास याकाः परमेश्‍वरया न्‍ह्यःने यंकेत जिमिसं ख्‍याच्‍वः बिया अले स्‍यनेकने यानाः वयाच्‍वनागु दु।

१ थेसलोनिकी 2:11

बौनं थः मस्‍तय्‌त गथे याना तइ, अथे हे जिमिसं नं छिमित याना तया।

प्रकाश 14:4

थुपिं मिस्‍तनापं लसपस मजूनिपिं च्‍वखपिं खः। थुपिं चीधिकःम्‍ह भ्‍याःचायागु जक ल्‍यूल्‍यू जुइपिं खः। परमेश्‍वर व चीधिकःम्‍ह भ्‍याःचायागु लागि संसारं लिफ्‍याना हःपिं दकलय् न्‍हापायापिं मनूत, थुपिं हे खः।