२ कोरिन्‍थी 11:18 - नेवाः बाइबल

¹⁸ मनूतय्‌सं संसारया खँय् फुइँ याना जूगुलिं जिं नं अथे हे फुइँ यानाः खँ ल्‍हानागु खः।

२ कोरिन्‍थी 11:18 ပူးပေါင်းရင်းမြစ်များ

१ कोरिन्‍थी 4:10

ख्रीष्‍टयागु निंतिं जिपिं मूर्खत थें जुइ धुन। ख्रीष्‍टयात विश्‍वास याःगुलिं छिपिं धाःसा बुद्धिमान थें जुइ धुन, मखु ला? जिपिं बमलाः, छिपिं बल्‍लाः। जिमित फुक्‍कसिनं क्‍वह्यंका तल, छिमित फुक्‍कसिनं तःधंका तल।

२ कोरिन्‍थी 1:17

थथे मन हीकल धकाः जि छु मभिंम्‍ह, भरोसा मदुम्‍ह मनू जुल ला? गुबलें “ज्‍यू,” गुबलें “मज्‍यू” धकाः जि थःत जक भिंकेत स्‍वइम्‍ह मनू खः ला?

२ कोरिन्‍थी 11:12

जिमिसं याना थें याना धकाः फुइँ याना जूपिं मेपिं प्रेरितय्‌त पनेत जिं थथे याना हे च्‍वने।

२ कोरिन्‍थी 12:1

फुइँ यानाः भिं जुइ मखु धकाः सीक सीकं नं जिं फुइँ याये माल। प्रभुं जितः क्‍यनादीगु दर्शन जिं आः कने।

२ कोरिन्‍थी 12:11

छिमिसं यानाः मूर्खम्‍ह मनुखं थें जिं छिमित थथे धया च्‍वनेमाली। धायेमाल धाःसा छिमिगुपाखें जि तःधने माःगु खः। जि छुं मखुसां छिमिसं जितः हनेमाःगु खः। तःधं धाःपिं प्रेरितत स्‍वयाः जि कम मजू।

२ कोरिन्‍थी 12:9

प्रभुं जितः थथे लिसः बियादिल – “जिं छन्‍त दया माया यानाच्‍वनागु द हे दु नि। छ बमलाःसां जिगु शक्तिं छन्‍त बल्‍लाकी।” थुकथं जि बमलाःसां तसकं लय्‌ताः, छाय्‌धाःसा जि बमलाइबलय् ख्रीष्‍टया शक्तिं जितः बल्‍लाकी।

२ कोरिन्‍थी 5:16

अय्‌जूगुलिं आवंलि जिमिसं सुयातं ख्‍वाः स्‍वयाः लने मखुत। खः ला, छकः ख्रीष्‍टयात हे जिमिसं अथे ख्‍वाः स्‍वयाः लनेधुन। आः वय्‌कःयात जिमिसं अथे लनेगु त्‍वःतेधुन।

१ पत्रुस 1:24

धर्मशास्‍त्रय् थथे च्‍वयातःगु दु – “फुक्‍क मनूत घाँय् थें खः। न्‍ह्याक्‍व बांलाकूसां इपिं स्‍वां थें खः। घाँय् सिनावनी, स्‍वां हायावनी।