13 प्रेरितत धयाजूपिं थुपिं परमेश्वरया प्रेरितत मखु, फताहा प्रेरितत खः। ख्रीष्टयापिं प्रेरितत थें जुइत थुमिसं मखुगु खँ ल्हाना जुइ।
दक्व शक्ति दुम्ह परमप्रभुं थथे धयादी, “अगमवाणी ल्हानाः छिपिंलिसें नवाइपिं अगमवक्तातय्गु खँ छिमिसं न्यने मते। इमिसं छिमित मखुगु आस क्यनी। इमिसं थःगु हे मनयागु दर्शन कनी, जि परमप्रभुपाखेंयागु मखु।
‘बेबिलोनया जुजुया सेवा छिमिसं यायेमाली मखु’ धकाः धाइपिं अगमवक्तातय्गु खँ छिमिसं न्यने मते, छाय्धाःसा इमिसं ला छिमित मखुगु अगमवाणी ल्हानाच्वंगु दु।
“अले छगू लाख दां काःम्ह च्यलं वयाः थथे धाल – ‘छि तसकं हारांम्ह व थःम्हं पि हे मप्यूगु नं लइम्ह, अले ह्वला हे मतःगु नं काइम्ह जूगुलिं ग्यानाः
अबलय् यहूदियां सुं विश्वासीतय्सं एन्टिओखियाय् वयाः मण्डलीइ च्वंपिन्त थथे धकाः स्यन – “मोशां ब्यूगु व्यवस्थाय् च्वया तः थें म्हय् चिं मतय्कूसा छिमिगु उद्धार जुइ फइ मखु।”
“जिमिगु पुचलं पिहांवःपिं सुं मनूतय्सं छिकपिन्त म्वाःमदुगु खँ ल्हानाः दुःख बियाः मन स्यंकेत स्वल धकाः जिमिसं न्यना। इमित जिमिसं छ्वयाहयागु मखु।
थुलि जक मखु, छिकपिनिगु हे पुचलं मखुगु खँ ल्हानाजुइपिं मनूत पिहां वइ। अले इमिसं विश्वासीतय्त थःगु हे मभिंगु लँय् यंकी।
थज्याःपिं मनूतय्सं झी प्रभु येशू ख्रीष्टयागु सेवा याइ मखु, बरु थथःगु प्वाःया निंतिं सेवा याना जुइ। म्हुतुं घ्यः थें नाइसे च्वंक खँ ल्हानाः स्वजासिजापिन्त ध्वं लाइ।
थ्व अजू चायेमाःगु खँ मखु, शैतानया च्यःत नं परमेश्वरया च्यःत थें जुइफु। परमेश्वरं न्याय यानादीबलय् थुमिगु ज्याकथंया सजाँय नं बियादी।
व्यापार याये थें जिमिसं परमेश्वरयागु भिंगु खँ न्यंकाच्वनागु मखु। जिमित परमेश्वरं हे छ्वया हयादीगुलिं ख्रीष्टया च्यःतय्सं थें जिमिसं खःगु खँ जक नवानाजुयागु दु।
जिमिसं मछालापुसे च्वंगु ज्या मयाना। जिमिसं सुयातं झंगः लानाः मनया। परमेश्वरयागु वचनयात जिमिसं बांमलाका मजुया। जिपिं सत्यया जलय् परमेश्वरया न्ह्यःने म्वानाच्वना। अले सकसिनं खंक मनूतय्गु मिखा न्ह्यःने थःपिन्त न्ह्यब्वयाच्वना।
धात्थें धायेमाल धाःसा ख्रीष्टयागु भिंगु खँ बाहेक मेगु भिंगु खँ मदु। गुलिं गुलिं मनूत छिमिथाय् वयाः छिमित स्यंकेत ख्रीष्टयागु भिंगु खँयात मेकथं हिलेत कुतः यानाच्वंगुलिं जिं थथे धायेमाःगु खः।
जिमिसं ख्रीष्टपाखें कयागु छुत्कारायागु खँ सीकेत जिमिगु चिवा कायेत फताहा विश्वासी जुयाः अन वःपिं छम्ह निम्हय्सिनं धाःसा थ्व खँ पितहल। इमिसं जिमित दासयात थें व्यवस्थां धाःथें हे यायेमाः धकाः कर यात।
मेपिं मनूतय्सं छिमित लय्ताय्केत स्वयाच्वंगु दु, अथेसां इमिगु मति मभिं। इपिं छिमित जिपाखें लिगनाः थःपाखे साला कायेत स्वयाच्वंपिं खः।
ततःधंगु खँ ल्हानाः तःधं जुया जुइपिं मनूतय्सं हे खः छिमित म्हय् चिं तय्केत कर यानाच्वंगु। येशू ख्रीष्ट क्रूसय् सिनादीगु खँ न्यंकाः दुःखकष्ट फयेमाली धकाः इमिसं थथे याना जूगु खः।
अले झीपिं मखुगु खँ स्यना जुइपिं मनूतय्गु फय्गं खँय् जुइपिं मस्त जुइ मखु। इमिगु खं मनूतय्त मखुगु लँय् यंकी।
जिं छिमित न्हापा नं तःकः मछि धायेधुन। आः नं मिखाय् ख्वबि तयाः जिं धयाच्वना – ख्रीष्टयागु क्रूसया शत्रु जुयाच्वंपिं नं यक्व हे दु।
खिचात थें ल्वाना जुइपिं, मभिंगु ज्या यानाजुइपिं व मुक्ति कायेत म्हय् चिं तयेमाः धाइपिं लिसे होश याना जु।
अय्जूगुलिं जिं छिमित धाये – न्ह्याक्व हे बांलाःसां मभिंगु खं तापाक हे च्वँ।
होश यानाच्वँ। मखुसा मनूतय्गु ज्ञान व बुद्धियागु फय्गं खं छिमित स्यंकी। थज्याःगु खँ ख्रीष्टपाखें वःगु मखु, बरु मनूतय्गु हे थितिकुति व संसारयापाखें वःगु खः।
अय् जि यःपिं मस्त, थ्व संसार याकनं हे फुना वनिन। ख्रीष्टया शत्रु वइतिनि धकाः छिमिसं न्यनातःगु दु। ख्रीष्टया शत्रुत खने दयावये धुंकल। अय्जूगुलिं थ्व संसार याकनं हे फुना वनिन धकाः झीसं सीके फु।
यःपिं दाजुकिजापिं, आत्मा दु धकाः धयाजुइपिं न्ह्याम्हय्सित नं विश्वास याये मते। न्हापां परमेश्वरयागु आत्मा खः मखु धकाः निं जाँचय् याना स्व, छाय्धाःसा यक्व हे फताहा अगमवक्तात खने दया वयाच्वंगु दु।
न्हापा हे दोषी ठहरय् जूपिं गुम्हं गुम्हं मनूत छिमिगु पुचलय् मसीक दुहां वःगु दु। इमिसं परमेश्वरयात मानय् मयाः। वय्कलं बियादीगु दया मायायात इमिसं मभिंगु ज्याय् छ्यलाच्वंगु दु। अले येशू ख्रीष्टयात छम्ह हे जक प्रभु व मालिक खः धकाः नं इमिसं मानय् मयाः।
अले व पशुयात व वया फताहा अगमवक्तायात ज्वन। व पशुयागु चिं दुपिन्त व पशुयागु मूर्तियात पुजा याःपिन्त चिं क्यनाः थगय् याःम्ह थ्व हे खः। गन्धक जक च्यानाच्वनीगु मि गालय् थुपिं निम्हय्सितं क्वफात।
“छिमिसं दुःख सियाः यानाच्वंगु ज्याखँ, अले सह याये फक्व सह यानाच्वंगु व मभिंपिं मनूतय्त छिमिसं दुनुगलंनिसें हे मयय्कूगु, व प्रेरित मखुसां प्रेरित खः धकाः धया जूपिन्त फताहा सावित यानाः क्यनाब्यूगु फुक्कं जिं स्यू।
“अय्जूसां जिं धायेमाःगु छता खँ दु। थथःम्हं तुं अगमवादिनी खः धकाः धया जुइम्ह ईजेबेल धाःम्ह मिसायात छिमिसं छुं हे मधासे तया तल। जिमि दासतय्त व्यभिचार यायेगु व मूर्तियागु प्रसाद नयेगु खँ स्यनीम्हय्सित छिमिसं याःयाःथे याकातये ज्यू ला?
“छिमिसं कष्ट फयाच्वंगु व चीमि जुयाच्वंगु जिं स्यू। अय्नं छिपिं ला तःमि खः। यहूदी मखुसां यहूदी खः धकाः धया जुइपिन्सं छिमित मभिंका जूगु नं जिं स्यू। इपिं शैतान नाप मिलय् जूपिं खः।