२ कोरिन्‍थी 11:11 - नेवाः बाइबल

¹¹ छिमित मयःगुलिं जिं थथे धयाच्‍वना धकाः छिमिसं मतिइ तइ। जिं छिमित माया या कि मया धकाः परमेश्‍वरं स्‍यू।

२ कोरिन्‍थी 11:11 ပူးပေါင်းရင်းမြစ်များ

भजनसंग्रहया सफू 44:21

परमेश्‍वरं थ्‍व खँ सि हे सी। छाय्‌धाःसा वय्‌कलं फुक्‍कसिगु नुगलय् दुने च्‍वंगु खँ स्‍यू।

यूहन्‍ना 21:17

वय्‌कलं हानं स्‍वक्‍वः खुसि धयादिल – “यूहन्‍नाया काय् सिमोन, छं जितः माया याना ला?” “छं जितः माया याना ला” धकाः वय्‌कलं स्‍वकः तक न्‍यनादीगुलिं पत्रुसं नुगः मछिंकाः थथे धाल – “प्रभु, छिं फुक्‍कं स्‍यू, जिं छितः माया याः धकाः नं छिं स्‍यू।” अले वय्‌कलं धयादिल – “जिमि फैचातय्‌त ज्व।

प्रेरित 15:8

मनूतय्‌गु नुगलय् च्‍वंगु खँ स्‍यूम्‍ह परमेश्‍वरं झीत थें इमित नं पवित्र आत्‍मा बियाः इपिं नं विश्‍वासी जुइ ज्‍यू धकाः क्‍यनादिल।

रोमी 1:9

जिं प्रार्थना यायेबलय् छिमित गुबलें हे नं ल्‍वःमंकागु मदु धकाः जिं मानय् यानाच्‍वनाम्‍ह परमेश्‍वरं स्‍यू। वय्‌कःया काय्‌यागु भिंगु खँ न्‍यंकाः जिं दुनुगलंनिसें वय्‌कःया सेवा यानाच्‍वनागु दु।

२ कोरिन्‍थी 11:10

ख्रीष्‍टयागु सत्‍य जिके दतले जिगु थ्‍व फुइँयात अखैया देशय् सुनानं पने फइ मखु।

२ कोरिन्‍थी 11:31

जिं थथे धयाच्‍वनागु खँ मखुगु मखु धकाः सदां तःधंके बहःम्‍ह परमेश्‍वर प्रभु येशूया बाः नं स्‍यू।

२ कोरिन्‍थी 12:15

छिमित ग्‍वाहालि यायेत जिके दुगु फुक्‍कं बी। थथे याये दःसा जि लय्‌ताः। थुलि जक मखु, छिमिगु निंतिं सी माःसां जि लय्‌ताः। जिं छिमित थथे यक्‍व माया यानागुलिं हे छिमिपाखें जिं कम माया काये खंगु ला कि छु?

२ कोरिन्‍थी 2:17

व्‍यापार याये थें जिमिसं परमेश्‍वरयागु भिंगु खँ न्‍यंकाच्‍वनागु मखु। जिमित परमेश्‍वरं हे छ्वया हयादीगुलिं ख्रीष्‍टया च्‍यःतय्‌सं थें जिमिसं खःगु खँ जक नवानाजुयागु दु।

२ कोरिन्‍थी 7:3

छिमित दोष बीत जिं थथे धयाच्‍वनागु मखु। छिपिं ला जिमित तसकं यः। सीसां म्‍वाःसां झीपिंनापं हे जुइ।

हिब्रू 4:13

परमेश्‍वरं मखंगु छुं हे मदु। सृष्‍टियागु फुक्‍क खँ वय्‌कलं खं। थ्‍व हे परमेश्‍वरयात झीसं थथःगु ल्‍याःचाः बीमाः।

यहोशू 22:22

“परमप्रभु परमेश्‍वर दकलय् बल्‍लाःम्‍ह खः! वय्‌कः परमप्रभु खः, परमप्रभु परमेश्‍वर दकलय् बल्‍लाःम्‍ह खः! छाय् झीसं थ्‍व ज्‍या यानागु खः धकाः वय्‌कलं स्‍यू अले इस्राएलं नं सीमा! जिमिसं विद्रोह यानाः परमप्रभुयागु खँ मन्‍यनागु दुसा जिमित आः हे स्‍यानाछ्व।

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।