२ कोरिन्‍थी 10:7 - नेवाः बाइबल

⁷ पिनेयागु खनेदुगु खँय् जक छिमिसं मन तयाच्‍वन। छिमिथाय् “जि ख्रीष्‍टयाम्‍ह मनू खः” धया जुइम्‍ह सुं दुसा वं थ्‍व नं सीके माःगु खः – व गथे ख्रीष्‍टयाम्‍ह खः जिपिं नं अथे हे ख्रीष्‍टयापिं खः।

२ कोरिन्‍थी 10:7 ပူးပေါင်းရင်းမြစ်များ

मत्ती 23:5

“इमिसं न्‍ह्यागु ज्‍यां मनूतय्‌त क्‍यनेत जक याइ। इमिसं व्‍यवस्‍थायागु खँपुयात चिनाः गुलि फत तःधं यानाः थःगु लप्‍पाय् व कपालय् चिना जुइ। अले थःगु वसतय् ताःहाकय्‌क फुर्का तया जुइ।

लूका 16:15

वय्‌कलं इमित धयादिल – “मनूतय्‌गु न्‍ह्यःने भिं जुया जुइपिं छिकपिं हे ला खः नि। अय्‌नं परमेश्‍वरं छिकपिनिगु नुगलय् च्‍वंगु खँ स्‍यू, थथे मनूतय्‌गु न्‍ह्यःने तःधंछुया जुइगु हे परमेश्‍वरयात दकलय् मयःगु खँ खः।

यूहन्‍ना 7:24

ख्‍वाः स्‍वयाः न्‍याय यानादी मते, बरु खःकथं न्‍याय यानादिसँ।”

१ कोरिन्‍थी 1:12

जिं न्‍यनागु खँ छु धाःसा छिपिं गुम्‍हय्‌सिनं – “जि पावलयाम्‍ह” धाइगु हं, गुम्‍हय्‌सिनं “अपोल्‍लोसयाम्‍ह,” गुम्‍हय्‌सिनं “केफासयाम्‍ह,” गुम्‍हय्‌सिनं “ख्रीष्‍टयाम्‍ह” धकाः धाइगु हं।

१ कोरिन्‍थी 14:37

सुनानं थः अगमवक्ता व परमेश्‍वरयागु वरदान दुम्‍ह मनू खः धकाः बिचाः याःसा वं जिं च्‍वयाच्‍वनागु थ्‍व खँ परमेश्‍वरयागु उजं खः धकाः सीकेमाः।

१ कोरिन्‍थी 15:23

तर फुक्‍क पालंपाः जुइ। दकलय् न्‍हापा ख्रीष्‍ट म्‍वात, अले ख्रीष्‍ट हानं थन झायादीबलय् वय्‌कःयापिं मनूत म्‍वाइ।

१ कोरिन्‍थी 3:23

अले छिपिं फुक्‍कं ख्रीष्‍टयापिं खः व ख्रीष्‍ट परमेश्‍वरयाम्‍ह खः।

१ कोरिन्‍थी 9:1

जिं जक यःथें याये मदु ला? जि जक छम्‍ह प्रेरित मखु ला? झी प्रभु येशूयात जिं खनागु मदु ला? छिमित परमेश्‍वरयागु भिंगु खँ न्‍यंकाः विश्‍वास याका तयाम्‍ह जि हे मखु ला?

२ कोरिन्‍थी 10:1

छिमि दथुइ गुलिं गुलिंसिनं जि पौलय्‌ जक ततःधंगु खँ ल्‍हाइम्‍ह, धात्‍थें धाःसा ग्‍याफ्राम्‍ह धकाः धयाजूगु दु। स्‍वजाम्‍ह व दया माया दुम्‍ह ख्रीष्‍टयागु नामय् जि पावलं छिमित बिन्‍ति यानाच्‍वना,

२ कोरिन्‍थी 11:18

मनूतय्‌सं संसारया खँय् फुइँ याना जूगुलिं जिं नं अथे हे फुइँ यानाः खँ ल्‍हानागु खः।

२ कोरिन्‍थी 11:23

इपिं ख्रीष्‍टया च्‍यः खःसा जि झन इपिं स्‍वयाः भिंम्‍ह च्‍यः खः। थथे धायेबलय् जि वें थें च्‍वने फु। तर जिं थाकुक्‍क ज्‍या यानागु दु, तःकः मछि झ्‍यालखानाय् नं च्‍वना। तःकः मछि हे जितः कोर्रां दाःगु दु, तःकः मछि जितः सितुपातु वंक दाःगु दु।

२ कोरिन्‍थी 11:4

मेपिन्‍सं जिमिसं धा हे मधयाम्‍ह येशूयागु मखुगु मखुगु खँ न्‍यंकः वःसां छिमिसं लय्‌तायाः न्‍यनीगु जुयाच्‍वन। अथे हे जिमिसं मबियागु मेगु हे आत्‍मा व खँयात नं छिमिसं पत्‍याः याइगु जुयाच्‍वन।

२ कोरिन्‍थी 12:11

छिमिसं यानाः मूर्खम्‍ह मनुखं थें जिं छिमित थथे धया च्‍वनेमाली। धायेमाल धाःसा छिमिगुपाखें जि तःधने माःगु खः। जि छुं मखुसां छिमिसं जितः हनेमाःगु खः। तःधं धाःपिं प्रेरितत स्‍वयाः जि कम मजू।

२ कोरिन्‍थी 13:3

छिमिसं मालाच्‍वंगु ख्रीष्‍ट जिपाखें नवानाच्‍वनादीगु खः धयागु फुक्‍क दसु जिं छिमित बी। छिपिंलिसे व्‍यवहार यानादीबलय् वय्‌कः कमजोर मजू, बरु वय्‌कलं छिमिगु दथुइ थःगु शक्ति क्‍यनादिल।

२ कोरिन्‍थी 5:12

हानं जिपिं भिंपिं मनूत खः धकाः धायेत छिमित थथे च्‍वयाच्‍वनागु मखु। बरु जिमिगु पंलिनाः छिपिं तःधं जुइ फयेमा धकाः थथे च्‍वयाच्‍वनागु खः। थथे मनूतय्‌गु नुगः मस्‍वसे, ख्‍वाःपाः जक स्‍वयाः खँ ल्‍हाइपिं मनूतय्‌त छिमिसं कुगाक्‍क लिसः बी फयेमा।

गलाती 3:29

छिपिं ख्रीष्‍टया मनूत खःसा अब्राहामया सन्‍तान नं खः। अले परमेश्‍वरं बी धकाः बाचा चिनादीगु छिमित नं बियादी।

१ यूहन्‍ना 4:6

झीपिं धाःसा परमेश्‍वरया मनूत खः, उकिं वय्‌कःयात बांलाक म्‍हस्‍यूपिन्‍सं झीगु खँ न्‍यनी। वय्‌कःया मनूत मखुसा झीगु खँ नं इमिसं न्‍यनी मखु। थथे झीसं परमेश्‍वरं धाःगु व मनूतय्‌सं धाःगु खँ सीके फइ।

१ शमूएल 16:7

तर परमप्रभुं शमूएलयात धयादिल, “व तःधिकःम्‍ह जूसां अले तसकं बांलाःम्‍ह जूसां वयागु वास्‍ता याये मते। व जुजु जुइत ल्‍वःम्‍ह मखु, छाय्‌धाःसा मनूतय्‌सं ला ख्‍वाः स्‍वयाः बिचाः याइ तर परमप्रभुं नुगः स्‍वयाः बिचाः यानादी।”