२ कोरिन्‍थी 10:5 - नेवाः बाइबल

⁵ परमेश्‍वरयागु खँ अःखः यायेत स्‍वइपिन्‍त नं जिमिसं बुकाच्‍वनागु दु। फुक्‍क बिचाःयात बसय् कयाः ख्रीष्‍टयात मानय् याकेत स्‍वयाच्‍वनागु दु।

२ कोरिन्‍थी 10:5 ပူးပေါင်းရင်းမြစ်များ

उत्‍पत्ति 8:21

उकिं लय्‌तायाः परमप्रभुं मनं मनं धयादिल, “मनूया नुगलय् मचांनिसें हे मभिंगु खँ बुयावःसां आः हाकनं जिं मनूया कारणं पृथ्‍वीयात सराः बी मखुत। अले न्‍हापा याना थें आः हाकनं ज्‍यान दुपिं फुक्‍कसितं नाश याये मखुत।

२ राजा 19:22

छं सुयात क्‍वह्यंका व ब्‍वः बिया? अले सुयागु विरोधय् छं न्‍ववानागु व तःधंछुयागु दु? इस्राएलया पवित्र परमेश्‍वरया विरोधय् मखु ला?

२ राजा 19:28

छंगु तं व घमण्‍डया बारे जिं न्‍यनागु दु। अथे जुयाः जिं छंगु न्‍हासय् काकःचा व छंगु म्‍हुतुइ लगाम तयाबी। छ गुगु लँ जुयावःगु खः व हे लं जिं छन्‍त लित छ्वयाबी।’

अय्‍यूब 42:6

उकिं जिं थःत क्‍वह्यंकाः स्‍वया, अले धू व नउलय् च्‍वनाः पस्‍ताय् चाये।”

भजनसंग्रहया सफू 10:4

दुष्‍टतय्‌सं तःधंछु जुयाः परमप्रभुयात माली मखु। इमिगु बिचालय् परमेश्‍वर धयाम्‍ह द हे मदु।

भजनसंग्रहया सफू 139:2

छिं जि फ्‍यतुनागु व दनागु तकं स्‍यू छिं तापाकंनिसें हे जिगु नुगःखँ स्‍यू।

भजनसंग्रहया सफू 18:27

क्‍वमिलुपिन्‍त छिं बचय् यानादी, तःधंछुया जुइपिन्‍त धाःसा क्‍वह्यंकादी।

भजनसंग्रहया सफू 18:44

मेगु जातियापिं मनूत नं जिगु न्‍ह्यःने क्‍वछुइ अले जिं धाःथें च्‍वनी।

प्रस्‍थान 5:2

फारोनं धाल, “परमप्रभु सु खः? जिं छाय् वयागु खँ न्‍यनाः इस्राएलीतय्‌त वने बीगु? जिं परमप्रभुयात म्‍हमस्‍यू अले इस्राएलीतय्‌त नं वनेबी मखु।”

हितोपदेश 15:26

दुष्‍टतय्‌गु खँय् परमप्रभु लय्‌तायादी मखु, तर भिंपिं मनूतय्‌गु खँय् वय्‌कः लय्‌तायादी।

हितोपदेश 24:9

मूर्खतय्‌गु ग्‍वसाः पापं जाइ। कर्पिन्‍त हेबाय्‌चबाय् जक याइपिं मनूतय्‌त सकसिनं मयय्‌की।

यशैया 2:17

वय्‌कलं मनूतय्‌गु घमण्‍डयात क्‍वमिलु यानादी। व दिंखुन्‍हु मूर्तित फुक्‍कं मदय्‌का छ्वइ। अले परमप्रभुयात जक तःधंकेगु जुइ।

यशैया 55:7

दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।

यशैया 59:7

इमिगु तुति पापया ज्‍या यायेत ब्‍वाँय् वनी अले छुं दोष मदुपिनिगु हिबाः न्‍ह्याकेत इपिं हथाय् चाइ। इमिगु बिचाः अधर्मया बिचाः खः। दुःख व नाशं इमिगु लँ म्‍हसीकी।

यशैया 60:14

छन्‍त दुःख बिइपिनि काय्‌पिं छन्‍थाय् हे क्‍वमिलु जुयाः वइ। छन्‍त हेला याइपिं फुक्‍क छंगु पाली भ्‍वपू वइ। इमिसं छन्‍त परमप्रभुया शहर, इस्राएलया पवित्र परमेश्‍वरया सियोन धकाः धाइ।

यर्मिया 23:29

जिगु वचन मि थें मच्‍वं ला? छु व ल्‍वहंयात तछ्याइगु छगू तःधंगु मुगः थें मच्‍वं ला?”

यर्मिया 4:14

हे यरूशलेम, छ बचय् जुइत थःगु नुगलं मभिंगु खँ सिलाछ्व। गुबलय् तक मभिंगु बिचाः छंगु नुगलय् तया तयेगु?

इजकिएल 17:24

गुँयागु फुक्‍क सिमातय्‌सं तःमागु सिमायात चीमागु याइम्‍ह, चीमागु सिमायात तःमागु याइम्‍ह, वाउँगु सिमायात गंकाबीम्‍ह अले गंगु सिमायात वाउँकाबीम्‍ह जि परमप्रभु हे खः धकाः गुँयागु फुक्‍क सिमातय्‌सं सी। “‘जि परमप्रभुं हे धयागु खः, व जिं या हे याये।’”

दानिएल 4:37

आः जि, नबूकदनेसरं, स्‍वर्गयाम्‍ह जुजुयात तःधंके, वय्‌कःयात तःधंके, अले हनाबना याये छाय्‌धाःसा वय्‌कलं यानादीगु फुक्‍क खँ पाय्‌छि जू व वय्‌कःया फुक्‍क लँपु न्‍यायलं जाः। तःधंछु जुया जुइपिन्‍त वय्‌कलं क्‍वमिलु यानादी फु।

मत्ती 15:19

छाय्‌धाःसा मनूतय्‌गु नुगलं हे थज्‍याःगु मभिंगु बिचाः पिहां वइ – स्‍यायेगु, व्‍यभिचार यायेगु, खुइगु, मखुगु साक्षी बीगु, मेपिन्‍त मभिंकाः खँ ल्‍हायेगु।

लूका 1:51

वय्‌कलं थःगु ल्‍हाःयागु शक्ति क्‍यनादीगु दु। वय्‌कलं घमण्‍ड याइपिनिगु मनय् च्‍वंगु ग्‍वसाः फुक्‍कं स्‍यंकादीगु दु।

रोमी 1:21

इमिसं परमेश्‍वरयात म्‍हस्‍यूसां वय्‌कःयात मानय् मयाः। अले वय्‌कःयात तःधंके मालं नं तःमधंकू। थुकथं इपिं थःगु बिचारं यानाः ज्‍यालगय् मजूपिं जुल व इमिगु बुद्धि मदुगु नुगः खिउँसे च्‍वन।

रोमी 1:5

वय्‌कःयागु नां दक्‍व जात जातिया मनूतय्‌त न्‍यंकाः विश्‍वास याःपिन्‍सं वय्‌कःयात मानय् यायेमाः धकाः धया बीत वय्‌कलं हे जिमित दया माया यानाः प्रेरित दय्‌कादिल।

रोमी 16:26

थ्‍व हे गुप्‍त खँ आः फुक्‍क मनूतय्‌त सीके बीत अगमवक्तातय्‌सं च्‍वया थकूगु दु। सदां दयाच्‍वनीम्‍ह परमेश्‍वरं फुक्‍क जात जातियापिन्‍त सीके बीत, अले विश्‍वास यानाः वय्‌कःयात मानय् यायेत थ्‍व भिंगु खँ बय्‌बय् यायेमाः धकाः आज्ञा बियादीगु दु।

रोमी 7:23

जिगु म्‍हयागु व्‍यवस्‍था व मनयागु व्‍यवस्‍थाया दथुइ ल्‍वापु जुयाच्‍वंगु जिं चा। थुकथं पापयागु व्‍यवस्‍थां जितः त्‍याकाः चिनातल।

१ कोरिन्‍थी 1:19

थ्‍व हे खँ धर्मशास्‍त्रय् थथे च्‍वयातःगु दु – “जिं ज्ञानीपिनिगु ज्ञानयात नाश यानाबी, अले बुद्धिमानतय्‌गु बुद्धियात ज्‍यालगय् मजुइकाबी।”

१ कोरिन्‍थी 3:19

थथे छाय् जुइ धाःसा, थ्‍व संसारयागु बुद्धि ला परमेश्‍वरया न्‍ह्यःने छुं नं मखु, थ्‍व हे खँय् थथे च्‍वयातःगु दु – “परमेश्‍वरं बुद्धिमानतय्‌त इमिगु हे चलाखिइ ज्‍वनादी।”

२ कोरिन्‍थी 11:20

धात्‍थें हे सुनानं छिमित क्‍वत्‍यला तःसां, थगय् याःसां, लुतय् यानाकाःसां, थःत तःधंकूसां, ख्‍वालय् हे दाःसां छिमिसं सह यानाच्‍वनी।

२ कोरिन्‍थी 9:13

छिमिसं थथे ग्‍वाहालि याःगुलिं फुक्‍कसिनं छिपिं भिंपिं मनूत खः धकाः सीकी। ख्रीष्‍टयागु भिंगु खँ मानय् यानाच्‍वंगु दु धकाः थुकिं सी दइ। थुकिं यानाः इमिसं परमेश्‍वरयात सुभाय् बी।

व्‍यवस्‍था 15:9

होश या! सुं मनुखं त्‍यासा त्‍वःतेगु न्‍हय्‌गूगु दँ वइन धकाः मभिंगु बिचाः नुगलय् तयाः थः गरीब दाजुकिजायात छुं मबिल धाःसा व गरीबम्‍हय्‌सिनं परमप्रभुयाथाय् छंगु विरोधय् इनाप याइ, अले छन्‍त पापया द्वपं लाइ।

फिलिप्‍पी 4:7

सुयागुं ज्ञान बुद्धिं थुइके मफुगु परमेश्‍वरयागु शान्‍तिं छिमिगु नुगः व मनयात ख्रीष्‍ट येशूपाखें बचय् याना तइ।

२ थेसलोनिकी 2:4

वं थथःम्‍हं तःधं जुयाः मनूतय्‌सं परमेश्‍वर धयाच्‍वंगु व पुजा यानाच्‍वंगु फुक्‍कयात क्‍वह्यंकी। थःम्‍हं थःत परमेश्‍वर धयाः व परमेश्‍वरया देगलय् च्‍वंवनी।

२ थेसलोनिकी 2:8

वयात पनातःम्‍ह चिला वन कि व दुष्‍ट खनेदय्‌कः वइ। अले प्रभु येशू ख्रीष्‍ट जलय् झःझः धाय्‌क झाइबलय् छगू सासलं हे वयात नाश यानाछ्वइ।

हिब्रू 4:12

छाय्‌धाःसा परमेश्‍वरयागु वचन ज्‍या याना तुं च्‍वनीगु व जीवन बीगु खः। थ्‍व निखें धाः दुगु तरवार स्‍वयाः नं ज्‍वः, थ्‍वं दुने थ्‍यंक वनाः प्राण व आत्‍मायात छुतय् यानाबी, साहाः व स्‍यःयात छुतय् यानाबी। अले मनूतय्‌गु नुगलय् च्‍वंगु खँ व इच्‍छायात ल्‍ययाः जाँचय् याइ।

हिब्रू 5:9

अले छकः फुक्‍क पूवंम्‍ह जुयादी धुंकाः वय्‌कः थःगु आज्ञा मानय् याइपिन्‍त सदां दयाच्‍वनीगु मुक्ति बियादीम्‍ह जुयादिल।

१ पत्रुस 1:2

न्‍हापांनिसें ताःतुनादी थें वय्‌कलं धाःथें याइपिं यायेत पवित्र आत्‍मापाखें छिमित परमेश्‍वर बाःनं ल्‍ययादीगु खः। अले येशू ख्रीष्‍टयागु हिं शुद्ध यानाः छिमित वय्‌कःयात मानय् याइपिं यानादीगु खः। परमेश्‍वरयागु दया माया व शान्‍ति छिमित यक्‍व दयेमा।

१ पत्रुस 1:22

सत्‍ययात मानय् याःगुलिं छिपिं आः शुद्ध जूगु दु। अय्‌जूगुलिं छिमिसं दाजुकिजापिन्‍त माया याना च्‍वँ। अज्‍जं थःथवय् दुनुगलंनिसें माया याना च्‍वँ।