२ कोरिन्‍थी 10:4 - नेवाः बाइबल

⁴ थ्‍व संसारयागु हतियार ज्‍वनाः जिपिं ल्‍वानाच्‍वनागु मदु, बरु परमेश्‍वरं बियादीगु शक्तिं म्‍वाःमदुगु खँ ल्‍हानाजुइपिन्‍त जिमिसं बुकाबियागु दु।

२ कोरिन्‍थी 10:4 ပူးပေါင်းရင်းမြစ်များ

भजनसंग्रहया सफू 110:2

परमप्रभुं छिगु बल्‍लाःगु राज्‍य यरूशलेमं तःधं यानादी। छि छिकपिनि शत्रुतय् जुजु जुयादी।

यशैया 30:25

व यक्‍व स्‍यायेगु दिंखुन्‍हु धरहरात क्‍वःदलीबलय् फुक्‍क ततःजाःगु पर्वतत व फुक्‍क डाँडाय् लःया खुसिबाः न्‍ह्याइ।

यर्मिया 1:10

स्‍व, थौं जिं छन्‍त जाति जाति व राज्‍य राज्‍यया अधिकार बी, इमित लेहें थनेगु व स्‍यंकेगु, नाश यायेगु व वांछ्वयेगु, दय्‌केगु व पीगु अधिकार छन्‍त बी।”

यर्मिया 23:29

जिगु वचन मि थें मच्‍वं ला? छु व ल्‍वहंयात तछ्याइगु छगू तःधंगु मुगः थें मच्‍वं ला?”

प्रेरित 7:22

थुकथं मोशां दरबारय् हे मिश्रतय्‌गु फुक्‍कं ज्ञान सय्‌के सीके यात। थुकथं मोशा ज्‍याय् नं खँय् नं सःस्‍यूम्‍ह जुयावल।”

रोमी 13:12

चा फुइन, आः न्‍हि वइन। उकिं खिउँबलय् यायेगु ज्‍या त्‍वःताः जःयागु ल्‍वाभः ज्‍वनाः तयार जु।

रोमी 6:13

शरीरय् च्‍वंगु छुनं म्‍हब्‍वयात छिमिसं पापी ज्‍या यायेगु ज्‍याभः याये मते। सिनाः हानं म्‍वाके धुंकूपिं मनूत जूगुलिं छिपिं थथःम्‍ह हे परमेश्‍वरं धाःथें मानय् जुयाच्‍वनेमाः। अले छिमिगु शरीरया म्‍हब्‍वत भिंगु ज्‍याखँ यायेगु ज्‍याभःकथं परमेश्‍वरयात देछाया ब्‍यु।

१ कोरिन्‍थी 2:5

अय्‌जूगुलिं छिमिसं मनूतय्‌गु ज्ञानयात विश्‍वास याःगु मखु, बरु परमेश्‍वरयागु शक्तियात विश्‍वास याःगु खः।

१ कोरिन्‍थी 9:7

सुं सिपाइँनं थःम्‍हं हे खर्च यानाः ज्‍या याइ ला? दाखमा प्‍यूम्‍हय्‌सिनं दाख नये मदइ ला? फैजवालं थःम्‍हं लहिनातःपिं फैतय्‌गु दुरु त्‍वने मदइ ला?

२ कोरिन्‍थी 10:8

परमेश्‍वरं जितः बियादीगु अधिकारया खँय् छुं भचा घमण्‍ड यानागु जूसां जि लज्‍या चाये मखु, छाय्‌धाःसा थथे यानागु छिमित हे भिंकेत खः, स्‍यंकेत मखु।

२ कोरिन्‍थी 13:10

अय्‌जूगुलिं हे आम्‍कन वये न्‍ह्यः जिं छिमित थुकथं च्‍वयाच्‍वनागु खः। अले जक आम्‍कन वयाः जिं छिमित ब्‍वःबी नं माली मखु, सजाँय बी नं माली मखु, थथे यायेगु अधिकार प्रभुं जितः बियादीगु दु धकाः छिमित क्‍यनाबी माली मखु। प्रभुं जितः थथे यायेगु अधिकार बियादीगु छिमित स्‍यंकेत मखु बरु भिंकेत खः।

२ कोरिन्‍थी 3:5

थ्‍व ज्‍या जिमिगु हे शक्तिं याये फु धकाः धायेगु जिमिगु शक्ति मदु। थ्‍व ज्‍या जिमित याये फय्‌कादीम्‍ह परमेश्‍वर हे खः।

२ कोरिन्‍थी 4:7

चायागु थलय् तःजिगु धन तः थें परमेश्‍वरं जिमिगु मनय् झल्‍ल मत थीकादिल। थुकिं हे जिमिगु शक्ति मखु, बरु वय्‌कःयागु शक्ति खः धकाः सी दइ।

२ कोरिन्‍थी 6:7

जिमिसं विश्‍वास यानाः सत्‍य खँ न्‍यंका जुया, परमेश्‍वरया शक्तिं यानाः जिमिसं थथे याये फुगु खः। परमेश्‍वरयागु न्‍ह्यःने धर्मी ठहरय् जुइगु हे जिमिगु छगू जक ल्‍वायेगु नं पनेगु नं हतियार खः।

१ थेसलोनिकी 5:8

झीपिं जलय् च्‍वनीपिं जूगुलिं झीसं थःत कःघाना च्‍वनेमाः। झीसं ला विश्‍वास व मायायात छातिइ चीगु नँयागु पाता थें चिना तयेमाः अले मुक्तियागु आशायात तपुलि थें पुया च्‍वनेमाः।

१ तिमोथी 1:18

तिमोथी, जिकाय्, छन्‍त कयाः न्‍हापांनिसें जुयाच्‍वंगु अगमवाणी कथं जिं उजं बियाच्‍वना। थुकियात हे ल्‍वाभः यानाः छ प्रभुया निंतिं ल्‍वाना च्‍वँ।

२ तिमोथी 2:3

ख्रीष्‍ट येशूयाम्‍ह भिंम्‍ह सिपाइँ जुयाः छं नं जि नाप दुःखकष्‍ट फ।

हिब्रू 11:30

विश्‍वासं हे न्‍हय्‌न्‍हु तक चाः हुले धुंकाः यरीहोया पःखाः दुनावन।

यहोशू 6:20

पुजाहारीतय्‌सं फैया नेकूया तुरही पुल। उकिया सः न्‍यनेवं मनूत तस्‍सलं हाल। अबलय् हे शहरया पःखाः क्‍वय् थ्‍यंक हे दुन। उकिं फुक्‍क मनूत तप्‍यंक न्‍हज्‍यात अले शहरय् दुहां वनाः उकियात त्‍याका काल।