२ कोरिन्‍थी 10:3 - नेवाः बाइबल

³ जिपिं थ्‍व संसारय् च्‍वनाच्‍वंपिं मनूत खः धयागु खँ सत्‍य खः, अय्‌सां संसारयापिं थें जिपिं ल्‍वानाच्‍वनागु मदु।

२ कोरिन्‍थी 10:3 ပူးပေါင်းရင်းမြစ်များ

रोमी 7:5

न्‍हापा झीपिं मनू स्‍वभाबया पापं जाःगु इच्‍छा कथं म्‍वाना च्‍वनापिं खः। उबलय् व्‍यवस्‍थां झीगु इच्‍छायात क्‍वत्‍यला तःगुलिं झीत पाप याकेबिल। थ्‍व फुक्‍क ज्‍या मृत्‍युयागु लँपु जक खः।

रोमी 8:13

छिमिसं शरीरयात यःथें याना जुया च्‍वंसा छिपिं सी। शरीरयात यःथें याना मजुसे बरु परमेश्‍वरया आत्‍मायात यःथें याना जूसा छिपिं म्‍वाइ। अथे याना जूसा आत्‍मां छिमिगु यत्‍थेंज्‍याःगु चालचलन त्‍वःतकादी।

रोमी 8:4

अय्‌जूगुलिं व्‍यवस्‍थां धाःगु खँ पूवनेमा झीपिं मनूतय्‌गु ज्‍याखं धाःथें यायेत मखु, बरु पवित्र आत्‍मां धाःथें यानाजुइपिं खः।

२ कोरिन्‍थी 1:17

थथे मन हीकल धकाः जि छु मभिंम्‍ह, भरोसा मदुम्‍ह मनू जुल ला? गुबलें “ज्‍यू,” गुबलें “मज्‍यू” धकाः जि थःत जक भिंकेत स्‍वइम्‍ह मनू खः ला?

२ कोरिन्‍थी 10:4

थ्‍व संसारयागु हतियार ज्‍वनाः जिपिं ल्‍वानाच्‍वनागु मदु, बरु परमेश्‍वरं बियादीगु शक्तिं म्‍वाःमदुगु खँ ल्‍हानाजुइपिन्‍त जिमिसं बुकाबियागु दु।

गलाती 2:20

जि ख्रीष्‍टनाप क्रूसय् सी धुन, जि थः हे म्‍वानाच्‍वनागु मखु, बरु ख्रीष्‍ट जिके म्‍वानादीगु खः। जि ला आः जितः माया यानाः जिगु निंतिं सिनादीम्‍ह परमेश्‍वरया काय्‌यात विश्‍वास यानाः म्‍वानाच्‍वनागु खः।

१ तिमोथी 1:18

तिमोथी, जिकाय्, छन्‍त कयाः न्‍हापांनिसें जुयाच्‍वंगु अगमवाणी कथं जिं उजं बियाच्‍वना। थुकियात हे ल्‍वाभः यानाः छ प्रभुया निंतिं ल्‍वाना च्‍वँ।

२ तिमोथी 4:7

जिं यायेमाःगु बांलाक याये धुन। जिं ब्‍वाँय् वने गाके धुन। अथेसां जिं जिगु विश्‍वासयात बल्‍लाक तया तयागु दु।

हिब्रू 12:1

थुकथं झीसं झीगु प्‍यखें थुलिमछि विश्‍वासया साक्षीत खनाच्‍वनागु दु। अय्‌जूगुलिं झीपिं नं झीगु लँय् वइगु न्‍ह्याथें ज्‍याःगु पंगः व अःपुक झीत तक्‍यंकीगु पापयात चीकाः थ्‍यंकेमाःगु थासय् थ्‍यंक हे वने धकाः धैर्य यानाः ब्‍वाँय् वनेनु।