२ कोरिन्‍थी 10:2 - नेवाः बाइबल

² जि आम्‍कन वयेबलय् जिमित संसारया पहःचहःकथं जुइपिं धकाः धाइपिनिगु न्‍ह्यःने कडा पहः क्‍यने म्‍वाःलेमा।

२ कोरिन्‍थी 10:2 ပူးပေါင်းရင်းမြစ်များ

रोमी 8:1

अय्‌जूगुलिं ख्रीष्‍ट येशू नाप मिलय् जुयाच्‍वंपिं दोषी जुइ मखु।

रोमी 8:4

अय्‌जूगुलिं व्‍यवस्‍थां धाःगु खँ पूवनेमा झीपिं मनूतय्‌गु ज्‍याखं धाःथें यायेत मखु, बरु पवित्र आत्‍मां धाःथें यानाजुइपिं खः।

रोमी 8:5

शरीरयात यःथें यानाजुइपिं मनूतय्‌सं शरीरयागु ज्‍याखँय् हे मन तया जुइ। आत्‍मायात यःथें यानाजुइपिं मनूतय्‌सं आत्‍मायागु ज्‍याखँय् हे मन तया जुइ।

२ कोरिन्‍थी 1:17

थथे मन हीकल धकाः जि छु मभिंम्‍ह, भरोसा मदुम्‍ह मनू जुल ला? गुबलें “ज्‍यू,” गुबलें “मज्‍यू” धकाः जि थःत जक भिंकेत स्‍वइम्‍ह मनू खः ला?

२ कोरिन्‍थी 11:21

इमिसं याःथें यायेत जिके आँट मदु, थथे धायेत जितः लज्‍या चाः। सुनानं छुं खँय् घमण्‍ड याःसा जिं नं याये फु। तर थ्‍व मूर्ख ज्‍या जक खः।

२ कोरिन्‍थी 13:10

अय्‌जूगुलिं हे आम्‍कन वये न्‍ह्यः जिं छिमित थुकथं च्‍वयाच्‍वनागु खः। अले जक आम्‍कन वयाः जिं छिमित ब्‍वःबी नं माली मखु, सजाँय बी नं माली मखु, थथे यायेगु अधिकार प्रभुं जितः बियादीगु दु धकाः छिमित क्‍यनाबी माली मखु। प्रभुं जितः थथे यायेगु अधिकार बियादीगु छिमित स्‍यंकेत मखु बरु भिंकेत खः।

२ कोरिन्‍थी 13:2

निक्‍वः खुसि छिमिथाय् वयाबलय् थथे पाप यानाच्‍वंपिन्‍त जिं ख्‍याच्‍वः बियागु खः। थ्‍व हे खँ जिं छिमित हाकनं लुमंकेबी। मखुसा आः हानं वयेबलय् जिं इमित व मेपिं पापीतय्‌त नं त्‍वःते मखु।