२ कोरिन्‍थी 10:17 - नेवाः बाइबल

¹⁷ धर्मशास्‍त्रय् थथे च्‍वयातःगु दु “तःधंछुइम्‍ह मनुखं प्रभुं यानादीगुलिइ हे तःधंछु।”

२ कोरिन्‍थी 10:17 ပူးပေါင်းရင်းမြစ်များ

भजनसंग्रहया सफू 105:3

वय्‌कःया पवित्र नांयात तःधंकि, परमप्रभुयात मालिपिनिगु नुगः लय्‌तायेमा।

भजनसंग्रहया सफू 106:5

अले छिं ल्‍ययातःपिं मनूतय्‌गु भिं जूगु खनाः जि लय्‌ताये फयेमा। छिगु जातिया लसताय् जि नं लय्‌ताये फयेमा, अले छिकपिनि मनूतनापं मिलय् जुयाः छितः प्रशंसा याये फयेमा।

यशैया 41:16

छं इमित हायाछ्वइ अले फसं इमित च्‍वय् थत यंकी, अले ग्‍वःफसं इमित पुइकेयंकी। छं धाःसा परमप्रभुनापं हे लय्‌तायाच्‍वनी। अले छं इस्राएलया पवित्र परमेश्‍वरया महिमा याइ।

यशैया 45:25

तर परमप्रभुं हे फुक्‍क इस्राएलया सन्‍तानतय्‌त बचय् यानादी। इपिं सकसिनं वय्‌कःया प्रशंसा याइ।

यशैया 65:16

सुनां थ्‍व देशय् सुवाःयात फ्‍वनी, वं धात्‍थें परमेश्‍वरया नामं थथे याइ, थ्‍व देशय् पाफइपिन्‍सं परमेश्‍वरया नामय् हे पा फइ, छाय्‌धाःसा न्‍हापा न्‍हापाया दुःखत ल्‍वमने धुंकी, अले उपिं जिगु न्‍ह्यःनं सुपिकातःगु जुइ।

यर्मिया 4:2

छिमिसं सत्‍य, न्‍याय व खःकथं ‘धात्‍थें परमप्रभु म्‍वाःम्‍ह खः’ धया पाफल धाःसा वय्‌कःपाखें जाति जातितय्‌त आशिष दइ। अले इमिसं वय्‌कःयात तःधंकी।”

रोमी 5:11

थुलि जक मखु, झीत परमेश्‍वर नाप मिलय् यानादीम्‍ह झी प्रभु येशू ख्रीष्‍टं यानाः वय्‌कः नाप झीपिं लय्‌ताय् खन।

१ कोरिन्‍थी 1:29

अय्‌जूगुलिं सुनानं परमेश्‍वरया न्‍ह्यःने तःधंछुइ फइ मखु।

१ कोरिन्‍थी 1:31

अय्‌जूगुलिं धर्मशास्‍त्रय् थथे च्‍वयातःगु दु – “सुयां तःधंछुइ मास्‍ति वःसा परमेश्‍वरं यानादीगु खँय् तःधंछु।”

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।