२ कोरिन्‍थी 10:13 - नेवाः बाइबल

¹³ जिमिसं ला परमेश्‍वरं जिमित धयादीगु स्‍वयाः अप्‍वः तःधंछुयाः धयाच्‍वनागु मदु। वय्‌कलं जिम्‍मा बियादी थें जक जिमिसं यानाच्‍वनागु दु। जिमिगु ज्‍याय् दुथ्‍याःपिं छिपिं हे नं ला खः।

२ कोरिन्‍थी 10:13 ပူးပေါင်းရင်းမြစ်များ

भजनसंग्रहया सफू 19:4

इमिगु सुचं संसार न्‍यंक न्‍यनाच्‍वंगु दु, अले संसारया कुंकुलामय् थ्‍यंक ताये दयाच्‍वंगु दु। परमेश्‍वरं सूर्यया लागि आकाशय् च्‍वनेत थाय् दय्‌कादीगु दु।

हितोपदेश 25:14

थःम्‍हं बी धकाः बचं बियाः मबीम्‍ह मनू नँन्‍यायाः वा मगाः थें खः।

यशैया 28:17

जिं इन्‍साफयात नापे यायेगु खिपः व धार्मिकतायात धाःसा गं खायेगु दय्‌काबी। प्‍वँनं मखुगु खँ ल्‍हाइपिनिगु शरण कायेगु थाय् चुइकायंकी, अले लखं छिमिगु सुपीगु थाय् त्‍वःपुयाबी।

मत्ती 25:15

वं इमिसं फक्‍व छम्‍हय्‌सित न्‍यागू लाख, छम्‍हय्‌सित निगू लाख व छम्‍हय्‌सित छगू लाख जिम्‍मा बियाः परदेशय् वन।

रोमी 10:18

अय्‌नं जिं न्‍ह्यसः याये – छु इमित त्‍वहः तयेगु लँ दु ला? छु इमिसं गुबलें हे मन्‍यंनि ला? “धात्‍थें धायेगु खःसा इमिगु सुचं संसार न्‍यंक न्‍यनाच्‍वंगु दु। अले संसारया कुंकुलामय् थ्‍यंक ताये दयाच्‍वंगु दु।”

रोमी 12:3

परमेश्‍वरं जितः दया माया यानादीगुलिं छिपिं फुक्‍कसिनं थःत तःधंम्‍ह धकाः मतिइ तया जुइ मते धकाः जिं छिमित बिन्‍ति यानाच्‍वना। परमेश्‍वरं छिमित बियादीगु विश्‍वास गपाय्‌धंगु खः उलि हे जक बांलाक बिचाः या।

रोमी 12:6

परमेश्‍वरं झीत दया माया यानाः बियातःगु थीथी वरदानयात झीसं छ्यले माल। अगमवाणी कनेगु वरदान दःसा वं विश्‍वासं थ्‍व ज्‍या यायेमाः।

रोमी 15:20

ख्रीष्‍टयागु नां मस्‍यूपिन्‍थाय् वनाः ख्रीष्‍टयागु भिंगु खँ न्‍यंकेगु जिगु इच्‍छा खः। मेपिन्‍सं जग स्‍वना तये धुंकूथाय् वनाः छेँ दनेथें मेपिन्‍सं न्‍यंका तये धुंकूथाय् वनाः हानं न्‍यंके मास्‍ति मवः।

१ कोरिन्‍थी 12:11

थथे थीथी वरदान बियादीम्‍ह थ्‍व हे पवित्र आत्‍मा खः। थ्‍व हे पवित्र आत्‍मां थःत यःथें फुक्‍कसित थीथी वरदान बियादी।

एफिसी 4:7

तर ख्रीष्‍टया वरदानया नापकथं झीपिं सकसित अनुग्रह बियादीगु दु।

१ पत्रुस 4:10

परमेश्‍वरं छिमित थीथी कथंया वरदान बियादीगु दु। उकिं थःथपिन्‍त बियातःगु वरदान छ्यलाः मेपिन्‍त ग्‍वाहालि या।