२ कोरिन्‍थी 10:1 - नेवाः बाइबल

¹ छिमि दथुइ गुलिं गुलिंसिनं जि पौलय्‌ जक ततःधंगु खँ ल्‍हाइम्‍ह, धात्‍थें धाःसा ग्‍याफ्राम्‍ह धकाः धयाजूगु दु। स्‍वजाम्‍ह व दया माया दुम्‍ह ख्रीष्‍टयागु नामय् जि पावलं छिमित बिन्‍ति यानाच्‍वना,

२ कोरिन्‍थी 10:1 ပူးပေါင်းရင်းမြစ်များ

भजनसंग्रहया सफू 45:4

सत्‍य व न्‍यायया निंतिं थःगु साहसनापं सवारी जुयादिसँ। छिगु जव ल्‍हातिं अजू चायापुगु ज्‍या क्‍यनेमा।

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।

मत्ती 11:29

जिगु जुवा छिमिसं क्‍वब्‍यु, अले जिके स्‍यना का, छाय्‌धाःसा जि स्‍वजाम्‍ह व क्‍वमिलुम्‍ह खः। अले छिमिसं दुनुगलंनिसें आराम कायेखनी।

मत्ती 21:5

“सियोनया मनूतय्‌त धा – ‘स्‍व, छिमि जुजु छिमिथाय् झायाच्‍वंगु दु। वय्‌कः क्‍वमिलुम्‍ह जुयाः गधा गयादिल, गधाया मचा गयाः झायादीगु दु।’”

प्रेरित 8:32

वं ब्‍वनाच्‍वंगु सफूयागु ब्‍व थथे खः – “स्‍यायेत यंकूम्‍ह चीधिकःम्‍ह भ्‍याःचा थें वय्‌कलं छुं नवाना मदी। सँ चाकीबलय् फै सुम्‍क च्‍वंथें वय्‌कलं नं थःगु म्‍हुतुप्‍वाः तिनाच्‍वन।

रोमी 10:20

यशैयां अज्‍ज मग्‍यासे धाल – “जितः माला मस्‍वःपिन्‍सं जितः लुइकल। जितः न्‍यनेकने मयाःपिन्‍त जिं हे जि सु खः धकाः क्‍यनाबिया।”

रोमी 12:1

यःपिं दाजुकिजापिं, थथे परमेश्‍वरयागु दया मायां यानाः वय्‌कःयात यय्‌क, पवित्र जुइक, छिमिगु जीवन वय्‌कःयात बलिकथं देछाया ब्‍यु। थथे यायेगु हे दुनुगलंनिसें सेवा यायेगु खः।

रोमी 15:15

परमेश्‍वरं जितः दया माया यानाः अधिकार बियादीगुलिं छिमित हानं छुं मू खँ लुमंकाबीत मग्‍यासे थथे च्‍वयाच्‍वना।

१ कोरिन्‍थी 2:3

जि आम्‍कन वयाबलय् कमजोर जुयाः ग्‍याःगुलिं थरथर खात।

१ कोरिन्‍थी 4:10

ख्रीष्‍टयागु निंतिं जिपिं मूर्खत थें जुइ धुन। ख्रीष्‍टयात विश्‍वास याःगुलिं छिपिं धाःसा बुद्धिमान थें जुइ धुन, मखु ला? जिपिं बमलाः, छिपिं बल्‍लाः। जिमित फुक्‍कसिनं क्‍वह्यंका तल, छिमित फुक्‍कसिनं तःधंका तल।

१ कोरिन्‍थी 4:21

छिमित छु यः, आम्‍कन वयेबलय् जि कथि ज्‍वनावये कि क्‍वमिलु आत्‍मा व दया माया ज्‍वनावये?

२ कोरिन्‍थी 10:10

छिमि दथुइ गुलिं गुलिंसिनं थथे धयाच्‍वंगु दु – “पावलया पौ क्‍वात्तुसे च्‍वं, अले तसकं कडा। तर मनू धाःसा ग्‍याफ्रा, अले नवाये नं मफु।”

२ कोरिन्‍थी 10:2

जि आम्‍कन वयेबलय् जिमित संसारया पहःचहःकथं जुइपिं धकाः धाइपिनिगु न्‍ह्यःने कडा पहः क्‍यने म्‍वाःलेमा।

२ कोरिन्‍थी 10:7

पिनेयागु खनेदुगु खँय् जक छिमिसं मन तयाच्‍वन। छिमिथाय् “जि ख्रीष्‍टयाम्‍ह मनू खः” धया जुइम्‍ह सुं दुसा वं थ्‍व नं सीके माःगु खः – व गथे ख्रीष्‍टयाम्‍ह खः जिपिं नं अथे हे ख्रीष्‍टयापिं खः।

२ कोरिन्‍थी 11:21

इमिसं याःथें यायेत जिके आँट मदु, थथे धायेत जितः लज्‍या चाः। सुनानं छुं खँय् घमण्‍ड याःसा जिं नं याये फु। तर थ्‍व मूर्ख ज्‍या जक खः।

२ कोरिन्‍थी 11:30

जिं फुइँ हे याये माःसा, जि बमलाःगु खँय् फुइँ याना जुइ।

२ कोरिन्‍थी 12:5

थ्‍व मनूयागु खँय् धाःसा जिं फुइँ याये फु, थःगु खँय् धाःसा जिं फुइँ याये मफु। जि गुलि बमलाः धयागु खँय् जक जिं फुइँ याये फु।

२ कोरिन्‍थी 3:12

थ्‍व खँय् आशा यानाः हे जिमिसं मग्‍यासे थथे नवाये फुगु खः।

२ कोरिन्‍थी 5:20

अय्‌जूगुलिं जिपिं ख्रीष्‍टं छ्वयाहयादीपिं मनूत खः। जिमिगुपाखें परमेश्‍वर छिपिंनाप नवानाच्‍वनादीगु दु। ख्रीष्‍टयागु निंतिं जिमिसं थथे नवानाच्‍वनागु खः। छिपिं फुक्‍कसिनं पापी ज्‍याखँ यायेगु त्‍वःताः परमेश्‍वर नाप मिलय् जुइत वय्‌कःयाथाय् लिहां वा धकाः जिमिसं दुनुगलंनिसें छिमित बिन्‍ति यानाच्‍वनागु दु।

२ कोरिन्‍थी 6:1

परमेश्‍वर नाप जिमिसं थथे ज्‍या यानाच्‍वनागुलिं वय्‌कःयागु दया माया छिमिसं सितिं छ्वयेगु स्‍वये मते धकाः जिमिसं इनाप यानाच्‍वनागु खः।

२ कोरिन्‍थी 7:4

छिमित जिं यक्‍व हे पत्‍याः यानाच्‍वनागु दु। छिमिगुपाखें जिं फुइँ यायेथाय् दु। छिमिगुपाखें सान्‍त्‍वना दयाः न्‍ह्यागु दुःखकष्‍ट जूसां जितः लय्‌ता वः।

गलाती 4:13

दकलय् न्‍हापा छिमित भिंगु खँ न्‍यंकाबलय् जि म्‍हंमफु धयागु खँ छिमिसं लुमंकातःगु दयेमाः।

गलाती 5:2

न्‍यँ, जि पावलं धयाच्‍वना – छिमिसं म्‍हय् चिं तया जुल धाःसा छिमिसं ख्रीष्‍ट येशूयात विश्‍वास याःगु छुं हे ज्‍यालगय् मजुल।

एफिसी 3:1

छिपिं यहूदीमखुपिं मनूतय्‌त परमेश्‍वरयागु भिंगु खँ न्‍यंका जुयागुलिं जि ख्रीष्‍टया च्‍यः पावल थथे झ्‍यालखानाय् कुंका च्‍वनेमाल।

एफिसी 4:1

प्रभुयागु ज्‍या यानाः कुंका च्‍वनेमाःम्‍ह जिं छिमित प्रभुयात यःकथं ज्‍याखँ याना च्‍वँ धकाः दुनुगलंनिसें बिन्‍ति यानाच्‍वना।

फिलिप्‍पी 4:5

फुक्‍कलिसे बांलाक हनाबना याना च्‍वँ। प्रभु याकनं झाइ।

कलस्‍सी 1:23

उकिं छिमिसं भिंगु खँयागु आशा मत्‍वःतुसे दुनुगलंनिसें क्‍वात्तुक विश्‍वास याना च्‍वँ। थ्‍व हे भिंगु खँ संसारय् च्‍वंपिं फुक्‍कसितं न्‍यंकूगु दु। थ्‍व ज्‍याय् प्रभुं जि पावलयात च्‍यः यानादीगु खः।

२ थेसलोनिकी 3:17

जि पावल थःम्‍हं हे छिमित ज्‍वजलपा च्‍वयाच्‍वनागु दु। जिं च्‍वया हयेगु फुक्‍क पौलय्‌ थथे हे सही यायेगु खः। थ्‍व जिगु थःगु हे च्‍वयेगु पहः खः।

फिलेमोन 1:19

जि पावलं, थःगु हे ल्‍हातं च्‍वयाच्‍वना – जिं छन्‍त पुले माक्‍व पुलाबी। छं जिगुपाखें हे जीवन काये खन धकाः ला धया च्‍वनेमाःगु मदु।

फिलेमोन 1:9

अय्‌नं माया यानाः जिं छन्‍त बिन्‍ति यानाच्‍वना। आः ला जि बुरा नं जुइ धुंकल, अले ख्रीष्‍टया निंतिं थथे कुंका नं च्‍वनागु दु।

१ पत्रुस 2:11

यःपिं दाजुकिजापिं, थ्‍व संसारय् छिपिं कर्पिं व परदेशीत थें खः। अय्‌जूगुलिं आत्‍मानापं न्‍ह्याबलें ल्‍वाना च्‍वनीगु शरीरया इच्‍छापाखें तापाक च्‍वँ धकाः जिं छिमित बिन्‍ति यानाच्‍वनागु दु। झीत यःगु जक ज्‍याखँ यात धाःसा झीगु आत्‍मा पापय् लाइ।

प्रकाश 1:9

छिपिंलिसे येशूयागु निंतिं दुःखकष्‍ट सिया च्‍वनाम्‍ह छिमि दाजु जि यूहन्‍ना खः। छिपिंलिसे तुं वय्‌कःयागु राज्‍यय् च्‍वनाः सकतां सह यानाच्‍वनागु दु। जिं परमेश्‍वरयागु वचन व येशूं धयादीगु सत्‍य खः धकाः न्‍यंकाच्‍वनागुलिं जितः पत्‍मोस टापुइ यंकाः कुनातल।