२ कोरिन्‍थी 1:8 - नेवाः बाइबल

⁸ यःपिं दाजुकिजापिं, एशियाय् जिमित दुःखकष्‍ट जूगु खँ छिमिसं नं सीमा धयागु जिमिगु इच्‍छा दु। अबलय् जिमित जूवःगु दुःखकष्‍ट तसकं हे तःधंगुलिं जिमिसं सह याये तक नं मफुत। म्‍वाइ थें हे मच्‍वने धुंकूगु।

२ कोरिन्‍थी 1:8 ပူးပေါင်းရင်းမြစ်များ

प्रेरित 16:6

इमित पवित्र आत्‍मां एशियाय् प्रभुयागु खँ न्‍यंक वने मते धकाः पनादीगुलिं इपिं फ्रिगिया व गलातिया देश जुयाः वन।

प्रेरित 19:41

थुलि धयाः वं सकल मनूतय्‌त लित छ्वयाबिल।

प्रेरित 2:9

पार्थीत, मादीत, एलामीत, मेसोपोटामित, यहूदियाय् च्‍वंपिं, कापाडोकित, पोन्‍टसय् व एशियाय् च्‍वंपिं,

रोमी 1:13

यःपिं दाजुकिजापिं, जि छिमिथाय् वयेत तःकः मछि हे कुतः याये धुन। छुं खं यानाः वये मफया च्‍वन। जि वयाः मेथाय् च्‍वंपिं यहूदीमखुपिन्‍त थें छिमिथाय् नं परमेश्‍वरयात म्‍हमस्‍यूपिं मनूतय्‌त वय्‌कःयात म्‍हसीका बी।

१ कोरिन्‍थी 15:32

मनूया बिचाःकथं एफिससय् पशुनाप ल्‍वाःगु जूसा जितः छु फाइदा? सीपिन्‍त म्‍वाकी मखुगु जूसा मनूतय्‌सं धाःथें – “कन्‍हय् ला झी सि हे सी, उकिं नयाःत्‍वनाः मोजमज्‍जा याना जूसां जिल नि।”

१ कोरिन्‍थी 16:9

थन जिगु विरोधीत यक्‍व दुसां जिं थन तसकं हे तःधंगु ज्‍या पूवनीगु खना।

१ कोरिन्‍थी 4:8

माक्‍व फुक्‍क छिमिके दये धुंकल मखु ला? छिपिं तःमि जुइ धुन मखु ला? जिपिं मदुसां छिपिं जुजु थें हे जुइ धुन मखु ला? जिमित ला छिपिं धात्‍थें हे जुजु जूगु जूसा यः, छाय्‌धाःसा जिपिं नं छिपिंनाप जुजु जुइ दइ।

२ कोरिन्‍थी 1:9

जिमिसं ला “सि हे सित” धाये धुनागु। थःके भरोसा मतसे सीपिन्‍त म्‍वाकादीम्‍ह परमेश्‍वरयाके भरोसा तयेमा धकाः क्‍यनेत थथे जूगु खः।

२ कोरिन्‍थी 6:9

जिपिं म्‍हमस्‍यूपिं जूसां जिमित सकसिनं म्‍हस्‍यू। सी थें च्‍वंसां जिपिं आः तक म्‍वानाच्‍वना। जिमित बाम्‍हसिक्‍क दायाहल।

१ शमूएल 20:3

तर दाऊदं धाल, “छितः जि गुलि यः धकाः छिकपिनि बौनं स्‍यू, छिकपिनि बौनं थःगु मनय् थथे धाःगु दु, ‘थ्‍व खँ जोनाथनं मसीमा, मखुसा व दुःखी जुइ।’ धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिगु मृत्‍यु न्‍ह्यःने थ्‍यंकः वःगु दु।”

१ शमूएल 27:1

दाऊदं थथे बिचाः यात, “छन्‍हु ला छन्‍हु शाऊलं जितः स्‍या हे स्‍याइतिनि। अथे जुयाः पलिश्‍तीतय्‌गु लागाय् बिस्‍युं वनेगु हे जितः बांलाइ। अले शाऊलं जितः इस्राएलय् दक्‍व थासय् मालेगु त्‍वःती। थुकथं जि वयागु ल्‍हातं बचय् जुइ।”