२ कोरिन्‍थी 1:17 - नेवाः बाइबल

¹⁷ थथे मन हीकल धकाः जि छु मभिंम्‍ह, भरोसा मदुम्‍ह मनू जुल ला? गुबलें “ज्‍यू,” गुबलें “मज्‍यू” धकाः जि थःत जक भिंकेत स्‍वइम्‍ह मनू खः ला?

२ कोरिन्‍थी 1:17 ပူးပေါင်းရင်းမြစ်များ

यर्मिया 23:32

परमप्रभुं धयादी, स्‍व, जि मखुगु म्‍हगसयात कनाजुइपिं अगमवक्तातय्‌गु विरोधय् दु। इमित जिं छ्वयाहयागु नं मखु, ल्‍ययागु नं मखु। अय्‌नं इमिसं व म्‍हगस जि प्रजायात धयाः इमित अलमलय् यानाबी। इमिसं थुपिं मनूतय्‌त भचा नं फाइदा बी मखु,” परमप्रभुं धयादी।

सपन्‍याह 3:4

इमि अगमवक्तात तःधंछुया जुइपिं व विश्‍वास याये बहःमजूपिं खः। इपिं पुजाहारीतय्‌सं पवित्रगु थाय्‌यात अशुद्ध याःगु दु। इमिसं परमेश्‍वरया व्‍यवस्‍थायात उल्‍टापाल्‍टा यानाः ब्‍यूगु दु।

मत्ती 1:19

मरियमया भाःत जुइम्‍ह तसकं धर्मीम्‍ह मनू जूगुलिं मरियमयात बेइज्‍जत मयासें दुनें दुनें त्‍वःताछ्वयेगु बिचाः यात।

मत्ती 5:37

छु धायेमाःगु खः – खःसा खः जक धा, मखुसा मखु जक धा। थुलिं अप्‍वः खँ शैतानपाखेंयागु जक खः।

यूहन्‍ना 8:15

छिकपिन्‍सं मनू स्‍वयाः न्‍याय यानादी, तर जिं सुयागुं न्‍याय मयाना।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

२ कोरिन्‍थी 11:18

मनूतय्‌सं संसारया खँय् फुइँ याना जूगुलिं जिं नं अथे हे फुइँ यानाः खँ ल्‍हानागु खः।

गलाती 1:16

यहूदीमखुपिन्‍त भिंगु खँ न्‍यंके छ्वयेत जितः परमेश्‍वरं हे वय्‌कःया काय्‌यागु खँ फुक्‍क सीके बियादिल। उबलय् जिं सुयाकें छुं नं न्‍यनेकने मयाना।

गलाती 2:2

परमेश्‍वरं जितः अन वने हे माः धकाः धयादीगुलिं जि वनागु खः। जिं न्‍हापा यानागु व आः यानाच्‍वनागु ज्‍या सितिं मवनेमा धकाः यहूदीमखुपिन्‍त भिंगु खँ न्‍यंकागु खँ मण्‍डलीया थकालिपिन्‍त जक कना।

१ थेसलोनिकी 2:18

जिपिं छिमिथाय् वयेत स्‍वयाच्‍वनागु दु। जि पावल ला ग्‍वःकःमछि वयेत स्‍वये धुन। अय्‌नं शैतानं जिमित वय्‌के हे मबिल।

याकूब 5:12

दाजुकिजापिं, सुंनाप छुं कालबिल यायेत बाचा चिनेबलय् छिमिसं स्‍वर्ग व पृथ्‍वी, अथवा मेमेगु छुं नं नां कयाः पाफये मते। खःसा खः, अले मखुसा मखु जक धा। उकिं छिमित परमेश्‍वरं दोष बियादी मखु।

न्‍यायकर्ता 9:4

इमिसं वयात बाल-बरीतया देगलं वहःयागु न्‍हयेगू कुचा बिल, अले व ज्‍वनाः वं हारांपिं मनूतय्‌त ज्‍यालाय् काल, इपिं वयागु ल्‍यू जुल।