२ कोरिन्‍थी 1:11 - नेवाः बाइबल

¹¹ छिमिसं नं जिमिगु ग्‍वाहालिया निंतिं थथे हे प्रार्थना यानाः परमेश्‍वरं जिमित आशिष बियादीगुलिं यक्‍वसिनं वय्‌कःयात सुभाय् बियाच्‍वंगु दु।

२ कोरिन्‍थी 1:11 ပူးပေါင်းရင်းမြစ်များ

यशैया 37:4

अश्‍शूरयाम्‍ह जुजुं म्‍वाःम्‍ह परमेश्‍वरयात हेस्‍यायेत थः छम्‍ह सेनापति छ्वयाहःगु दु। परमप्रभु छिकपिनि परमेश्‍वरं वं धाःगु खँ न्‍यनादीमा अले न्‍यनादीगु खँया लागि वयात सजाँय बियादीमा। उकिं झी गुलि मनूत म्‍वानाच्‍वंगु दु, इमिगु निंतिं प्रार्थना यानाब्‍यु।”

प्रेरित 12:5

पत्रुसयात झ्‍यालखानाय् कुनातःबलय् मण्‍डलीइ च्‍वंपिन्‍सं वयात त्‍वःताब्‍यु धकाः परमेश्‍वरयाके प्रार्थना यानाच्‍वन।

२ कोरिन्‍थी 4:15

थ्‍व फुक्‍कं छिमित भिं यायेत खः। गुलि अप्‍वः मनूतय्‌सं परमेश्‍वरयात विश्‍वास याइ, उलि हे अप्‍वः मनूतय्‌सं परमेश्‍वरयात तःधंकेत सुभाय् बी व प्रार्थना याइ।

२ कोरिन्‍थी 9:14

परमेश्‍वरं छिमित यक्‍व हे दया माया यानादीगुलिं छिमित माया यानाः छिमिगु निंतिं इमिसं प्रार्थना याइ।

फिलिप्‍पी 1:19

धात्‍थें हे जि लय्‌ताः, छाय्‌धाःसा छिमिगु प्रार्थना व ख्रीष्‍ट येशूं बियादीगु आत्‍मायागु ग्‍वाहालिं जितः त्‍वःतकी धकाः जिं स्‍यू।

कलस्‍सी 4:3

जिमिगु निंतिं नं प्रार्थना या। ख्रीष्‍टयागु खँ कनेत व परमेश्‍वरयागु वचन न्‍यंकेत वय्‌कलं न्‍ह्याथासं लँ चायेकादीमा धकाः प्रार्थना या। थुकियागु निंतिं हे जिं थथे झ्‍यालखानाय् कुंका च्‍वनेमाल।

१ थेसलोनिकी 5:25

दाजुकिजापिं, जिमिगु निंतिं प्रार्थना या।

२ थेसलोनिकी 3:1

दाजुकिजापिं, प्रभुयागु भिंगु खँ न्‍यंकभनं न्‍यनावनेमा, अले छिमिसं थें फुक्‍कसिनं न्‍यनाः विश्‍वास यायेमा धकाः जिमिगु निंतिं प्रार्थना याना च्‍वँ।

फिलेमोन 1:22

मेगु छता खँ नं धाये – छिमिसं प्रार्थना यानाच्‍वंगुलिं जि हानं छिमिथाय् वये दइ ला धकाः आशा यानाच्‍वनागु दु। अय्‌जूगुलिं जितः क्‍वथा छकू स्‍वयाः तयाति।

हिब्रू 13:18

जिमिगु निंतिं प्रार्थना याना हे च्‍वँ। जिमित विश्‍वास दु, जिमिगु नुगः यचुसे च्‍वँ, छाय्‌धाःसा जिमित बांलाःगु ज्‍या जक याये मास्‍ति वः।