२ कोरिन्‍थी 1:10 - नेवाः बाइबल

¹⁰ अथे सी हे धुंकूपिं जिमित परमेश्‍वरं बचय् यानादिल, थथे हे लिपा तक नं बचय् यानातयादी। वय्‌कलं हानं हानं जिमित बचय् यानातयादी धकाः वय्‌कःयाके जिमिसं आशा तयाच्‍वना।

२ कोरिन्‍थी 1:10 ပူးပေါင်းရင်းမြစ်များ

भजनसंग्रहया सफू 34:19

भिं मनूतय्‌त यक्‍व दुःख वयेफु, अय्‌नं परमप्रभुं इपिं फुक्‍कसित फुक्‍क दुःखं उद्धार यानादी।

यशैया 46:3

परमप्रभुं धयादी, “हे याकूबया घराना न्‍यँ! इस्राएलया घरानाय् बचय्‌जूपिं सकसिनं न्‍हाय्‌पं ब्‍यु! छिपिं बूसांनिसें जिं छिमित सुसाःकुसाः यानागु दु।

दानिएल 3:17

ह्वाना ह्वाना च्‍यानाच्‍वंगु मिया भट्टीइ जिमित वांछ्वःसां जिमिसं सेवा यानाम्‍ह परमेश्‍वरं जिमित बचय् यानादी फु। वय्‌कलं जिमित छःपिनिगु ल्‍हातं त्‍वःतकादी फु।

दानिएल 6:16

उकिं जुजुं दानिएलयात ज्‍वनेगु आज्ञा बिल अले इमिसं वयात हयाः सिंहत तयातःगु तःजाःगु गालय् वांछ्वल। जुजुं दानिएलयात धाल, “छं न्‍ह्याबलें सेवा याइम्‍ह छिमि परमेश्‍वरं छन्‍त बचय् यायेमा।”

प्रेरित 26:21

थथे धयागुलिं यहूदीतय् नायःतय्‌सं जितः देगलय् ज्‍वनाः स्‍यायेत स्‍वःगु खः।

रोमी 15:31

यहूदियाय् च्‍वंपिं विश्‍वास मयाःपिं मनूतय्‌पाखें जि बचय् जुइमा धकाः व यरूशलेमय् जिगु सेवा अन च्‍वंपिं विश्‍वासीतय्‌त ययेमा धकाः परमेश्‍वरयात प्रार्थना या।

२ कोरिन्‍थी 1:9

जिमिसं ला “सि हे सित” धाये धुनागु। थःके भरोसा मतसे सीपिन्‍त म्‍वाकादीम्‍ह परमेश्‍वरयाके भरोसा तयेमा धकाः क्‍यनेत थथे जूगु खः।

२ कोरिन्‍थी 6:9

जिपिं म्‍हमस्‍यूपिं जूसां जिमित सकसिनं म्‍हस्‍यू। सी थें च्‍वंसां जिपिं आः तक म्‍वानाच्‍वना। जिमित बाम्‍हसिक्‍क दायाहल।

१ तिमोथी 4:10

अय्‌जूगुलिं हे झीसं म्‍वाःम्‍ह परमेश्‍वरयाके आशा यानाः थथे दुःखकष्‍ट सियाः ज्‍या यानाच्‍वनागु खः। फुक्‍क मनूतय्‌त मुक्ति बीम्‍ह, अप्‍वः यानाः वय्‌कःयात विश्‍वास याःपिन्‍त मुक्ति बीम्‍ह थ्‍व हे परमेश्‍वर खः।

२ तिमोथी 4:17

उबलय् प्रभुं हे जि नाप झायाः जितः बांलाक भिंगु खँ न्‍यंकेत शक्ति बियादिल। अय्‌जूगुलिं जिं यहूदीमखुपिन्‍त भिंगु खँ न्‍यंके फत। थुकथं वय्‌कलं जितः सिंहयागु म्‍हुतुं बचय् यानादिल।

२ पत्रुस 2:9

भिंपिं मनूतय्‌त परमेश्‍वरं दुःखकष्‍ट जुइबलय् बचय् यानादी। अले मभिंपिं मनूतय्‌त न्‍याय याइगु दिं मवतले गथे तयातयेमाः धकाः परमेश्‍वरं स्‍यू।

१ शमूएल 17:37

सिंह व भालूपाखें बचय् यानादीम्‍ह परमप्रभुं थ्‍व पलिश्‍तीयागु ल्‍हातं नं जितः बचय् यानादी।” शाऊलं धाल, “अथे खःसा छ हुँ, अले परमप्रभु छनापं दीमा।”

१ शमूएल 7:12

अले शमूएलं मिस्‍पा व शेनया दथुइ लुमन्‍तिकथं छग्‍वः ल्‍वहं धस्‍वाकाः थथे धाल, “परमप्रभुं झीत थन तक ग्‍वाहालि यानादिल।” अथे जुयाः व थाय्‌या नां एबेन-एजेर धकाः तल।