१ तिमोथी 6:9 - नेवाः बाइबल

⁹ तःमि जुइत स्‍वइम्‍ह मनू पापयागु ल्‍हातय् लाइ, वं मभिंगु व थःत हे स्‍यंकीगु खँ मनंतुना जुइ। थुकिं हे यानाः व नाश जुइ।

१ तिमोथी 6:9 ပူးပေါင်းရင်းမြစ်များ

१ राजा 21:6

अले वं वयात धाल, “जिं यिजरेली नाबोतयात ‘छंगु दाखक्‍यब जितः म्‍यु वा मेगु दाखक्‍यबनापं हिलाबुला या’ धकाः धया, तर वं दाखक्‍यब बी मखु धाल।”

भजनसंग्रहया सफू 11:6

वय्‌कलं दुष्‍टतय्‌थाय् मि व गन्‍धक गाय्‌कादी। तच्‍वकं क्‍वाःगु फय् छ्वयाः इमित सजाँय बियादी।

हितोपदेश 15:27

मभिंगु ज्‍या यानाः मुंकूगु कमाइनं छेँय् संकट हइ। घुस काये मते, अले छ यक्‍व म्‍वाइ।

हितोपदेश 20:21

अःपुक दुगु सम्‍पत्तिं भिं याइ मखु।

हितोपदेश 21:6

मखुगु खँ ल्‍हानाः दय्‌कूगु सम्‍पत्ति ब्‍वयावनीगु हा थें खः, अले कालया स्‍वःतिपाँय् खः।

हितोपदेश 22:16

थःगु सम्‍पत्ति अप्‍वय्‌केत चीमिपिन्‍त क्‍वत्‍यलिपिं व तःमिपिन्‍त कोस्‍यालि बियाजुइपिं फ्‍वगिं जुयावनी।

हितोपदेश 23:4

तःमि जुइत यक्‍व घ्‍वंघ्‍वंस्‍यानाजुइ मते। बुद्धिमान जुयाः थःत कःघा।

यशैया 5:8

धिक्‍कार छिमित, गुपिन्‍सं छेँया छें जाय्‌कल अले बुँया बुँ जक न्‍यानाः मेपिन्‍त थाय् हे मदय्‌काबिल। देशय् छिपिं जक हे च्‍वनी।

जकरिया 11:5

न्‍यानायंकीपिन्‍सं फैयात स्‍याइ, अय्‌नं इमित सजाँय जुइ मखु। इमित म्‍यूपिन्‍सं थथे धाइ, ‘परमप्रभुयात तःधंकि, जिपिं तःमि जुल।’ फैजवाःतय्‌सं थः बथांयात दया मया।

गन्‍ती 31:8

स्‍यूपिं मनूत मध्‍ये मिद्यानया न्‍याम्‍ह जुजुपिं एवी, रेकेम, सूर, हूर व रेबा नं दुगु जुयाच्‍वन। इमिसं बओरया काय् बालामयात नं तरवारं स्‍यात।

मत्ती 13:22

परमेश्‍वरयागु वचन न्‍यनाः नं धन सम्‍पत्तियागु माया कयाजुइपिं व संसारयागु खँय् च्‍यूताः तया जुइपिं मनूत कंमा दुथाय् लाःगु पुसा थें खः। थुमिसं परमेश्‍वरयागु वचनयात गुम्‍से यानाबी। अले थुकिं अन्‍न सय्‌की मखु।

मत्ती 19:22

थ्‍व खँ न्‍यनाः व ल्‍याय्‌म्‍ह मनू ख्‍वाः खिउँसे च्‍वंकाः वन, छाय्‌धाःसा व तसकं तःमिम्‍ह खः।

मत्ती 26:15

थथे धाल – “येशूयात ज्‍वंका बिल धाःसा जितः छु बी?” अले इमिसं वयात स्‍विगः वहःयागु म्‍वहः बिल।

मत्ती 6:19

“थःगु निंतिं छिमिसं थ्‍व संसारय् धन-सम्‍पत्ति मुंके मते। थन मुंकूगु धन-सम्‍पत्ति खतं नइ, किलं नइ, अले खुं खुइ।

मर्कूस 4:19

अथेसां थ्‍व संसारयागु धन्‍दा, धन सम्‍पत्तियागु माया व अथे हे मेमेगु लोभं यानाः परमेश्‍वरयागु वचन त्‍वःफिना वनी, अले छंु नं सय्‌के फइ मखु।

लूका 12:21

“परमेश्‍वरं धयादी थें मयासें थःगु निंतिं जक सम्‍पत्ति मुंका जुइपिं फुक्‍कं अथे हे जुइ।”

लूका 21:35

छाय्‌धाःसा व दिं पृथ्‍वीइ च्‍वंपिं फुक्‍क मनूतय्‌गु निंतिं तक्‍यंकीगु जाल थें जुयाः वइ।

प्रेरित 8:20

पत्रुसं धाल – “थ्‍व धिबानापं तुं छ नं नाश जुयावनेमा। छं स्‍वये परमेश्‍वरयागु वरदान धिबां न्‍याये दइ धकाः च्‍वना ला?

एफिसी 4:22

थःत हे स्‍यंकीगु न्‍हापायागु चालचलनयात छिमिसं त्‍वःताछ्व।

व्‍यवस्‍था 7:25

इमि द्यःतय्‌गु मूर्ति छिमिसं मिइ छ्वय्‌काब्‍यु। छिमिसं मूर्तिइ दुगु लुँ व वहः ल्‍वःवंकाः काये मते। छाय्‌धाःसा व हे छिमिगु निंतिं तक्‍यंकीगु जाः जुइ। थ्‍व परमप्रभु छिमि परमेश्‍वरयात घच्‍चाइपुगु खँ खः।

१ तिमोथी 1:9

व्‍यवस्‍था भिंपिं मनूतय्‌गु निंतिं दय्‌कातःगु मखु। थ्‍व ला मभिंपिं मनूतय्‌गु निंतिं दय्‌कातःगु खः। नियम मानय् मयाइपिं, परमेश्‍वरयात मानय् मयाइपिं, पापीत, पवित्र मजूपिं, परमेश्‍वरयात क्‍वह्यंकीपिं, मां बौयात स्‍याइपिं, मनू स्‍याइपिं,

१ तिमोथी 3:7

अले मण्‍डलीं पिने नं नांजाःम्‍ह जुइमाः, अथे जूसा जक वयात मनूतय्‌सं हेबाय्‌चबाय् याइ मखु, अले शैतानयागु जालय् नं लाइ मखु।

१ तिमोथी 6:10

फुक्‍क मभिंगु व बांमलाःगु ज्‍याया हा हे धिबायागु माया खः। गुलिखय् मनूतय्‌सं धिबायागु लोभय् लानाः विश्‍वास यायेगु हे त्‍वःताब्‍यूगु दु। उकिं सह याये मफयेक दुःखकष्‍ट जुयाः नुगः हीका च्‍वनेमाली।

१ तिमोथी 6:17

थ्‍व संसारय् च्‍वंपिं तःमि धाय्‌का च्‍वंपिन्‍त अप्‍वः तःधंछुया जुइ मते धकाः धयाब्‍यु। इमिगु धनसम्‍पत्ति सदां दयाच्‍वनी मखु। उकिं इमित धनसम्‍पत्तिइ मखु, बरु झीत फुक्‍कं बियादीम्‍ह परमेश्‍वरयाके भरोसा तया च्‍वँ धकाः धयाब्‍यु।

२ तिमोथी 2:26

थुकथं वाः चायेकाः इपिं शैतानयागु ल्‍हातं बिस्‍युं वये फइ, छाय्‌धाःसा शैतानं इमित च्‍यः यानातःगु दु।

तीतस 2:12

थ्‍व हे दया मायां झीत पापं व संसारयागु ज्‍याखं लिचिकी, अले थःत कःघानाः धर्मी व परमेश्‍वरयात मानय् याइपिं जुयाः थ्‍व संसारय् म्‍वानाच्‍वने फइ।

यहोशू 7:11

इस्राएलं पाप याःगु दु। जिं इपिंलिसें चिनागु बाचा इमिसं त्‍वाथूगु दु। देछायेमाःगु धनमालं इमिसं छुं काःगु दु, इमिसं खुया काःगु दु। इमिसं मखुगु खँ ल्‍हानाः उकियात थःगु धनमालनापं तःगु दु।

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।

यहूदा 1:11

इमित धिक्‍कार दु। इपिं कयिनयागु लँय् जुल। धिबायागु निंतिं इमिसं बालामं थें मभिंगु ज्‍या याना जुल, अले कोरह थें परमेश्‍वरयात मभिंकाः इपिं नाश जुयाः वन।