१ तिमोथी 6:18 - नेवाः बाइबल

¹⁸ भिंगु ज्‍या यायेगु, भिंगु ज्‍याय् तःमि जुइगु व नुगः चक्‍कंकाः मेपिन्‍त ग्‍वाहालि यायेगु या धकाः इमित धयाब्‍यु।

१ तिमोथी 6:18 ပူးပေါင်းရင်းမြစ်များ

२ इतिहास 24:16

वं इस्राएलय् परमेश्‍वर व वय्‌कःया देगःया निंतिं भिंगु ज्‍या याःगुलिं वयात दाऊदया शहरय् जुजुपिनिगु चिहानय् थुन।

भजनसंग्रहया सफू 112:9

वं मगाःमचाःपिन्‍त नुगः चक्‍कंकाः बी, वयागु दया माया सदां दयाच्‍वनी। व बल्‍लाइ अले वयात इज्‍जत दइ।

भजनसंग्रहया सफू 37:3

परमप्रभुयात विश्‍वास या, अले भिंगु या अले परमेश्‍वरं बियादीगु देशय् च्‍वनाः सुरक्षित जुयाच्‍वँ।

उपदेशक 11:6

छ सुथ न्‍हापां हे पुसा ह्वलेत हुँ, अले सन्‍ध्‍याकाः इलय् तकं ज्‍या यायेगु त्‍वःते मते, छाय्‌धाःसा आः ह्वःगु वा लिपतय् ह्वःगु गुगु पुसा बुया वइ, वा निगू पुसा नं बांलाइ धकाः छं मस्‍यू।

उपदेशक 3:12

जिं थ्‍व खँ थुल की मनूतय्‌सं थःगु जीवन दतलय् लय्‌ताया च्‍वनीगु व भिंगु यायेगु बाहेक मेगु छुं नं बांलाःगु खँ मदु।

यशैया 32:8

तर भिंपिं मनूतय्‌सं हनेबहःगु ज्‍यायागु योजना दय्‌की अले हनेबहःगु ज्‍या यानां तुं च्‍वनी।

यशैया 58:7

थःगु नसा नये मखंपिन्‍त इनाबीगु, अले छेँ मदुपिं मगाःमचाःपिन्‍त शरण बीगु व पचिनांगापिं खनाः लं फिकाबिगु अले थः थःथितिपिन्‍त ग्‍वाहालि बीगु, थ्‍व हे मखु ला?

मत्ती 5:42

सुनानं छंके छुं फ्‍वन धाःसा वयात ब्‍यु। सुनानं छंके छुं त्‍याये का वल धाःसा वयात बिया छ्व।

लूका 12:21

“परमेश्‍वरं धयादी थें मयासें थःगु निंतिं जक सम्‍पत्ति मुंका जुइपिं फुक्‍कं अथे हे जुइ।”

लूका 3:11

वं इमित थथे लिसः बिल – “निपाः लं दुम्‍हय्‌सिनं मदुम्‍हय्‌सित छपाः ब्‍यु। अथे हे नयेगु दुम्‍हय्‌सिनं नये मखंपिन्‍त ब्‍यु।”

प्रेरित 10:38

अले हानं गथे परमेश्‍वरं थ्‍व हे नासरतयाम्‍ह येशूयात पवित्र आत्‍मां जाय्‌काः यक्‍व शक्ति बियादिल। अले येशूं फुक्‍कसितं भिंकाः शैतानं दुःखकष्‍ट बियातःपिन्‍त लाय्‌कादिल। छाय्‌धाःसा परमेश्‍वर वय्‌कः नाप दीगु खः धकाः छिकपिन्‍सं नं स्‍यू।

प्रेरित 11:29

अथे जूगुलिं अन च्‍वंपिं चेलातय्‌सं फक्‍व धिबा ल्‍हानाः यहूदियाय् च्‍वंपिं विश्‍वासीतय्‌त ग्‍वाहालि यायेगु क्‍वःछित।

प्रेरित 9:36

अबलय् योप्‍पा धाःगु थासय् तबीता धाःम्‍ह छम्‍ह मिसाम्‍ह चेला च्‍वनाच्‍वंगु दु। ग्रीक भाषां वयागु नां डोरकास जुइ। व छम्‍ह भिंगु भिंगु जक ज्‍या याना व मेपिन्‍त ग्‍वाहालि यानाजुइम्‍ह मिसा खः।

रोमी 12:13

मगाःमचाःपिं दाजुकिजापिन्‍त ग्‍वाहालि या। छेँय् पाहां वःपिन्‍त दुनुगलंनिसें सेवा यायेगु या।

रोमी 12:8

अर्ती बीगु वरदान दःसा अर्ती बीगु हे यायेमाः। बीगु वरदान दःसा दुनुगलंनिसें बीगु यायेमाः। नायः जुइगु वरदान दःसा बुद्धि पुरय् यानाः यायेमाः। कर्पिन्‍त दया माया यायेगु वरदान दःसा लय्‌तायाः या।

१ कोरिन्‍थी 16:2

छिमिसं थःम्‍हं कमय् यानागुलिं लिकयाः गुलि बी फु उलि आइतबार पतिकं बियाः मुंका ति। थथे याःसा जि आम्‍कन वयेबलय् भेटी कयाच्‍वने माली मखु।

२ कोरिन्‍थी 8:12

छिमिसं बी मास्‍ति वःसा छिमिके दुगु जक परमेश्‍वरयात ब्‍यूसां गाः, छिमिके मदुगु बीमाः धयागु मदु।

२ कोरिन्‍थी 8:9

झी प्रभु येशू ख्रीष्‍ट गुलि ग्‍वाहालि यानादीम्‍ह प्रभु खः धकाः ला छिमिसं सि हे स्‍यू। वय्‌कः तःमि जुयाः नं छिमिगु निंतिं चीमि जुयादिल। थः चीमि जुयाः छिमित तःमि यायेत वय्‌कलं थथे यानादिल।

गलाती 6:10

अय्‌जूगुलिं मौका दुबलय् हे झीसं मेपिन्‍त भिंगु यानाबीमाः। अप्‍वः यानाः विश्‍वासी दाजुकिजापिन्‍त यानाबीमाः।

एफिसी 4:28

खुँज्‍या याइम्‍हय्‌सिनं खुइगु त्‍वःति। अले थःगु हे ल्‍हातं ज्‍या यानाः मगाःमचाःपिन्‍त नं ग्‍वाहालि याये फय्‌केमाः।

१ तिमोथी 5:10

बांलाःगु ज्‍या यानाः नांजाःम्‍ह, मस्‍तय्‌त ब्‍वलंकूम्‍ह, पाहांतय्‌त दुनुगलंनिसें दुकाइम्‍ह, परमेश्‍वरया मनूतय्‌त तुति सिलाः सेवा याइम्‍ह, हाःनाः मदुपिन्‍त ग्‍वाहालि याइम्‍ह व भिंगु ज्‍याय् जक मन तयाः जुइम्‍ह जूसा वयात भाःत मदय्‌ धुंकूपिं मिसातय्‌गु नांया धलखय् दुथ्‍याकूसां ज्‍यू।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

तीतस 3:8

थ्‍व खँ धात्‍थें खः। थ्‍व खँय् छं अप्‍वः मन बियाः स्‍यँ। थथे यात धाःसा परमेश्‍वरयात विश्‍वास याःपिन्‍सं भिंगु भिंगु ज्‍या यायेत कुतः याइ। थ्‍व फुक्‍क मनूतय्‌त ज्‍यालगय् जूगु भिंगु खँ खः।

हिब्रू 13:16

मेपिन्‍त भिंका जुइगु व ग्‍वाहालि यायेगु ल्‍वःमंके मते। थज्‍याःगु बलिं हे परमेश्‍वर लय्‌तायादी।

याकूब 2:5

यःपिं दाजुकिजापिं, जिं धयागु खँ न्‍यँ – संसारय् चीमिपिन्‍त हे परमेश्‍वरं विश्‍वासय् तःमि यायेत व वय्‌कःयात माया याःपिन्‍त दुकाये धकाः धयादीगु राज्‍यय् दुकायेत ल्‍ययादीगु मखु ला?

१ पत्रुस 3:11

पापं लिचिलाः भिंगु ज्‍या या। शान्‍तियागु लँपु त्‍वःतावने मते।

१ यूहन्‍ना 3:17

तःमिम्‍ह मनुखं थः दाजुकिजापिनि नये मखं धकाः सियाः नं इमित माःगु ग्‍वाहालि मब्‍यूसा, अज्‍याःम्‍ह मनुखं परमेश्‍वरयात माया याना धकाः गथे धाये फइ?

३ यूहन्‍ना 1:11

यःम्‍ह किजा, अय्‌जूगुलिं छं मभिंगु बांमलाःगु खँ याये सय्‌के मते, बरु भिंगु बांलाःगु खँ जक सय्‌कि। भिंगु बांलाःगु यानाजुइपिं परमेश्‍वरया मनूत खः। मभिंगु बांमलाःगु यानाजुइपिं मनूतय्‌सं परमेश्‍वरयात म्‍हमस्‍यू।