१ तिमोथी 6:17 - नेवाः बाइबल

¹⁷ थ्‍व संसारय् च्‍वंपिं तःमि धाय्‌का च्‍वंपिन्‍त अप्‍वः तःधंछुया जुइ मते धकाः धयाब्‍यु। इमिगु धनसम्‍पत्ति सदां दयाच्‍वनी मखु। उकिं इमित धनसम्‍पत्तिइ मखु, बरु झीत फुक्‍कं बियादीम्‍ह परमेश्‍वरयाके भरोसा तया च्‍वँ धकाः धयाब्‍यु।

१ तिमोथी 6:17 ပူးပေါင်းရင်းမြစ်များ

उत्‍पत्ति 13:2

अब्राम तसकं तःमिम्‍ह खः। वयाके यक्‍व फै-च्‍वलय् व सा द्वहं, लुँ व वहः दु।

२ इतिहास 26:16

तर उज्‍जियाह बल्‍लायेधुंकाः वयागु घमण्‍डं वयात नाश यात। वं गुँगू थनेगु वेदीइ गुँगू थनेत परमप्रभुया देगलय् दुहां वनाः परमप्रभु थः परमेश्‍वरया विरोधय् अपराध यात।

भजनसंग्रहया सफू 104:28

छिं इमित नसा बियादी अले इमिसं नइ, छिं बियादीगु नसां इमिगु प्‍वाः जाइ।

भजनसंग्रहया सफू 52:7

“स्‍व, थ्‍व व हे मनू खः गुम्‍हय्‌सिनं परमेश्‍वरयात थःगु किल्‍ला मदय्‌कू, तर थःगु धनय् भलसा तल, मेपिन्‍त स्‍यंकाः थः बल्‍लात।”

भजनसंग्रहया सफू 62:10

मभिंगु ज्‍याखँय् विश्‍वास याये मते खुयाहयागु सम्‍पत्तिइ घमण्‍ड याये मते। धिबा यक्‍व दयावःसां उकी नुगः क्‍वसाय्‌के मते।

भजनसंग्रहया सफू 62:8

हे मनूत! वय्‌कःयात न्‍ह्याबलें विश्‍वास या। थःगु नुगः वय्‌कःयात चाय्‌काः क्‍यँ। छाय्‌धाःसा परमेश्‍वर झीगु शरण कायेगु थाय् खः। सेला

हितोपदेश 11:28

सम्‍पत्तिइ जक विश्‍वास याइपिं कुतुं वनी, धर्मीत धाःसा वाउँगु हः थें सुथां लानाच्‍वनी।

हितोपदेश 23:5

मिखाफुति याये मलावं धनया पपू बुया वइ, अले इमा ब्‍वः थें ब्‍वयावनी।

हितोपदेश 27:24

छाय्‌धाःसा धनसम्‍पत्ति सदांया निंतिं दयाच्‍वनी मखु। मुकुट पुस्‍तां पुस्‍ता तक ल्‍यनाच्‍वनी मखु।

हितोपदेश 30:9

यक्‍व दत कि जिं छितः हे ल्‍वःमंकाः धायेफु, “परमप्रभु धयाम्‍ह सु खः?” अले यक्‍व चीमि जुल कि नं खुयाः नयाः जिं परमेश्‍वरया पवित्रगु नांयात क्‍वह्यंके फु।

उपदेशक 2:24

मनुखं नयेगु त्‍वनेगु व थःगु थाकुगु ज्‍यां लुधंकिगु स्‍वयाः मेगु बांलाःगु छु हे याये फइ धकाः। थ्‍व नं जिं परमेश्‍वरया ल्‍हातं वःगु खना।

यर्मिया 2:31

“हे थ्‍व पुस्‍तायापिं मनूत, परमप्रभुयागु वचनय् ध्‍यान ब्‍यु। “छु जि इस्राएलया लागि मरुभूमि वा तसकं खिउँगु देश जुल ला? छाय् जिमि प्रजां थथे धाइगु, ‘जिपिं थःयत्‍थे वने दु। आः छिथाय् गुबलें वये मखुत।’

यर्मिया 49:4

हे विश्‍वास यायेबहः मजूम्‍ह म्‍ह्याय्, छाय् छं थःगु ब्‍यासिया निंतिं, थःगु यक्‍व सइगु ब्‍यासिया निंतिं घमण्‍ड यानागु? जितः सुनां हमला याइ धकाः ‘छं थःगु सम्‍पत्तिइ भलसा तयाः धाइगु?’”

इजकिएल 16:56

छंगु घमण्‍डया दिनय् छं याःगु मभिंगु ज्‍या खनेदये न्‍ह्यः छिमि केहेँ सदोमया नां तक नं छं काइ मखुगु।

दानिएल 4:30

वं धाल, “छु थ्‍व जिं थःगु नां व महिमाया लागि जिगु बलं राजधानी दय्‌काःगु तःधंगु बेबिलोन मखु ला?”

होशे 13:6

गुबलय् जिं इमित नका त्‍वंका, उबले इमि प्‍वाः जाल अले सन्‍तुष्‍ट जुल। इपिं घमण्‍डी जुल, अले इमिसं जितः ल्‍वःमंकल।

मत्ती 12:32

मनूया काय्‌यात मभिंकाः खँ ल्‍हाःम्‍हय्‌सित क्षमा यानाबी, पवित्र आत्‍मायात मभिंकाः खँ ल्‍हाःम्‍हय्‌सित धाःसा आः नं, लिपा नं, गुबलें हे क्षमा बी मखु।”

मत्ती 19:23

लिपा वय्‌कलं चेलातय्‌त धयादिल – “जिं छिमित खःगु खँ धाये – तःमिपिं मनूत स्‍वर्गयागु राज्‍यय् दुहां वनेत तसकं थाकुइ।

मत्ती 25:16

“न्‍यागू लाख दां काःम्‍ह च्‍यलं व धिबां ब्‍यापार यानाः मेगु न्‍यागू लाख मुंकल।

मत्ती 27:57

सन्‍ध्‍याकाः इलय् अरिमाथिया धाःगु थासय् च्‍वंम्‍ह योसेफ धाःम्‍ह छम्‍ह तःमिम्‍ह मनू अन वल। व नं येशूया चेला खः।

मत्ती 6:32

परमेश्‍वरयात म्‍हमस्‍यूपिं मनूतय्‌सं जक थथे पीर कयाच्‍वनी। छिमित छु छु माः धकाः स्‍वर्गय् च्‍वनादीम्‍ह छिमि परमेश्‍वर बाःनं फुक्‍क स्‍यू।

मर्कूस 10:24

थ्‍व खँ न्‍यनाः चेलात छक्‍क जुल। वय्‌कलं हानं धयादिल – “परमेश्‍वरयागु राज्‍यय् दुहां वनेत गुलि थाकु।

लूका 19:2

अन जखायस धाःम्‍ह छम्‍ह मनू दु। व कर काइपिनि हाकिम खः। व तसकं तःमि।

लूका 3:11

वं इमित थथे लिसः बिल – “निपाः लं दुम्‍हय्‌सिनं मदुम्‍हय्‌सित छपाः ब्‍यु। अथे हे नयेगु दुम्‍हय्‌सिनं नये मखंपिन्‍त ब्‍यु।”

प्रेरित 14:17

अथेसां वय्‌कलं भिंगु भिंगु ज्‍या यानाः थः सु खः धकाः क्‍यना मदीगु मखु। वय्‌कलं छिकपिन्‍त स्‍वर्गं इलय् ब्‍यलय् वा वय्‌काः फलफुल व अन्‍न सय्‌कादिल। अले छिकपिन्‍त नयेत्‍वनेगु बियाः लय्‌ताय्‌का तःम्‍ह नं थ्‍व हे परमेश्‍वर खः।”

प्रेरित 14:27

एन्‍टिओखियाय् थ्‍यंकाः इमिसं मण्‍डलीइ च्‍वंपिं विश्‍वासीत मुंकाः परमेश्‍वरं इपिं नाप च्‍वनादियाः गुलि ज्‍या यानादिल, अले यहूदीमखुपिन्‍त नं विश्‍वास यायेगु लँ क्‍यनादिल धकाः फुक्‍क खँ कन।

प्रेरित 17:25

हानं थ्‍व हे परमेश्‍वर मनूतय्‌त माःगु जीवन, सासः, अले हानं माक्‍व चिज बियादीम्‍ह खः धासेंलि मनूतय्‌सं हानं परमेश्‍वरयात छुं हे छायेमाःगु मदु।

रोमी 11:20

थ्‍व खँ ला सत्‍य खः। इमिसं विश्‍वास यानाच्‍वने मफुगुलिं हे इपिं थथे त्‍वधुला वन, उकिं छिमिसं क्‍वात्तुक विश्‍वास यानाच्‍वने माल। अय्‌जूगुलिं छिपिं तःधंछुइ मते, बरु स्‍यनावनी ला धकाः ग्‍याना च्‍वँ।

एफिसी 5:5

छिमिसं सि हे स्‍यू, व्‍यभिचार यानाजुइपिं, मभिंपिं व कर्पिनिगुली मिखा वंकाः जुइपिं मनूत परमेश्‍वर व ख्रीष्‍टयागु राज्‍यय् च्‍वने खनी मखु। कर्पिनिगुली मिखा वंकाः जुइगु ला मूर्ति पुजा यायेगु ति हे ग्‍यं।

व्‍यवस्‍था 33:15

वय्‌कलं इमित तसकं पुलांगु पर्वततय्‌गु दकलय् यःगु देछात, अले सदांया पर्वततय्‌गु मू वंगु ज्‍वलं बियादीमा।

व्‍यवस्‍था 8:17

“झीगु थःगु ल्‍हाःया शक्ति व बलं हे थ्‍व धन-सम्‍पत्ति झीसं दय्‌कागु खः” धकाः छिमिसं मनमनं धायेफु।

कलस्‍सी 3:16

ख्रीष्‍टयागु वचनं छिमिगु नुगः जायाच्‍वनेमा। छिमिसं थःथवय् स्‍यनेकने यानाः दुनुगलंनिसें भजन व म्‍ये हालाः परमेश्‍वरयात तःधंकि।

१ थेसलोनिकी 1:9

जिपिं छिमिथाय् वयाबलय् छिमिसं जिमित गुकथं लसकुस यात अले धात्‍थेंयाम्‍ह व म्‍वाःम्‍ह परमेश्‍वरयात सेवा यायेत छिपिं गुकथं मूर्ति पुजा यायेगु त्‍वःताः परमेश्‍वरपाखे फहिला वल धयागु खँ फुक्‍कसिनं धयाच्‍वंगु दु।

१ तिमोथी 1:3

जि माकेडोनियाय् वने त्‍यनाबलय् छन्‍त एफिससय् हे च्‍वँ धकाः धयागु खः। मखुगु खँ स्‍यनिपिन्‍त पनेत छ अज्‍ज नं अन हे च्‍वनाच्‍वँ।

१ तिमोथी 3:15

अय्‌नं छुं जुयाः जि वये लिबात धाःसा परमेश्‍वरयागु छेँय् झीसं गय् यानाः च्‍वनेमाः धकाः थ्‍व हे पौपाखें सीकाति। परमेश्‍वरयागु छेँ धयागु हे मण्‍डली खः। अले थ्‍व सत्‍ययागु थां व किल्‍ला नं खः।

१ तिमोथी 4:10

अय्‌जूगुलिं हे झीसं म्‍वाःम्‍ह परमेश्‍वरयाके आशा यानाः थथे दुःखकष्‍ट सियाः ज्‍या यानाच्‍वनागु खः। फुक्‍क मनूतय्‌त मुक्ति बीम्‍ह, अप्‍वः यानाः वय्‌कःयात विश्‍वास याःपिन्‍त मुक्ति बीम्‍ह थ्‍व हे परमेश्‍वर खः।

१ तिमोथी 5:21

परमेश्‍वर, ख्रीष्‍ट येशू व ल्‍ययातःपिं स्‍वर्गदूततय्‌गु न्‍ह्यःने जिं छन्‍त थ्‍व खँ धयाच्‍वना। थथे ज्‍या यायेबलय् सुयागुं पँली मते, अले सुयागुं ख्‍वाः स्‍वये मते।

१ तिमोथी 6:13

फुक्‍कसितं म्‍वाका तःम्‍ह परमेश्‍वरयागु न्‍ह्यःने व पन्‍तियस पिलातसयागु न्‍ह्यःने सत्‍ययागु निंतिं नवानादीम्‍ह ख्रीष्‍ट येशूयागु न्‍ह्यःने जिं छन्‍त धयाच्‍वना –

१ तिमोथी 6:9

तःमि जुइत स्‍वइम्‍ह मनू पापयागु ल्‍हातय् लाइ, वं मभिंगु व थःत हे स्‍यंकीगु खँ मनंतुना जुइ। थुकिं हे यानाः व नाश जुइ।

२ तिमोथी 4:10

डेमास थ्‍व संसारयात माया यानाः जितः त्‍वःताः थेसलोनिकाय् वने धुंकल। क्रेसेन्‍स गलातियाय् वन, तीतस दलमातियाय् वन।

तीतस 2:12

थ्‍व हे दया मायां झीत पापं व संसारयागु ज्‍याखं लिचिकी, अले थःत कःघानाः धर्मी व परमेश्‍वरयात मानय् याइपिं जुयाः थ्‍व संसारय् म्‍वानाच्‍वने फइ।

तीतस 3:6

येशू ख्रीष्‍टं यानाः परमेश्‍वरं झीत पवित्र आत्‍मां जाय्‌कादिल।

२ पत्रुस 1:11

अले झीत मुक्ति बियादीम्‍ह झी प्रभु येशू ख्रीष्‍टयागु न्‍ह्याबलें दयाच्‍वनीगु राज्‍यय् छिपिं नं दुहां वने दइ।