१ तिमोथी 5:3 - नेवाः बाइबल

³ हाःनाः मदुपिं भाःत मदय्‌ धुंकूपिं मिसातय्‌त हनाबना तयेगु या।

१ तिमोथी 5:3 ပူးပေါင်းရင်းမြစ်များ

अय्‍यूब 29:13

सीत्‍यंम्‍ह मनुखं जितः आशिष बीगु, अले जिं भाःत मदुम्‍हय्‌सित लय्‌लय्‌तातां म्‍ये हालीपिं यानाबीगु।

अय्‍यूब 31:16

“जिं चीमिपिन्‍त ग्‍वाहालि यायेत म्‍हाः धयागु दु ला? वा जिं भाःत मदुपिन्‍त क्‍वत्‍यलागु दु ला?

भजनसंग्रहया सफू 146:9

परमप्रभुं झीगु देशय् दुपिं परदेशीतय्‌त रक्षा यानादी, वय्‌कलं मां-बौ मदुपिं व भाःत मदुपिं मिस्‍तय्‌त वास्‍ता यानादी। तर मभिंपिं मनूतय्‌गु ग्‍वसाःयात ताःलाकादी मखु।

भजनसंग्रहया सफू 68:5

पवित्र देगलय् च्‍वनीम्‍ह परमेश्‍वर मांबौ मदुपिनि बौ खः अले भाःत मदुपिन्‍त रक्षा यानादीम्‍ह खः।

भजनसंग्रहया सफू 94:6

इमिसं भाःत मदुपिं मिस्‍त, मां-बौ मदुपिं मस्‍त व परदेशीतय्‌त स्‍यानाबीगु।

प्रस्‍थान 20:12

“छिमिसं थः मां-बौयात हनाबना या। अले परमेश्‍वरं छिमित बीत्‍यंगु देशय् छिपिं ताःईतक म्‍वाइ।

यर्मिया 49:11

छिमि मांबौ मदुपिन्‍त त्‍वःता हुँ, जिं इमित म्‍वाकातये। छिमि भाःत मदुपिं मिसातय्‌सं नं जितः भरोसा याये फु।”

मत्ती 15:6

वं थः मां बौयात हनाबना तये म्‍वाः।’ थुकथं छिमिसं थःपिनिगु थितिकुतिं यानाः परमेश्‍वरयागु वचनयात ज्‍यालगय् मजूगु यानाब्‍यूगु दु।

मत्ती 23:13

“शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं मनूतय्‌त दुहां वने हे मफय्‌क स्‍वर्गया राज्‍ययागु लुखा तिनाब्‍यूगु दु। छिपिं न थःपिं हे दुहां वनी, न दुहां वनीपिन्‍त हे दुछ्वइ।

लूका 2:37

व चयप्‍यदँ दुबलय् तक भाःत मदय्‌कः हे च्‍वन। वं यक्‍व हे अपसं च्‍वनाः प्रार्थना यानाः परमेश्‍वरया सेवा यानाच्‍वंगु दु।

लूका 7:12

शहरया ध्‍वाखाय् थ्‍यनी थें च्‍वंबलय् भाःत सीधुंकूम्‍ह छम्‍ह मिसाया याकः काय् सिथं हयाच्‍वंगु नापलात। शहरय् च्‍वंपिं यक्‍व मनूत सनां वःगु दु।

यूहन्‍ना 1:47

नथानेलयात थःथाय् वयाच्‍वंगु खनाः येशूं वयात धयादिल – “छ ला छम्‍ह तसकं स्‍वजाम्‍ह इस्राएली खः।”

प्रेरित 6:1

उगु इलय् चेलात अप्‍वः ददं वन। न्‍हियान्‍हिथं नसा इनाबीबलय् ग्रीक भाय् ल्‍हाइपिं यहूदीतय्‌सं इमि भाःत मदुपिं मिसातय्‌त वास्‍ता मयाः धकाः हिब्रू भाय् ल्‍हाइपिं यहूदीत नाप कचकच याना हल।

प्रेरित 9:39

पत्रुस इपिं नाप वन। अन थ्‍यनेवं इमिसं वयात तले क्‍वथाय् ब्‍वनायंकल। भाःत मदुपिं मिसातय्‌सं ख्‍वख्‍वं तबीता मसीनिबलय् वं इमिगु लागि दय्‌कातःगु वसः क्‍यन।

प्रेरित 9:41

पत्रुसं वयात ल्‍हाः ज्‍वनाः थन। अले फुक्‍क चेलात व भाःत मदुपिं मिसातय्‌त सःताः तबीतायात इमित लःल्‍हाना बिल।

व्‍यवस्‍था 10:18

वय्‌कलं मांबौ मदुपिं मस्‍त व भाःत सी धुंकूपिन्‍त रक्षा यानादी अले परदेशीतय्‌त माया यानाः नयेगु नसा व वसः बियादी।

व्‍यवस्‍था 14:29

अले छुं ब्‍व व सर्बय मदुपिं लेवीया सन्‍तानत, परदेशीत, मांबौ मदुपिं वा भाःत सी धुंकूपिं वयाः प्‍वाजाय्‌क नयेमा, अले परमप्रभु छिमि परमेश्‍वरं छिमिगु फुक्‍क ज्‍याय् छिमित सुवाः बियादीमा।

व्‍यवस्‍था 16:11

परमप्रभु छिमि परमेश्‍वरं थःगु नांया लागिं च्‍वनेगु ल्‍ययादीगु थासय् छिपिं, छिमि काय्‌म्‍ह्याय्‌पिं, दास दासी, शहरय् च्‍वंपिं लेवीया सन्‍तानत, परदेशीत, मांबौ मदुपिं मस्‍त व भाःत सी धुंकूपिं मिस्‍त, फुक्‍कसिनं थः परमेश्‍वरया न्‍ह्यःने लसता हँ।

व्‍यवस्‍था 16:14

छिपिं, छिमि काय्‌म्‍ह्याय्‌पिं, दास दासी अले छिमिगु शहरय् च्‍वनिपिं लेवीया सन्‍तानत, परदेशीत, मांबौ मदुपिं मस्‍त व भाःत सी धुंकूपिं मिस्‍त फुक्‍कसिनं नखःबलय् लसता हँ।

व्‍यवस्‍था 27:19

“परदेशी, मांबौ मदुम्‍ह व भाःत सी धुंकूम्‍हय्‌सित बीमाःगु न्‍याय स्‍यंकूम्‍ह मनूयात सराः लायेमाः।” अले फुक्‍कसिनं “आमेन” धायेमाः।

१ थेसलोनिकी 2:6

छिमिसं व मेपिन्‍सं नं जिमित तःधंकेमाः धकाः जिमिसं धयागु मदु।

१ तिमोथी 5:2

अथे हे थकालिपिं मिसातय्‌त मांपिन्‍त थें अले क्‍वकालिपिं मिसातय्‌त मनय् पाप मतसे केहेँपिन्‍त थें व्‍यवहार या।

याकूब 1:27

परमेश्‍वर बाःयात यःगु भिंगु बांलाःगु धर्म ला मांबौ मदुपिं मस्‍तय्‌त व भाःत मदय्‌ धुंकूपिं मिसातय्‌त दुःख जुइबलय् ग्‍वाहालि यायेगु, अले थ्‍व संसारय् मभिंगु ज्‍याखँ मयासें पवित्र जुयाच्‍वनेगु खः।

१ पत्रुस 2:17

फुक्‍कसित हनाबना तयेगु या। दाजुकिजापिन्‍त माया या। परमेश्‍वरयागु ग्‍याःभय का। जुजुयात हनेगु या।

१ पत्रुस 3:7

अथे हे मिजंतय्‌सं नं थः कलाः बमलाःम्‍ह खः धयागु खँ ल्‍वःमंके मज्‍यू। छिमिसं नं इमित मानय् यायेमाः, छाय्‌धाःसा परमेश्‍वरं इमित नं अनन्‍त जीवन बियातःगु दु। थुकथं छिमित निम्‍ह जानाः प्रार्थना यायेत छुकिं नं पनी मखु।