१ तिमोथी 5:22 - नेवाः बाइबल

²² हथाय् चायाः सुयातं छेनय् ल्‍हाः तयाः मण्‍डलीयागु ज्‍याय् तये मते, छाय्‌धाःसा व मनू मभिंम्‍ह जूसा वयागु पाप छन्‍त नं लाइ। थःत पापपाखें तापाक हे ति।

१ तिमोथी 5:22 ပူးပေါင်းရင်းမြစ်များ

भजनसंग्रहया सफू 50:18

खुँयात नापलाइबलय् छ खुँया हे पासा जुइगु, अले छ व्‍यभिचारीतनापं मिलय् जुयाः जुइगु।

प्रेरित 13:3

अले इमिसं अपसं च्‍वनाः प्रार्थना यानाः छेनय् ल्‍हाः तयाः इमित ज्‍याय् छ्वयाबिल।

प्रेरित 18:6

यहूदीतय् नायःतय्‌सं वयात विरोध यानाः तसकं बेइज्‍जत यात। अले वं थःगु लनय् च्‍वंगु धू थाथा यानाः इमित थथे धाल – “छिकपिं नाश जुल धाःसा थुकिया दोष छिकपिन्‍त हे लाइ, जितः लाइ मखु। आवंलि यहूदीमखुपिन्‍थाय् वनाः न्‍यंके।”

प्रेरित 20:26

अय्‌जूगुलिं जिं छिकपिन्‍त धयाच्‍वना – छुं जुयाः छिकपिं सुं नं नाश जुयावन धाःसा जितः दोष लाइ मखु।

प्रेरित 6:6

इमित प्रेरिततय्‌थाय् न्‍ह्यःने हल। अले इमिसं प्रार्थना यानाः इमिगु छेनय् ल्‍हाः तल।

एफिसी 5:11

खिउँथाय् जुयाच्‍वंपिनिगु ज्‍याखं तापाक हे च्‍वँ, बरु इमिसं यानाच्‍वंगु ज्‍या मभिं धकाः क्‍यनाब्‍यु।

१ तिमोथी 3:10

बांलाक जाँचय् याये धुंकाः तिनि इमित मण्‍डली ग्‍वाहालि याकेबीमाः।

१ तिमोथी 3:2

बिशप जुइम्‍ह मनू छुं हे दोष मदुम्‍ह, छम्‍ह हे जक मिसालिसे ब्‍याहा याःम्‍ह, थातं च्‍वने फुम्‍ह, थःत थःम्‍हं कःघाये फुम्‍ह, चालचलन बांलाःम्‍ह, पाहां वःपिन्‍त दुनुगलंनिसें दुकाइम्‍ह, बांलाक स्‍यनेकने याये फुम्‍ह,

१ तिमोथी 3:6

थज्‍याःम्‍ह मनू नकतिनि जक विश्‍वास याःम्‍ह नं जुइ मज्‍यू। मखुसा व नं अप्‍वः तःधंछुयाः शैतान थें नाश जुयावनी।

१ तिमोथी 4:12

सुनानं छंगु ल्‍याय्‌म्‍हसूयात हेबाय्‌चबाय् याये मफयेमा, बरु छं खं, चालचलनं, मायां, विश्‍वासं व शुद्ध जुयाः इमि न्‍ह्यःने नमूना जुयाः क्‍यँ।

१ तिमोथी 4:14

थकालिपिन्‍सं छन्‍त छेनय् ल्‍हाः तयाः न्‍हापां हे क्‍वःछिनातःगु वरदानयात सितिं छ्वये मते।

२ तिमोथी 1:6

अय्‌जूगुलिं जिं छन्‍त हानं लुमंका च्‍वना – जिं छंगु छेनय् ल्‍हाः तयाबलय् परमेश्‍वरं बियादीगु वरदानयात छं बांलाक छ्यला च्‍वँ।

२ तिमोथी 2:2

यक्‍व मनूतय्‌गु न्‍ह्यःने जिं नवानागु खँ छं नं मेपिं स्‍यनेकने यायेफुपिं विश्‍वास याये बहःपिन्‍त स्‍यना ब्‍यु।

हिब्रू 6:2

बप्‍तिस्‍मा कायेगु, छेनय् ल्‍हाः तयाः प्रार्थना यायेगु, सीपिं हानं म्‍वाना वइगु, अले दकलय् लिपा याइगु न्‍याययागु खँ जक झीसं लिसा लिसा कयाः स्‍यनाच्‍वने मजिल।

यहोशू 9:14

इस्राएली मिजंतय्‌सं परमप्रभुयाके मन्‍यंसे इमिगु नयेगु नसां छुं कयाः गथे च्‍वं स्‍वल।

२ यूहन्‍ना 1:11

सुनानं थज्‍याःपिं फताहातय्‌त ज्‍वजलपा यासाः ज्‍वजलपा याःपिं मनूतय्‌सं इमिगु मभिंगु ज्‍याय् ब्‍वति काःगु जुइ।

प्रकाश 18:4

अले जिं स्‍वर्गं थथे धयाहःगु मेगु सः ताल – “जि यःपिं मनूत, वयाथासं पिहां वा। मवल धाःसा छिमिसं नं व नाप व्‍यभिचार याइ। वलिसे पाप याये मते, मखुसा छिमिसं वलिसे तुं सजाँय फयेमाली।