१ तिमोथी 5:21 - नेवाः बाइबल

²¹ परमेश्‍वर, ख्रीष्‍ट येशू व ल्‍ययातःपिं स्‍वर्गदूततय्‌गु न्‍ह्यःने जिं छन्‍त थ्‍व खँ धयाच्‍वना। थथे ज्‍या यायेबलय् सुयागुं पँली मते, अले सुयागुं ख्‍वाः स्‍वये मते।

१ तिमोथी 5:21 ပူးပေါင်းရင်းမြစ်များ

भजनसंग्रहया सफू 107:43

बुद्धि दुपिन्‍सं थ्‍व खँय् च्‍यूताः तयेमा। इमिसं परमप्रभुया सदां दयाच्‍वनीगु दया मायाया बारे बिचाः यायेमा।

भजनसंग्रहया सफू 119:34

छिगु व्‍यवस्‍थाया अर्थ थुइकादिसँ। अले जिं व पालन याये, दुनुगलंनिसें जिं व पालन याये।

हितोपदेश 18:5

दोषीया पंलिनाः निर्दोषम्‍हय्‌सित द्वपं बियेगु पाय्‌छि मजू।

लेवी 14:42

अनंलि वं अंगलय् न्‍हूगु ल्‍वहं हयाः तिनाबीमाः, अले हाकनं लेवं इलाबीमाः।

लेवी 19:15

“‘छिमिसं अन्‍याय याये मते। तःधंम्‍ह जूसां वा चिधीम्‍ह जूसां, मनूया ख्‍वाः स्‍वयाः मखु, तर सकलें मनूतय्‌गु पाय्‌छिकथं न्‍याय यायेमाः।

मलाकी 2:9

“अथे जुयाः जिं दक्‍व मनूतय् न्‍ह्यःने छिमित क्‍वह्यंपिं व चिधंपिं यानाबियागु दु। छाय्‌धाःसा छिपिं जिगु लँपुइ जूगु मदु। अझ व्‍यवस्‍थायागु खँय् तक ख्‍वाः स्‍वयाः ज्‍या याःगु दु।”

मत्ती 16:27

आः याकनं हे परमेश्‍वरं मनूया काय्‌यात झःझः धाय्‌क स्‍वर्गदूतत नाप छ्वयाहयादी। अले वय्‌कलं छम्‍ह छम्‍ह मनूयात इमिगु ज्‍या स्‍वयाः सिरपाः बियादी।

मत्ती 25:41

“अले वं थःगु खव ल्‍हाःपाखे च्‍वंपिन्‍त थथे धाइ – ‘सराः बियातःपिं, छिपिं जिथाय् वये मते। शैतान व वया दूततय्‌त धकाः च्‍याकातःगु गुबलें मसीगु मिइ क्‍वब्‍वाः हुँ।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

लूका 20:21

व मनूतय्‌सं वय्‌कःयात थथे धकाः न्‍ह्यसः यात – “गुरुजु, छिं खः खःगु जक नवानादी, अले भिंभिंगु जक स्‍यनादी धकाः जिमिसं स्‍यू। अले हानं छिं ख्‍वाः स्‍वयाः ज्‍या यानादी मखु, बरु परमेश्‍वरयागु सत्‍य लँ क्‍यनादी।

लूका 9:26

सुनां जि खनाः व जिगु खँ न्‍यनाः ख्‍वाः फस्‍वय्‌की मनूया काय्‌नं स्‍वर्गदूततलिसे झःझः धाय्‌क परमेश्‍वर बाःनं छ्वया हइबलय् व खनाः नं ख्‍वाः फस्‍वय्‌की।

२ कोरिन्‍थी 5:16

अय्‌जूगुलिं आवंलि जिमिसं सुयातं ख्‍वाः स्‍वयाः लने मखुत। खः ला, छकः ख्रीष्‍टयात हे जिमिसं अथे ख्‍वाः स्‍वयाः लनेधुन। आः वय्‌कःयात जिमिसं अथे लनेगु त्‍वःतेधुन।

व्‍यवस्‍था 1:7

अथे जुयाः आः छिपिं थ्‍व थाय् त्‍वःताः थःगु यात्राय् न्‍ह्यज्‍या। एमोरीतय् पर्वतया देश व उकिया जःखः च्‍वंपिं फुक्‍क जातितय्‌थाय्, अराबाय्, पर्वतय्, पच्‍छिमया फेदी, नेगेवय् व समुद्रया सिथय् च्‍वंगु कनानीतय् देशय्, लेबनानय् अले तःधंगु खुसि यूफ्रेटिस तक हे हुँ।

व्‍यवस्‍था 33:9

इमिसं थः मांबौ, दाजुकिजापिं व मचाखाचातय्‌त स्‍वयाः अप्‍वः छितः तःधंकल। इमिसं छिगु वचनय् मिखा ब्‍वल अले छिगु बाचाया पिवाच्‍वन।

१ थेसलोनिकी 5:27

दाजुकिजापिं, सकसितं थ्‍व पौ ब्‍वना न्‍यंकाब्‍यु धकाः जिं छिमित प्रभुयागु नामं बिन्‍ति यानाच्‍वना।

१ तिमोथी 6:13

फुक्‍कसितं म्‍वाका तःम्‍ह परमेश्‍वरयागु न्‍ह्यःने व पन्‍तियस पिलातसयागु न्‍ह्यःने सत्‍ययागु निंतिं नवानादीम्‍ह ख्रीष्‍ट येशूयागु न्‍ह्यःने जिं छन्‍त धयाच्‍वना –

२ तिमोथी 2:14

परमेश्‍वरया नामय् इमित थ्‍व खँय् ख्‍याच्‍वः ब्‍यु। म्‍वाःमदुगु खँय् ल्‍वाना जुइ मते, थुकिं इमित हे स्‍यंकी।

२ तिमोथी 4:1

सी धुंकूपिं व म्‍वानाच्‍वंपिं फुक्‍कसितं न्‍याय यानादीम्‍ह ख्रीष्‍ट येशू व परमेश्‍वरया नामं जिं छन्‍त धयाच्‍वना – वय्‌कलं हानं झायाः राज्‍य यानादी तिनिगुलिं

याकूब 3:17

परमेश्‍वरपाखें दुगु बुद्धि पवित्र, शान्‍ति बीगु, क्‍वमिलु जुइगु, मिजासं जाःगु, दया दुगु व भिंगु फल बीगु जुइ। थ्‍व ख्‍वाः स्‍वयाः ज्‍या मयाइगु व दुग्‍यंगु जुइ।

२ पत्रुस 2:4

पाप याःपिं स्‍वर्गदूततय्‌त हे नं परमेश्‍वरं ल्‍यंका मदिसे नरकय् छ्वयादिल। न्‍याय याइगु दिं मवतले इमित नरकया खिउँथासय् चिनाः तया तल।

यहूदा 1:6

थःगु ज्‍या मयासें छेँ त्‍वःतावःपिं स्‍वर्गदूततय्‌त दकलय् लिपा न्‍याय यानादीत वय्‌कलं गुब्‍सं मब्‍यनिकथं चिनाः खिउँथाय् कुनादिल।

प्रकाश 14:10

अज्‍याःपिन्‍सं परमेश्‍वरयागु तःधंगु तं छुनं ल्‍वाकछ्याना मतःगु ख्‍वल्‍चां त्‍वने माली। अज्‍याःपिन्‍सं मि व गन्‍धक दुथाय् पवित्रपिं स्‍वर्गदूततय्‌गु व चीधिकःम्‍ह भ्‍याःचायागु न्‍ह्यःने च्‍वनाः सास्‍ती नया च्‍वनेमाली।