१ तिमोथी 5:18 - नेवाः बाइबल

¹⁸ धर्मशास्‍त्रय् नं थथे धयातःगु दु – “दाइं यायेबलय् द्वहंयागु म्‍हुतुइ पिचा तयाबी मते।” अले “ज्‍या याःम्‍हय्‌सित ज्‍यालाबी हे माः।”

१ तिमोथी 5:18 ပူးပေါင်းရင်းမြစ်များ

लेवी 19:13

“‘छिमिसं जःलाखःलापिन्‍त ध्‍वंलानाः इमिगु छुं नं काये मते, अले इमिगु छुं नं लुतय् यानाः काये मते। “‘ज्‍याला कयाः ज्‍या याइपिनिगु धिबा वयात मब्‍यूसें सुथय् तक तयातये मते।

मत्ती 10:10

पिहां वनेत म्‍हिचा, लं, लाकां, तुतां ज्‍वने मते, छाय्‌धाःसा ज्‍या याइपिन्‍त माक्‍व ला अथें हे दइ।

लूका 10:7

गुगु छेँय् दुहां वन, व हे छेँय् च्‍वनेगु या। इमिसं छु बिल व हे नयेत्‍वने याना च्‍वँ, छाय्‌धाःसा ज्‍या याःपिन्‍सं ज्‍याला काये हे माः। छेँखा पतिकं चाचाः हुला जुइ मते।

रोमी 10:11

वय्‌कःयात विश्‍वास याइपिं सुनानं लज्‍या चाय् माली मखु धकाः न्‍हापां हे धर्मशास्‍त्रय् च्‍वयातःगु दु।

रोमी 11:2

न्‍हापांनिसें ल्‍ययातःपिं वय्‌कःया मनूतय्‌त परमेश्‍वरं त्‍वःतादीगु मदुनि। एलियायागु खँ धर्मशास्‍त्रय् च्‍वयातःगु छिमिसं मस्‍यू ला? इस्राएलीतय्‌त मभिंकाः एलियां परमेश्‍वरयात थथे बिन्‍ति यात –

रोमी 4:3

धर्मशास्‍त्रय् नं थथे च्‍वयातःगु दु – “अब्राहामं परमप्रभुयात विश्‍वास यात। अले वय्‌कलं वयात धार्मिक मनूया ल्‍याखय् तयादिल।”

रोमी 9:17

धर्मशास्‍त्रय् परमेश्‍वरं फारोयात थथे धयादीगु दु – “अय्‌नं जिगु शक्ति क्‍यनेत व पृथ्‍वीइ न्‍यंक जिगु नां कायेमा धकाः हे जिं छन्‍त म्‍वाकातयागु खः।”

१ कोरिन्‍थी 9:14

अथे हे भिंगु खँ न्‍यंकीपिन्‍सं नं भिंगु खं हे नयेत्‍वने यायेमाः धकाः प्रभुं धयादीगु दु।

गलाती 3:8

यहूदीमखुपिन्‍सं परमेश्‍वरयात विश्‍वास यात धाःसा परमेश्‍वरं इमित नं धर्मी ठहरय् यानादी धकाः न्‍हापा हे धर्मशास्‍त्रय् च्‍वयातःगु दु। अय्‌जूगुलिं हे अब्राहामयात परमेश्‍वरं “छंगुपाखें हे संसारय् च्‍वंपिं फुक्‍क जात जातितय्‌त आशिष बी” धकाः धयादिल।

व्‍यवस्‍था 25:4

अन्‍न दाइबलय् द्वहंया त्‍वाथय् पिचा तयाबी मते।

याकूब 4:5

परमेश्‍वरं झीत बियादीगु आत्‍मायात जक यय्‌क च्‍वनाच्‍वनेमाः धकाः धर्मशास्‍त्रय् च्‍वयातःगु खः।