१ तिमोथी 4:8 - नेवाः बाइबल

⁸ म्‍हयागु ज्‍याखँ यानाः कम हे जक ज्‍यालगय् जुइ। आत्‍मायागु ज्‍याखँ धाःसा आः व लिपा तकं ज्‍यालगय् जुयाच्‍वनी।

१ तिमोथी 4:8 ပူးပေါင်းရင်းမြစ်များ

अय्‍यूब 22:2

“सुं मनू परमेश्‍वरया लागि ज्‍याय् वइ ला? सुं दुग्‍यां दुम्‍ह मनुखं नं वय्‌कःयात फाइदा बी फइ ला?

अय्‍यूब 36:11

इमिसं वय्‌कःया खँ न्‍यन धाःसा, अले वय्‌कःया सेवा यात धाःसा इमिगु जिवंकाछि इमित सुख व शान्‍ति जुइ।

भजनसंग्रहया सफू 145:19

वय्‌कःया ग्‍याःभय काःपिनिगु इच्‍छा वय्‌कलं पूवंकादी, अले इमिगु बिन्‍ति न्‍यनाः इमित उद्धार यानादी।

भजनसंग्रहया सफू 37:11

क्‍वमिलुपिन्‍सं धाःसा देशय् अधिकार याइ, अले इमित तःधंगु सुख शान्‍ति दइ।

भजनसंग्रहया सफू 37:29

भिंपिं मनूतय्‌सं परमेश्‍वरं बियादीगु देशय् अधिकार याइ। अले अन न्‍ह्याबलें च्‍वनी।

भजनसंग्रहया सफू 37:9

मभिंपिं मनूतय्‌त नाश यानाछ्वइ। परमप्रभुयागु लँ स्‍वयाच्‍वंपिं परमप्रभुं बियादीगु देशय् च्‍वने दइ।

भजनसंग्रहया सफू 84:11

परमप्रभु परमेश्‍वर सूर्य व ढाल खः, परमप्रभुं दया माया यानादी अले इज्‍जत बियादी। भिंगु ज्‍या याइपिन्‍त वय्‌कलं फुक्‍क भिंगु बियादी।

हितोपदेश 19:23

परमप्रभुया भय काइपिन्‍त जीवन दइ। परमप्रभुया भय काइपिन्‍त दुःख जुइ मखु, अले छुं कथंया मभिं जुइ मखु।

हितोपदेश 22:4

परमप्रभुया भय काल कि व क्‍वमिलु जुल कि इज्‍जत, धन व जीवन दइ।

उपदेशक 8:12

अय्‌नं मभिंपिं मनूतय्‌सं मभिंगु ज्‍या याःसां अप्‍वः ई म्‍वाना हे च्‍वनी, अथे जूसां परमेश्‍वरया भय मानय् याइपिन्‍त व वय्‌कःया न्‍ह्यःने क्‍वमिलु जुइपिन्‍त भिं हे जुइ धकाः नं जिं स्‍यू।

यशैया 3:10

धर्मी मनूतय्‌त धा, “छिमित भिं हे जुइ, छिमिसं थःम्‍हं याःगु ज्‍याया सिरपाः कायेखनी।”

यशैया 33:16

व हे मनू च्‍वय् च्‍वनी, सुयागु शरण कायेगु थाय् पहाडया किल्‍ला जुइ। वयागु नसा वयात हे बी अले वयात त्‍वनेत माक्‍व लः दइ।

यर्मिया 6:20

जितः शेबां हःगु गुँगू व तसकं तापाकं हःगु नस्‍वाःगु तिंकथि छाय् माल? छिमिगु होमबलि जिं काये मखु। छिमिगु बलिदानं जि लय्‌ताये मखु।”

मत्ती 12:32

मनूया काय्‌यात मभिंकाः खँ ल्‍हाःम्‍हय्‌सित क्षमा यानाबी, पवित्र आत्‍मायात मभिंकाः खँ ल्‍हाःम्‍हय्‌सित धाःसा आः नं, लिपा नं, गुबलें हे क्षमा बी मखु।”

मत्ती 19:29

जिगु निंतिं छेँबुँ, दाजुकिजा, तताकेहेँ, मांबौ, काय्‌म्‍ह्याय् त्‍वःतावःपिन्‍त व स्‍वयाः अप्‍वः दइ। अले अनन्‍त जीवन नं दइ।

मत्ती 6:33

न्‍हापां परमेश्‍वरयागु राज्‍य मा, वय्‌कलं धयादी थें च्‍वँ। अले वय्‌कलं छिमित माःगु फुक्‍क बियादी।

मर्कूस 10:30

व दुःख स्‍यूपिन्‍त आः हे सछिदुगं अप्‍वः छेँबुँ, दाजुकिजा, तताकेहेँ, मांबौ व काय्‌म्‍ह्याय् सकलें दइ। अले हानं अनन्‍त जीवन नं दइ।

लूका 5:38

थथे मयासें, दाखमद्य न्‍हूगु म्‍हिचाय् तयेमाः।

रोमी 8:28

परमेश्‍वरयात माया याइपिं, अले वय्‌कलं थःगु इच्‍छा पूवंकेत ल्‍ययातःपिन्‍त दक्‍व ज्‍या मिलय् यानाः भिं जुइकथं हे वय्‌कलं ज्‍या यानादी धकाः झीसं स्‍यू।

१ कोरिन्‍थी 3:22

पावल, अपोल्‍लोस व पत्रुस, अले थ्‍व संसार, जीवन व मृत्‍यु, अले जुयाच्‍वंगु ई व लिपा वइगु ई, दक्‍व फुक्‍क छिमिगु हे खः।

१ कोरिन्‍थी 8:8

नसां झीत परमेश्‍वरयाथाय् थ्‍यंकी मखु। नसा नल धकाः झी तःधनी मखु, अले मनल धकाः चिधनी नं मखु।

१ तिमोथी 4:7

म्‍वाःमदुगु मनय् वः थें बाखं कनाजुइपिंपाखें तापाक हे च्‍वँ। बरु परमेश्‍वरयात यय्‌क जक जुयाच्‍वँ।

१ तिमोथी 6:3

सुनानं मेकथं स्‍यनेकने याना जुल, अले झी प्रभु येशू ख्रीष्‍टयागु सत्‍यगु वचन व झीसं परमेश्‍वरयात मानय् यायेमाःगु खँ मन्‍यन धाःसा

१ तिमोथी 6:5

थुमिसं न्‍ह्याबलें ल्‍वापु जक थया जुइ, थुमिगु न्‍ह्यपु हे खतं नयेधुंकल, थुमिके सत्‍य धयागु हे मदु। थुमिसं धर्म हे धिबा कमय् यायेगु लँपु खः धकाः धयाजुइ।

१ तिमोथी 6:6

खः, दुगुलिं लुधंकाः परमेश्‍वरयात मानय् यानाः च्‍वनेगु हे तःमि जुइगु खः।

२ तिमोथी 3:5

पिनें परमेश्‍वरयात मानय् यानाजुइपिं, दुनुगलं धाःसा वय्‌कःयागु शक्तियात मानय् मयाइपिं जुइ। थुपिंलिसे जुइ मते।

तीतस 3:8

थ्‍व खँ धात्‍थें खः। थ्‍व खँय् छं अप्‍वः मन बियाः स्‍यँ। थथे यात धाःसा परमेश्‍वरयात विश्‍वास याःपिन्‍सं भिंगु भिंगु ज्‍या यायेत कुतः याइ। थ्‍व फुक्‍क मनूतय्‌त ज्‍यालगय् जूगु भिंगु खँ खः।

हिब्रू 13:9

थीथी कथंया अजू चायापुगु स्‍यनातःगु खं छिमित मखुगु लँय् यंके मफयेमा। नयेत्‍वनेगुलिं मखु, बरु परमेश्‍वरयागु दया मायां थःगु मनयात बल्‍लाकि, छाय्‌धाःसा नयेत्‍वनेगुलिइ जक जुयाच्‍वंपिन्‍त गुब्‍सं भिं जूगु मदु।

१ यूहन्‍ना 2:25

ख्रीष्‍टं झीत बी धकाः धयादीगु अनन्‍त जीवन थ्‍व हे खः।

प्रकाश 3:12

त्‍याःम्‍हय्‌सित जिमि परमेश्‍वरयागु देगःया थां यानाबी। अले अनं व गुबलें हे पिहां वनेमाली मखु। अले जिं उकी जिमि परमेश्‍वरयागु नां च्‍वयाबी, स्‍वर्गं जिमि परमेश्‍वरयागु थासं क्‍वहां वयाच्‍वंगु न्‍हूगु यरूशलेम धाःगु शहरयागु नां व जिगु हे न्‍हूगु नां नं उकी च्‍वयाबी।

प्रकाश 3:21

गथे जिं त्‍याकाः जि जिमि बाःयागु सिंहासनय् वय्‌कः नाप फ्‍यतुइ खंगु दु, अथे हे त्‍याम्‍हय्‌सित जिं जिगु सिंहासनय् जि नाप फ्‍यतुके बी।

१ शमूएल 15:22

तर शमूएलं धाल, “परमेश्‍वरं होमबलि व बलि छायेगु स्‍वयाः अप्‍वः परमप्रभु आज्ञा पालन याःगु हे यय्‌काः मदी ला? आज्ञा पालन बलि छायेगु स्‍वयाः भिं, अले वय्‌कया वचन पालन यायेगु फैया दा स्‍वयाः भिं।