१ तिमोथी 4:7 - नेवाः बाइबल

⁷ म्‍वाःमदुगु मनय् वः थें बाखं कनाजुइपिंपाखें तापाक हे च्‍वँ। बरु परमेश्‍वरयात यय्‌क जक जुयाच्‍वँ।

१ तिमोथी 4:7 ပူးပေါင်းရင်းမြစ်များ

प्रेरित 24:16

अय्‌जूगुलिं जिं मनूतय्‌गु न्‍ह्यःने नं परमेश्‍वरयागु न्‍ह्यःने नं थःत यचुकाः ज्‍या याना जुया।”

१ तिमोथी 1:4

जिं धया थें इमित मनय् वः थें बाखं कनेगु व तापाःबाज्‍यापिनिगु धक्‍कु त्‍वःतेगु ज्‍या याके मते। थुकिं विश्‍वास यानाः जक थुइगु परमेश्‍वरयागु ग्‍वसाःयात स्‍वयाः अप्‍वः जवाःसवाः यायेगुयात तिबः बी।

१ तिमोथी 1:9

व्‍यवस्‍था भिंपिं मनूतय्‌गु निंतिं दय्‌कातःगु मखु। थ्‍व ला मभिंपिं मनूतय्‌गु निंतिं दय्‌कातःगु खः। नियम मानय् मयाइपिं, परमेश्‍वरयात मानय् मयाइपिं, पापीत, पवित्र मजूपिं, परमेश्‍वरयात क्‍वह्यंकीपिं, मां बौयात स्‍याइपिं, मनू स्‍याइपिं,

१ तिमोथी 2:10

परमेश्‍वरयात मानय् याइपिं मिसातय्‌सं थःत ल्‍वय्‌क भिंगु ज्‍या याना जुइमाः।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

१ तिमोथी 4:8

म्‍हयागु ज्‍याखँ यानाः कम हे जक ज्‍यालगय् जुइ। आत्‍मायागु ज्‍याखँ धाःसा आः व लिपा तकं ज्‍यालगय् जुयाच्‍वनी।

१ तिमोथी 6:11

अय् तिमोथी, परमेश्‍वरया मनू, छ थज्‍याःगु मभिंगु खं तापाक च्‍वनाच्‍वँ। परमेश्‍वरया न्‍ह्यःने धर्मी ठहरय् जुइगु, वय्‌कःयात मानय् यानाच्‍वनेगु व भिंम्‍ह जुयाच्‍वनेगु खँय् मन बिया च्‍वँ।

१ तिमोथी 6:20

तिमोथी, छु छन्‍त लःल्‍हाना बियातःगु खः व बांलाक बिचाः याना ति। संसारयागु म्‍वाःमदुगु खँपाखें व गुलिखय् मनूतय्‌सं “ज्ञान” धकाः धयातःगु मखुगु खँपाखें तापाक हे च्‍वँ।

१ तिमोथी 6:3

सुनानं मेकथं स्‍यनेकने याना जुल, अले झी प्रभु येशू ख्रीष्‍टयागु सत्‍यगु वचन व झीसं परमेश्‍वरयात मानय् यायेमाःगु खँ मन्‍यन धाःसा

१ तिमोथी 6:5

थुमिसं न्‍ह्याबलें ल्‍वापु जक थया जुइ, थुमिगु न्‍ह्यपु हे खतं नयेधुंकल, थुमिके सत्‍य धयागु हे मदु। थुमिसं धर्म हे धिबा कमय् यायेगु लँपु खः धकाः धयाजुइ।

२ तिमोथी 2:16

म्‍वाःमदुगु खँय् सुंनाप हाः जुइ मते, छाय्‌धाःसा थथे हाला जुइपिं मनूत परमेश्‍वर नाप झन झन तापानावनी।

२ तिमोथी 2:23

म्‍वाःमदुगु व थःम्‍हं मस्‍यूगु खँय् जवाःसवाः याना जुइ मते। थुकिं ल्‍वापु जक पिहां वइ धकाः ला छं सि हे स्‍यू।

२ तिमोथी 3:12

ख्रीष्‍ट येशूयात मानय् यानाः वय्‌कलं धाःथें च्‍वनीपिन्‍त ला थथे दुःखकष्‍ट जू हे वइ।

२ तिमोथी 3:5

पिनें परमेश्‍वरयात मानय् यानाजुइपिं, दुनुगलं धाःसा वय्‌कःयागु शक्तियात मानय् मयाइपिं जुइ। थुपिंलिसे जुइ मते।

२ तिमोथी 4:4

इमिसं सत्‍य खँ न्‍यनी मखु। मनय् वः थें कनीगु बाखं जक न्‍यने यय्‌की।

तीतस 1:14

अले इमिसं यहूदीतय्‌गु पुलां पुलांगु बाखं व सत्‍ययागु लं लिचिकीगु खँय् न्‍हाय्‌पं तकं बी मखु।

तीतस 2:12

थ्‍व हे दया मायां झीत पापं व संसारयागु ज्‍याखं लिचिकी, अले थःत कःघानाः धर्मी व परमेश्‍वरयात मानय् याइपिं जुयाः थ्‍व संसारय् म्‍वानाच्‍वने फइ।

तीतस 3:9

म्‍वाःमदुगु खँय् हाः जुइ मते, तापाःबाज्‍यापिनिगु नां कयाः फुइँ याना जुइ मते, व्‍यवस्‍थायागु खँय् ल्‍वाः जुइ मते, छाय्‌धाःसा अथे यानाः छुं भिनि मखु, अले बांलाइ नं मखु।

हिब्रू 5:14

दुधंगु नसा ला तःधिकःपिनिगु निंतिं खः। इमिसं थःगु अनुभवं भिंगु छु खः, मभिंगु छु खः धकाः बांलाक ल्‍यये फइ।