१ तिमोथी 4:5 - नेवाः बाइबल

⁵ छाय्‌धाःसा वय्‌कःयागु वचन व प्रार्थनां फुक्‍कं शुद्ध जुइ।

१ तिमोथी 4:5 ပူးပေါင်းရင်းမြစ်များ

उत्‍पत्ति 1:25

अले परमेश्‍वरं थीथी कथंयापिं जंगलय् च्‍वनीपिं, छेँय् लहीपिं, व बँय् घिसय्‌ जुयाजुइपिं जन्‍तुत दय्‌कादिल। वय्‌कःयात थ्‍व बांलाः ताल।

उत्‍पत्ति 1:31

परमेश्‍वरं थःम्‍हं दय्‌कूगु फुक्‍क स्‍वयादिल। वय्‌कःयात थ्‍व तसकं बांलाः ताल। चा फुनाः सुथ जुल। थुकथं – खुन्‍हु जुल।

लूका 11:41

भु व ख्‍वलाय् च्‍वंगु नये मखंपिन्‍त ब्‍यु, अले छिपिं दुनेंनिसें यचुइ।”

लूका 4:4

अले वय्‌कलं धयादिल – “थथे च्‍वयातःगु दु – ‘मनूत मरि जक नयाः म्‍वानाच्‍वने फइ मखु।’”

१ कोरिन्‍थी 7:14

छाय्‌धाःसा विश्‍वासी मखुम्‍ह भाःत विश्‍वासी कलाःम्‍हं यानाः पवित्र जुल। अथे हे विश्‍वासी मखुम्‍ह कलाः विश्‍वासी भाःतं यानाः पवित्र जुल। अथे मखुसा ला इपिंपाखें दुम्‍ह मचा पवित्र जुइ हे मखुत नि। तर इपिं ला पवित्र हे जुइ।

१ तिमोथी 4:3

थुमिसं ब्‍याहा याये मज्‍यू, गुलिं गुलिं नसा नये मज्‍यू धकाः मनूतय्‌त स्‍यना जुइ। विश्‍वास याइपिं व सत्‍ययात थूपिन्‍सं सुभाय् बियाः न्‍ह्यागुं नये ज्‍यू, छाय्‌धाःसा थ्‍व फुक्‍कं परमेश्‍वरं हे दय्‌कादीगु खः।

तीतस 1:15

शुद्धपिन्‍त ला फुक्‍कं शुद्ध हे जुइ। मभिंपिन्‍त व विश्‍वास मयाइपिन्‍त धाःसा छुं नं शुद्ध जुइ मखु, छाय्‌धाःसा इमिगु मन व बिचाः हे शुद्ध मजू।

हिब्रू 11:3

विश्‍वासं हे झीसं सीके फु, परमेश्‍वरं उजं बियादीगुलिं संसारयागु सृष्‍टि जुल, अले थुकथं खने मदुगुलिं खनेदयावल।