१ तिमोथी 4:4 - नेवाः बाइबल

⁴ वय्‌कलं दय्‌कादीगु मभिंगु छुं नं मदु। उकिं वय्‌कःयात सुभाय् बियाः न्‍ह्यागुं नये ज्‍यू।

१ तिमोथी 4:4 ပူးပေါင်းရင်းမြစ်များ

उत्‍पत्ति 1:31

परमेश्‍वरं थःम्‍हं दय्‌कूगु फुक्‍क स्‍वयादिल। वय्‌कःयात थ्‍व तसकं बांलाः ताल। चा फुनाः सुथ जुल। थुकथं – खुन्‍हु जुल।

प्रेरित 10:15

हानं सः वल – “परमेश्‍वरं शुद्ध याना तःगुयात छं शुद्ध मजू धकाः धाये मते।”

प्रेरित 15:29

अय्‌नं छिकपिन्‍सं मूर्ति पुजायागु प्रसाद नये मते, छुकियागुं हि त्‍वने मते, हि मम्‍हुकुसे स्‍याःगु ला नये मते, अले व्‍यभिचार याये मते। थुलि जक छिकपिन्‍सं होश यानाः मयात धाःसा गाः। छिकपिनिगु भिं जुइमा।”

प्रेरित 21:25

“यहूदीमखुपिं विश्‍वासीतय्‌त जक जिमिसं ‘मूर्तियात छाःगु प्रसाद नये मते, हि त्‍वने मते, हि मम्‍हुकुसे स्‍यानातःगु ला नये मते, व्‍यभिचार याये मते’ धकाः पौ च्‍वया छ्वयागु दु।”

रोमी 14:14

प्रभु येशूयात विश्‍वास यानागुलिं छुं नं नसा थः हे अशुद्ध धयागु मदु धकाः जिं बांलाक थुइकाः सीका तयागु दु। सुनानं थ्‍व अशुद्ध खः धकाः बिचाः याःसा वयात व अशुद्ध हे जुइ।

रोमी 14:20

छिमिगु नयेत्‍वनेगुलिं परमेश्‍वरयागु ज्‍यायात स्‍यंके मते। धात्‍थें धायेगु खःसा फुक्‍क नसा शुद्ध जू, अय्‌नं सुनानं नयेत्‍वनेगुलिं मेम्‍ह विश्‍वासीयात स्‍यंकल धाःसा वं द्वंकूगु जुइ।

रोमी 14:6

मेमेगु दिं स्‍वयाः छन्‍हुयात तःधंकीम्‍हं प्रभुया निंतिं हे तःधंकी। सुनां नयेनी याइ वं प्रभुया निंतिं नइ, छाय्‌धाःसा वं परमेश्‍वरयात सुभाय् बियाः नइ। अथे हे मनइम्‍हय्‌सिनं प्रभुया निंतिं नइ मखु, अय्‌नं वं नं परमेश्‍वरयात सुभाय् बी।

१ कोरिन्‍थी 10:23

गुम्‍हय्‌सिनं थथे नं धाइ – “झीसं थःत यःगु न्‍ह्यागुं याये ज्‍यू।” अथे खःसां झीत फुक्‍क ज्‍यां भिंकी मखु। “झीसं थःत यःगु न्‍ह्यागुं याये ज्‍यू।” अथे खःसां फुक्‍क खं झीत बांलाकी मखु।

१ कोरिन्‍थी 10:25

मतिइ संका मतसे बजारय् मियातःगु ला न्‍यानाः नये ज्‍यू।

१ कोरिन्‍थी 10:26

धर्मशास्‍त्रय् नं च्‍वयातःगु दु – “पृथ्‍वी व पृथ्‍वीइ च्‍वंगु दक्‍व फुक्‍कं प्रभुयागु हे खः।”

१ कोरिन्‍थी 10:30

परमेश्‍वरयात सुभाय् बियाः नये त्‍यनागुली जितः सुनानं छाय् मभिंके माःगु?”

व्‍यवस्‍था 32:4

वय्‌कः बल्‍लाःम्‍ह रक्षक खः, वय्‌कःया फुक्‍क ज्‍याखँ पूवं, अले न्‍यायनं जाः। वय्‌कः विश्‍वास याये बहःम्‍ह परमेश्‍वर खः। वय्‌कलं गुबलें द्वंकी मखु। पाय्‌छिगु व भिंगु जक वय्‌कलं यानादी।

१ तिमोथी 4:3

थुमिसं ब्‍याहा याये मज्‍यू, गुलिं गुलिं नसा नये मज्‍यू धकाः मनूतय्‌त स्‍यना जुइ। विश्‍वास याइपिं व सत्‍ययात थूपिन्‍सं सुभाय् बियाः न्‍ह्यागुं नये ज्‍यू, छाय्‌धाःसा थ्‍व फुक्‍कं परमेश्‍वरं हे दय्‌कादीगु खः।