१ तिमोथी 4:3 - नेवाः बाइबल

³ थुमिसं ब्‍याहा याये मज्‍यू, गुलिं गुलिं नसा नये मज्‍यू धकाः मनूतय्‌त स्‍यना जुइ। विश्‍वास याइपिं व सत्‍ययात थूपिन्‍सं सुभाय् बियाः न्‍ह्यागुं नये ज्‍यू, छाय्‌धाःसा थ्‍व फुक्‍कं परमेश्‍वरं हे दय्‌कादीगु खः।

१ तिमोथी 4:3 ပူးပေါင်းရင်းမြစ်များ

उत्‍पत्ति 9:3

फुक्‍क पशु व पक्षीत छिमित नयेत बियागु दु। अन्‍नमा व वाउँचात बिया थें जिं छिमित फुक्‍कं बी।

उपदेशक 5:18

अनंलि जिं थ्‍व खँ थुल। परमेश्‍वरं बियादीगु थ्‍व चिहाकःगु जीवन दतले थ्‍व संसारय् नयेगु, त्‍वनेगु अले थःम्‍हं तसकं दुखसिया यानागु ज्‍याय् लुधंका च्‍वनेत कुतः यायेगु मनूतय्‌गु निंतिं भिं जुइ, छाय्‌धाःसा व हे इमिगु भाग खः।

दानिएल 11:37

थः पुर्खातय् द्यःत वा मिस्‍तय्‌सं यय्‌कूम्‍ह द्यःयात नं वं वास्‍ता याइ मखु। वं सुं द्यःयात वास्‍ता याइ मखु, तर वं थःत इपिं फुक्‍क स्‍वयाः तःधंकी।

मत्ती 14:19

वय्‌कलं फुक्‍कसित ख्‍यलय् फ्‍यतुकादिल। न्‍यापा मरि व निम्‍ह न्‍या कयाः स्‍वर्गय् थस्‍वयाः परमेश्‍वरयात सुभाय् बियादिल। अले मरि कुचा थलाः वय्‌कलं चेलातय्‌त बियादिल। इमिसं मनूतय्‌त इनाबिल।

मत्ती 15:11

म्‍हुतुं दुहां वनीगुलिं मनूतय्‌त अशुद्ध याइ मखु, बरु म्‍हुतुं पिहां वइगुलिं इमित अशुद्ध याइ।”

मत्ती 15:36

अनंलि वय्‌कलं न्‍हय्‌पा मरि व न्‍या ल्‍हातय् कयाः परमेश्‍वरयात सुभाय् बियादिल। अले मरि कुचा थलाः चेलातय्‌त बियादिल। इमिसं मनूतय्‌त इनाबिल।

लूका 24:30

नयेत्‍यय्‌काः वय्‌कलं मरि कयाः सुभाय् बियाः कुचा थलाः इमित इनाबियादिल।

यूहन्‍ना 6:23

उबलय् तिबेरियासं मेमेगु नांचा येशूं सुभाय् बियाः न्‍याद्वः मनूतय्‌त मरि नकूगु थासय् थ्‍यंकः वल।

प्रेरित 27:35

थुलि धयाः पावलं मरि कयाः फुक्‍कसिया न्‍ह्यःने परमेश्‍वरयात सुभाय् बियाः कुचा कुचा यानाः नल।

रोमी 14:17

परमेश्‍वरयागु राज्‍य नयेगु व त्‍वनेगु जक मखु, बरु पवित्र आत्‍मां बियादीगु धार्मिकता, शान्‍ति व आनन्‍द खः।

रोमी 14:3

अथे न्‍ह्यागुं नइम्‍हय्‌सिनं मनइम्‍हय्‌सित क्‍वह्यंके मते, अथे हे मनइम्‍हय्‌सिनं नं नइम्‍हय्‌सित कुंखिने मते। छाय्‌धाःसा परमेश्‍वरं इमित थः मनू दय्‌कादीगु खः।

रोमी 14:6

मेमेगु दिं स्‍वयाः छन्‍हुयात तःधंकीम्‍हं प्रभुया निंतिं हे तःधंकी। सुनां नयेनी याइ वं प्रभुया निंतिं नइ, छाय्‌धाःसा वं परमेश्‍वरयात सुभाय् बियाः नइ। अथे हे मनइम्‍हय्‌सिनं प्रभुया निंतिं नइ मखु, अय्‌नं वं नं परमेश्‍वरयात सुभाय् बी।

१ कोरिन्‍थी 6:13

सुनानं थथे नं धायेफु – “नयेगु प्‍वाःयागु लागि खः, अले प्‍वाः नयेगु लागि खः।” थ्‍व ला खः, अय्‌नं थ्‍व नितां परमेश्‍वरं मदय्‌का छ्वयादी। मनूयागु म्‍ह व्‍यभिचार याना जुइत मखु, बरु प्रभुयात तःधंकेत खः। उकिं म्‍हयात माःगु फुक्‍कं प्रभुं बियादी।

१ कोरिन्‍थी 7:28

तर ब्‍याहा यात धकाः छिमित पाप लाइ मखु। ब्‍याहा मजूनिम्‍ह मिसां ब्‍याहा यात धाःसा वयात पाप लाइ मखु। ब्‍याहा यानाच्‍वना च्‍वंपिं मनूतय्‌त जुयाच्‍वंगु दुःखकष्‍ट छिमित मजुइमा धकाः जिं थ्‍व खँ च्‍वयाच्‍वनागु खः।

१ कोरिन्‍थी 8:8

नसां झीत परमेश्‍वरयाथाय् थ्‍यंकी मखु। नसा नल धकाः झी तःधनी मखु, अले मनल धकाः चिधनी नं मखु।

कलस्‍सी 2:16

उकिं आः सुनानं नयेत्‍वनेगु खँय्, नखःचखः मानय् यायेगु खँय्, अले अमै, पुन्‍हि व विश्रामबार मानय् यायेगु ला कि मयायेगु धयागु खँय् नियम दय्‌के मते।

कलस्‍सी 3:17

छिमिसं न्‍ह्यागु याःसां, न्‍ह्यागु धाःसां प्रभु येशूयागु नामं या, अले वय्‌कःया नामं परमेश्‍वर बाःयात सुभाय् ब्‍यु।

१ तिमोथी 2:4

फुक्‍क मनूतय्‌सं मुक्ति काये फयेमा व सत्‍यगु खँयात बांलाक सीकाकाये फयेमा धयागु वय्‌कःया इच्‍छा खः।

१ तिमोथी 4:4

वय्‌कलं दय्‌कादीगु मभिंगु छुं नं मदु। उकिं वय्‌कःयात सुभाय् बियाः न्‍ह्यागुं नये ज्‍यू।

१ तिमोथी 5:14

अय्‌जूगुलिं भाःत मदय्‌ धुंकूपिं ल्‍यासेपिं मिसातय्‌सं ब्‍याहा यायेगु हे भिं जू। थुपिं मचाखाचा दय्‌काः छेँ बांलाक कःघाना च्‍वनीपिं जुइमाः। अथे जूसा झी शत्रुतय्‌सं नं धायेथाय् दइ मखु।

हिब्रू 13:4

ब्‍याहायात सकसिनं तःधंकेमाः। निम्‍हतिपूया दथुइ थःथवय् विश्‍वास दयेमाः, छाय्‌धाःसा व्‍यभिचार याइपिन्‍त व ब्‍याहा याये धुंकाः नं मेपिं नाप जुयाः स्‍यनिपिन्‍त परमेश्‍वरं न्‍याय यानादी।

हिब्रू 13:9

थीथी कथंया अजू चायापुगु स्‍यनातःगु खं छिमित मखुगु लँय् यंके मफयेमा। नयेत्‍वनेगुलिं मखु, बरु परमेश्‍वरयागु दया मायां थःगु मनयात बल्‍लाकि, छाय्‌धाःसा नयेत्‍वनेगुलिइ जक जुयाच्‍वंपिन्‍त गुब्‍सं भिं जूगु मदु।

१ शमूएल 9:13

आराधना याइगु थासय् वय्‌कः भ्‍वय् नःवने न्‍ह्यः हे छिकपिन्‍सं वय्‌कःयात शहरय् दुहां वयाच्‍वंबलय् हे नापलाइ। वय्‌कः अन झायाः छायेहःगु बलिइ सुवाः मब्‍युतले मनूतय्‌सं भ्‍वय् नइ मखु। अथे जुयाः याकनं झासँ वय्‌कःयात नापलानादिसँ।”