१ तिमोथी 4:15 - नेवाः बाइबल

¹⁵ दुनुगलंनिसें छं थ्‍व ज्‍या बांलाक याना च्‍वँ। अले छंगु ज्‍या मेपिन्‍सं नं खनी।

१ तिमोथी 4:15 ပူးပေါင်းရင်းမြစ်များ

भजनसंग्रहया सफू 1:2

बरु व परमप्रभुया व्‍यवस्‍थाय् हे लय्‌तायाच्‍वनी। चान्‍हि वय्‌कःयागु हे व्‍यवस्‍थाय् ध्‍यान यानाच्‍वनी।

भजनसंग्रहया सफू 104:34

जिं ध्‍यान यानागु वय्‌कलं यय्‌कादीमा, छाय्‌धाःसा जिगु लसता वय्‌कःयापाखें वइ।

भजनसंग्रहया सफू 105:5

अय्, वय्‌कःया दास अब्राहामया सन्‍तान, अय्, वय्‌कलं ल्‍ययादीम्‍ह याकूबया सन्‍तान, वय्‌कलं यानादीगु अजू चायापुगु ज्‍या लुमंकि, वय्‌कःया अजू चायापुगु ज्‍या व वय्‌कलं न्‍यंकादीगु फैसलायात लुमंकि।

भजनसंग्रहया सफू 119:148

छिगु बचनय् ध्‍यान यायेत चच्‍छि हे जि मद्यंसे च्‍वनेगु।

भजनसंग्रहया सफू 119:15

छिगु उपदेशय् जिं ध्‍यान याये, अले छिं स्‍यनादीगु खँय् बिचाः याये।

भजनसंग्रहया सफू 119:23

शासकतनापं च्‍वनाः जिगु बारे मखुगु खँ ल्‍हाःसां जिं छिगु व्‍यवस्‍थाय् ध्‍यान याये।

भजनसंग्रहया सफू 119:48

जिं थःम्‍हं माया यानागु छिगु आज्ञापाखे थःगु ल्‍हाः ल्‍ह्वने, अले छिगु व्‍यवस्‍थाय् ध्‍यान याये।

भजनसंग्रहया सफू 119:97

छिगु स्‍यनातःगु खँयात जिं गुलि माया याना! न्‍हिच्‍छि हे जिगु ध्‍यान उकी हे वनाच्‍वनी।

भजनसंग्रहया सफू 119:99

जिमि गुरुत स्‍वयाः यक्‍व जिं थु, छाय्‌धाःसा जिं छिगु नियमय् ध्‍यान बिया।

भजनसंग्रहया सफू 143:5

अले जिं वने धुंकूगु खँ लुमंके। जिं छिगु ज्‍याया बारे ध्‍यान याये। अले छिगु ल्‍हातं याःगु ज्‍याया बारे बिचाः याये।

भजनसंग्रहया सफू 19:14

हे परमप्रभु! जितः बचय् यानादीम्‍ह, जितः शरण बीम्‍ह! जिगु म्‍हुतुं पिहांवइगु खँग्‍वः व जिगु नुगःया प्रार्थना छितः ययेमा!

भजनसंग्रहया सफू 49:3

जिगु म्‍हुतुं बुद्धियागु खँ पिहां वइ, अले जिगु बिचाः ज्ञानं जाः।

भजनसंग्रहया सफू 63:6

जिं लासाय् नं छितः लुमंके। चच्‍छिं जिं छिगु ध्‍यान यानाच्‍वने।

भजनसंग्रहया सफू 77:12

जिं व फुक्‍क खँय् बिचाः याये। जिं छिं यानादीगु अजू चायापुगु ज्‍यायात ल्‍वःमंके मफु।

गन्‍ती 8:26

इमिसं नापलायेगु पालया ज्‍याय् थः दाजुकिजापिन्‍त ग्‍वाहालि बी फु, अय्‌नं छुं कथंयागु ज्‍या थःपिन्‍सं मयायेमा। अथे जुयाः लेवीतय्‌सं यायेमाःगु ज्‍याया बारे छं इमित थथे हे या।”

मत्ती 5:16

छिपिं नं मनूतय्‌गु न्‍ह्यःने थथे हे थिनाच्‍वने फयेमाः। अले जक छिमिसं याःगु बाबांलाःगु ज्‍याखँ मनूतय्‌सं खनी, अले स्‍वर्गय् च्‍वनादीम्‍ह परमेश्‍वर बाःयात इमिसं तःधंकी।

प्रेरित 6:4

जिपिं जक प्रार्थनाय् व परमेश्‍वरयागु वचन न्‍यंकेगु ज्‍याय् जुयाच्‍वने।”

१ कोरिन्‍थी 16:15

स्‍तिफनसया छेँयापिन्‍त ला छिमिसं म्‍ह सि हे स्‍यू। अखैयाय् दकलय् न्‍हापालाक विश्‍वासी जूपिं इपिं हे खः। इमिसं परमेश्‍वरया मनूतय्‌गु निंतिं थःत हे पानाच्‍वंगु दु।

२ कोरिन्‍थी 4:14

सीम्‍ह प्रभु येशूयात म्‍वाकादीम्‍ह परमेश्‍वरं हे येशूनापं जिमित नं म्‍वाकादी। अले जिमित नं छिमित नं परमेश्‍वरं थःनाप तयादी।

२ कोरिन्‍थी 8:5

जिमिसं मतिइ तयागु स्‍वयाः नं इमिसं यक्‍व हे ग्‍वाहालि यात। न्‍हापां इमिसं थःत हे प्रभुयात देछाल, अले परमेश्‍वरया इच्‍छा कथं इमिसं थःत जिमिगु ल्‍हातय् लःल्‍हाना बिल।

१ तिमोथी 4:14

थकालिपिन्‍सं छन्‍त छेनय् ल्‍हाः तयाः न्‍हापां हे क्‍वःछिनातःगु वरदानयात सितिं छ्वये मते।

१ तिमोथी 4:16

थःगु खँय् व थःम्‍हं स्‍यनागु खँय् बांलाक बिचाः या। थथे याःसा छन्‍त नं छंगु खँ न्‍यंपिन्‍त नं मुक्ति दइ।

१ तिमोथी 4:6

फुक्‍क दाजुकिजापिन्‍त थ्‍व खँ थुइकाबिल धाःसा छ येशू ख्रीष्‍टया भिंम्‍ह च्‍यः जुइ। अले थुकिं हे विश्‍वासयागु वचन व छं मानय् यानाच्‍वंगु खँय् छ गुलि तक बल्‍लानाच्‍वंगु दु धकाः सी दइ।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

यहोशू 1:8

व्‍यवस्‍थाया थ्‍व सफू छंगु म्‍हुतुं चिलामवनेमाः। चान्‍हि उकी ध्‍यान ब्‍यु! अले उकी च्‍वयातःगु फुक्‍क खँ बांलाक मानय् या। अले छंगु भिं जुइ अले छ ताःलाइ।