१ तिमोथी 4:13 - नेवाः बाइबल

¹³ जि मवतले मनूतय्‌त धर्मशास्‍त्रं ब्‍वनेगु, स्‍यनेगु व न्‍वायेगु याना च्‍वँ।

१ तिमोथी 4:13 ပူးပေါင်းရင်းမြစ်များ

यूहन्‍ना 5:39

“अनन्‍त जीवन दइ धकाः छिमिसं धर्मशास्‍त्र ब्‍वना जुइ। व हे धर्मशास्‍त्रं जिगु साक्षी बी,

प्रेरित 17:11

अन च्‍वंपिं मनूत थेसलोनिकेय् च्‍वंपिं मनूत स्‍वयाः गुलिखय् भिं। इमिसं परमेश्‍वरयागु वचन यइपुक न्‍यन। पावलं धाःगु खँ पाय्‌छि जू ला कि मजू धकाः इमिसं न्‍हिथं धर्मशास्‍त्र पुइकाः स्‍वयेगु यात।

प्रेरित 6:4

जिपिं जक प्रार्थनाय् व परमेश्‍वरयागु वचन न्‍यंकेगु ज्‍याय् जुयाच्‍वने।”

रोमी 12:8

अर्ती बीगु वरदान दःसा अर्ती बीगु हे यायेमाः। बीगु वरदान दःसा दुनुगलंनिसें बीगु यायेमाः। नायः जुइगु वरदान दःसा बुद्धि पुरय् यानाः यायेमाः। कर्पिन्‍त दया माया यायेगु वरदान दःसा लय्‌तायाः या।

१ कोरिन्‍थी 14:26

यःपिं दाजुकिजापिं, जिगु धापू छिमिसं थुल ला? छिपिं फुक्‍कं छथाय् मुनाः परमेश्‍वरयात सेवा यायेबलय् छम्‍हय्‌सिनं भजन यायेगु, छम्‍हय्‌सिनं स्‍यनेगु, छम्‍हय्‌सिनं परमेश्‍वरं क्‍यनादीगु खँ न्‍यंकेगु, छम्‍हय्‌सिनं थीथी भाषां नवायेगु, अले छम्‍हय्‌सिनं थथे थीथी भाषां नवाःगु थुइकाबीगु यायेमाः। थ्‍व फुक्‍क ज्‍यां मण्‍डलीयात भिंकिगु जुइमाः।

१ कोरिन्‍थी 14:3

अगमवाणी कनीम्‍हय्‌सिनं ला मनूत नाप हे खँ ल्‍हाइ, अले थुकिं मनूतय्‌त ग्‍वाहालि, साहस व शान्‍ति बी।

१ कोरिन्‍थी 14:6

अय्‌जूगुलिं यःपिं दाजुकिजापिं, छिमिथाय् वयाः जिं थीथी भाषां नवाःसा छिमित छु ज्‍यालगय् जुइ? थीथी भाषां नवायेगु स्‍वयाः परमेश्‍वरं जितः क्‍यनादीगु खँ, ज्ञानयागु खँ, अगमवाणी, अले शिक्षा न्‍यंकुसा हे जक छिमित ज्‍यालगय् जुइ।

व्‍यवस्‍था 17:19

थ्‍व वयाके दयेमाः, वं परमप्रभु थः परमेश्‍वरया ग्‍याःभय कायेत अले थ्‍व नियमया खँ व थुपिं विधि बांलाक मानय् यायेगु सय्‌केत थुकियात जिवंकाछि ब्‍वनेगु यायेमाः।

१ तिमोथी 4:16

थःगु खँय् व थःम्‍हं स्‍यनागु खँय् बांलाक बिचाः या। थथे याःसा छन्‍त नं छंगु खँ न्‍यंपिन्‍त नं मुक्ति दइ।

१ तिमोथी 4:6

फुक्‍क दाजुकिजापिन्‍त थ्‍व खँ थुइकाबिल धाःसा छ येशू ख्रीष्‍टया भिंम्‍ह च्‍यः जुइ। अले थुकिं हे विश्‍वासयागु वचन व छं मानय् यानाच्‍वंगु खँय् छ गुलि तक बल्‍लानाच्‍वंगु दु धकाः सी दइ।

२ तिमोथी 3:15

मचांनिसें हे छं धर्मशास्‍त्रयागु खँ सीकातःगु दु। थुकिं हे छन्‍त ख्रीष्‍ट येशूयात विश्‍वास यानाः दइगु मुक्तियागु खँ थुइके फय्‌का बी।

२ तिमोथी 4:2

परमेश्‍वरयागु वचन न्‍यंकि। भिंगु इलय् नं मभिंगु इलय् नं न्‍यंकि, न्‍ह्यागु जूसां सह यानाः मनूतय्‌त इमिगु दोष क्‍यनाः स्‍यनेकने या, ब्‍वःब्‍यु, अले साहस नं ब्‍यु।

तीतस 2:15

छं थ्‍व फुक्‍कं न्‍यंकाब्‍यु। ब्‍वःबी माःसां साहस बी माःसां छं स्‍वयाः या। अले छन्‍त सुनानं हेपय् याये फइ मखु।

यहोशू 1:8

व्‍यवस्‍थाया थ्‍व सफू छंगु म्‍हुतुं चिलामवनेमाः। चान्‍हि उकी ध्‍यान ब्‍यु! अले उकी च्‍वयातःगु फुक्‍क खँ बांलाक मानय् या। अले छंगु भिं जुइ अले छ ताःलाइ।