१ तिमोथी 4:10 - नेवाः बाइबल

¹⁰ अय्‌जूगुलिं हे झीसं म्‍वाःम्‍ह परमेश्‍वरयाके आशा यानाः थथे दुःखकष्‍ट सियाः ज्‍या यानाच्‍वनागु खः। फुक्‍क मनूतय्‌त मुक्ति बीम्‍ह, अप्‍वः यानाः वय्‌कःयात विश्‍वास याःपिन्‍त मुक्ति बीम्‍ह थ्‍व हे परमेश्‍वर खः।

१ तिमोथी 4:10 ပူးပေါင်းရင်းမြစ်များ

भजनसंग्रहया सफू 107:2

परमप्रभुं बचय् यानादीपिन्‍सं थथे धायेमा, परमप्रभुं छिमित थः शत्रुतय्‌गु ल्‍हातं त्‍वःतकादिल।

भजनसंग्रहया सफू 118:8

मनूतय्‌त भरोसा यायेगु स्‍वयाः परमप्रभुयागु शरण कायेगु बांलाः।

भजनसंग्रहया सफू 36:6

छि धर्मीम्‍ह खः धयागु खँ पहाड थें धिसिलाः, छिगु न्‍याय समुद्र थें तःजाः। छिं मनू व पशुतय्‌गु बिचाः यानादी।

भजनसंग्रहया सफू 37:40

परमप्रभुं इमित ग्‍वाहालि यानादी अले बचय् यानादी, वय्‌कलं इमित मभिंपिं मनूतय्‌पाखें बचय् यानातयादी, छाय्‌धाःसा इपिं वय्‌कःया शरणय् वइ।

भजनसंग्रहया सफू 52:8

जि ला परमेश्‍वरया छेँय् च्‍वंगु जैतूनया सिमा थें खः। परमेश्‍वरयागु दया मायाय् न्‍ह्याबलें विश्‍वास याना।

भजनसंग्रहया सफू 84:12

दक्‍व शक्ति दुम्‍ह परमप्रभु! धन्‍य खः छितः भरोसा याःपिं मनूत।

यशैया 12:2

परमेश्‍वर धात्‍थें जितः उद्धार याइम्‍ह खः, जिं वय्‌कःयात विश्‍वास याये अले जि छति नं ग्‍याये मखु। परमप्रभु जिगु शक्ति व भजन खः, वय्‌कः हे जिगु निंतिं छुत्‍कारा बीम्‍ह जुयादीगु दु।”

यशैया 50:10

छिपिं मध्‍ये सुनां परमप्रभुया भय काइ, अले वय्‌कःया दासया खँ मानय् याइ? जः मदय्‌क खिउँथाय् जुइपिं, परमप्रभुया नामय् भलसा ति अले थः परमेश्‍वरयाके हे भलसा या।

यर्मिया 17:7

“धन्‍य खः व मनू, गुम्‍हय्‌सिनं परमप्रभुयागु भलसा काइ, गुम्‍हय्‌सिगु आशा परमप्रभु खः।

दानिएल 3:28

जुजुं धाल, “शद्रक, मेशक व अबेद्‌नगोया परमेश्‍वरया प्रशंसा जुइमा। थःत विश्‍वास याइपिं व थःगु सेवा याइपिं थुपिं स्‍वम्‍ह मनूतय्‌त बचय् यायेत वय्‌कलं थः स्‍वर्गदूतयात छ्वयाहयादिल। इमिसं जिगु खँ मन्‍यं, थः परमेश्‍वरयात त्‍वःताः मेपिं द्यःतय्‌त पुजा यायेगु स्‍वयाः थः सिनावनेत तयार जुल।

नहूम 1:7

परमप्रभु भिंम्‍ह खः, दुःखया इलय् वय्‌कः शरण कायेगु थाय् खः। वय्‌कःयाके भलसा तइपिन्‍त वय्‌कलं सुसाकुसा यानादी।

मत्ती 16:16

सिमोन पत्रुसं लिसः बिल – “छि म्‍वाःम्‍ह परमेश्‍वरया काय्, मुक्ति बीम्‍ह ख्रीष्‍ट खः।”

मत्ती 27:43

थ्‍वं परमेश्‍वरयात विश्‍वास यानाः – ‘जि परमेश्‍वरया काय् खः’ धयाजुल। थ्‍व खनाः परमेश्‍वर धात्‍थें हे लय्‌ताः धयागु जूसा वय्‌कलं हे थ्‍वयात बचय् यानादी।”

यूहन्‍ना 1:29

कन्‍हय् खुन्‍हु यूहन्‍नां थःथाय् येशू झायाच्‍वंगु खनाः धाल – “संसारयागु पाप क्षमा यानादीम्‍ह परमेश्‍वरया चीधिकःम्‍ह भ्‍याःचा वय्‌कः हे खः।

यूहन्‍ना 4:42

इमिसं व मिसायात धाल – “आः छं धाःगुलिं जक जिमिसं विश्‍वास यानागु मखु, बरु जिमिसं हे वय्‌कःयागु खँ न्‍यनाः विश्‍वास यानागु खः। जिमिसं वय्‌कः हे संसारयाम्‍ह मुक्तिदाता खः धकाः सीके धुन।”

यूहन्‍ना 5:24

“जिं छिमित खःगु खँ धाये – जिगु खँ न्‍यनाः जितः छ्वया हःम्‍हय्‌सित सुनां विश्‍वास याइ, वयात अनन्‍त जीवन दइ। थज्‍याःम्‍ह मनूयागु न्‍याय जुइ मखु, बरु सीम्‍वाय्‌क अनन्‍त जीवन दये धुंकी।”

१ कोरिन्‍थी 15:10

अथेसां परमेश्‍वरं जितः दया माया यानादीगुलिं जि थथे जुइ खन। वय्‌कलं जितः दया माया यानादीगु नं ला जिं सितिं मछ्वया। फुक्‍क प्रेरिततय्‌सं स्‍वयाः नं जिं यक्‍व दुःख सियाः ज्‍या यानाच्‍वनागु दु। जिं हे जक ला थथे ज्‍या यानाच्‍वनागु मखु, बरु जितः ज्‍या याकातःगु ला परमेश्‍वरयागु दया मायां खः।

२ कोरिन्‍थी 1:10

अथे सी हे धुंकूपिं जिमित परमेश्‍वरं बचय् यानादिल, थथे हे लिपा तक नं बचय् यानातयादी। वय्‌कलं हानं हानं जिमित बचय् यानातयादी धकाः वय्‌कःयाके जिमिसं आशा तयाच्‍वना।

१ तिमोथी 2:3

झीत मुक्ति बियादीम्‍ह परमेश्‍वरयात थथे याइगु यः। अले थ्‍व भिंगु ज्‍या नं खः।

१ तिमोथी 2:4

फुक्‍क मनूतय्‌सं मुक्ति काये फयेमा व सत्‍यगु खँयात बांलाक सीकाकाये फयेमा धयागु वय्‌कःया इच्‍छा खः।

१ तिमोथी 2:6

वय्‌कः फुक्‍क मनूतय्‌गु पलेसाय् सिनादिल। न्‍हापांनिसें हे क्‍वःछिना तःकथं वय्‌कः पाय्‌छि इलय् सिनादिल।

१ तिमोथी 3:15

अय्‌नं छुं जुयाः जि वये लिबात धाःसा परमेश्‍वरयागु छेँय् झीसं गय् यानाः च्‍वनेमाः धकाः थ्‍व हे पौपाखें सीकाति। परमेश्‍वरयागु छेँ धयागु हे मण्‍डली खः। अले थ्‍व सत्‍ययागु थां व किल्‍ला नं खः।

१ तिमोथी 6:17

थ्‍व संसारय् च्‍वंपिं तःमि धाय्‌का च्‍वंपिन्‍त अप्‍वः तःधंछुया जुइ मते धकाः धयाब्‍यु। इमिगु धनसम्‍पत्ति सदां दयाच्‍वनी मखु। उकिं इमित धनसम्‍पत्तिइ मखु, बरु झीत फुक्‍कं बियादीम्‍ह परमेश्‍वरयाके भरोसा तया च्‍वँ धकाः धयाब्‍यु।

हिब्रू 11:26

मिश्रयागु दक्‍व सम्‍पत्ति स्‍वयाः मुक्ति बीम्‍ह ख्रीष्‍टया निंतिं हेला याका जुइगु हे वं तःधं ताय्‌कल, छाय्‌धाःसा व परमेश्‍वरं बीगु सिरपाः कायेत पियाच्‍वंम्‍ह खः।

हिब्रू 13:13

अय्‌जूगुलिं झीपिं नं वय्‌कःया निंतिं हेला फयाः ध्‍वाखां पिने वय्‌कःयाथाय् वनेनु।

१ पत्रुस 1:21

वय्‌कलं यानाः हे छिमिसं परमेश्‍वरयाके भरोसा तये फत। स्‍याये धुंकूम्‍हय्‌सित परमेश्‍वरं म्‍वाकाः तःधंकादिल। थथे यानादीगुलिं हे छिमिगु विश्‍वास व आशा परमेश्‍वरयाके दयाच्‍वंगु खः।

१ यूहन्‍ना 2:2

झीगु पापयागु निंतिं जक मखु, संसारय् च्‍वंपिं फुक्‍क मनूतय्‌गु पापया निंतिं वय्‌कः बलिदान जुयादीगु खः।

१ यूहन्‍ना 4:14

थ्‍व संसारयापिं मनूतय्‌त मुक्ति बीत परमेश्‍वर बाःनं थःकाय्‌यात छ्वयाहयादीगु जिमिसं खना। थ्‍व हे खँ जिमिसं कनावयाच्‍वनागु खः।