१ तिमोथी 3:8 - नेवाः बाइबल

⁸ ग्‍वाहालि याइपिं नं अथे हे भिंपिं व दुग्‍यंपिं जुइमाः। इपिं निता खँ मल्‍हाइपिं, अय्‌लाखं काय्‌का जुइ मखुपिं, अले धिबायागु लोभ मयाइपिं जुइमाः।

१ तिमोथी 3:8 ပူးပေါင်းရင်းမြစ်များ

भजनसंग्रहया सफू 12:2

सकसिनं थःथवय् मखुगु खँ ल्‍हानाजुइगु, म्‍हुतु जक पिचुकाः थवंथवय् झंगः लानाजुइगु।

भजनसंग्रहया सफू 5:9

इमिगु म्‍हुतुइ खःगु खँ धयागु हे मदु। इमिगु नुगलय् स्‍यंकेगु खँ जक दु। इमिगु कथुप्‍वाः चालाच्‍वंगु चिहान थें खः इमिगु में च्‍वछायाः जक खँ ल्‍हाना जुइ।

भजनसंग्रहया सफू 50:19

छ मभिंगु खँ ल्‍हायेत न्‍ह्याबलें न्‍ह्यज्‍याः। अले मखुगु खँ ल्‍हायेत छ भचा नं मछाः मजू।

भजनसंग्रहया सफू 52:2

न्‍हिच्‍छिं छं स्‍यंकेत ग्‍वसाः ग्‍वया जुइगु, छंगु मे ला ज्‍वःगु छुरि थें च्‍वं, छं मखुगु खँ ल्‍हायेगुलिइ तसकं जाः।

इजकिएल 44:21

दुनेया चुकय् वनीबलय् सुं नं पुजाहारीं दाखमद्य त्‍वने मज्‍यू।

लेवी 10:9

“नापलायेगु पालय् वनेबलय् छ व छिमि काय्‌पिन्‍सं दाखमद्य वा थ्‍वँ त्‍वनाः वने मते, मखुसा छिपिं सी। थ्‍व छिमि पुस्‍तौं पुस्‍तातय्‌गु निंतिं न्‍ह्याबलेंया नियम खः।

रोमी 3:13

इमिगु कथुप्‍वाः दिपया लुखा थें चाः। इमिसं नवाइगु बिख दुम्‍ह सर्पं न्‍याःगु थें खः, इमिगु म्‍हुतुसि सर्पयागु बिख दइ।

फिलिप्‍पी 1:1

ख्रीष्‍ट येशूया च्‍यःत पावल व तिमोथीयापाखें फिलिप्‍पीइ च्‍वंपिं ख्रीष्‍ट येशूयात विश्‍वास यानाच्‍वंपिं, मण्‍डलीइ हेरचाह याइपिं व ग्‍वाहालि याइपिं सकसितं ज्‍वजलपा!

१ तिमोथी 3:12

थथे ग्‍वाहालि याइम्‍ह नं छम्‍ह हे मिसालिसे ब्‍याहा याःम्‍ह जुइमाः। अले व नं थः मस्‍तय्‌त कजय् याये फुम्‍ह व छेँ कःघाये फुम्‍ह जुइमाः।

१ तिमोथी 3:2

बिशप जुइम्‍ह मनू छुं हे दोष मदुम्‍ह, छम्‍ह हे जक मिसालिसे ब्‍याहा याःम्‍ह, थातं च्‍वने फुम्‍ह, थःत थःम्‍हं कःघाये फुम्‍ह, चालचलन बांलाःम्‍ह, पाहां वःपिन्‍त दुनुगलंनिसें दुकाइम्‍ह, बांलाक स्‍यनेकने याये फुम्‍ह,

१ तिमोथी 3:3

अय्‌लाखं काय्‌का मजुइम्‍ह, ल्‍वाना मजुइम्‍ह, भिंम्‍ह, हाला जुइ मखुम्‍ह, धिबायागु लोभ मदुम्‍ह,

१ तिमोथी 5:23

न्‍हापा थें लः जक त्‍वने मते। थःगु प्‍वाःयागु निंतिं उसाँय् मदुगुया निंतिं भचा भचा दाखमद्य नं त्‍वनेगु या।

तीतस 1:7

थकालि परमेश्‍वरया ज्‍या याइम्‍ह मनू खः। उकिं थकालि छुं हे दोष मदुम्‍ह जुइमाः। अले हानं थः यःथें यानाजुइम्‍ह, याकनं तंम्‍वइम्‍ह, अय्‌लाः थ्‍वँ त्‍वना जुइम्‍ह, ल्‍वाना जुइम्‍ह, लोभीम्‍ह नं जुइ मज्‍यू।

तीतस 2:3

अथे हे बुरीतय्‌त नं परमेश्‍वरयात मानय् याना च्‍वँ, मेपिन्‍त मभिंकाः खँ ल्‍हाना जुइ मते, अय्‌लाः थ्‍वँ त्‍वनाजुइ मते, बरु दुग्‍यंगु खँ स्‍यनेकने या धकाः स्‍यना ब्‍यु।

याकूब 3:10

व हे छप्‍वाः म्‍हुतुं सुवाः नं बीगु, अले सराः नं बीगु याइ। यःपिं दाजुकिजापिं, थथे छता याये मते।

१ पत्रुस 5:2

अथे जूगुलिं परमेश्‍वरया फैचातय्‌त छिमिसं बांलाक हेरबिचार याना च्‍वँ। करं क्‍यनाः जक थ्‍व ज्‍या याये मते, छाय्‌धाःसा छिमिसं करं ज्‍या याःगु परमेश्‍वरयात मयः। अले हानं धिबायागु निंतिं जक नं थ्‍व ज्‍या याये मते। दुनुगलंनिसें हे प्रभुयात सेवा यायेगु मतिइ दुसा जक या।