१ तिमोथी 3:15 - नेवाः बाइबल

¹⁵ अय्‌नं छुं जुयाः जि वये लिबात धाःसा परमेश्‍वरयागु छेँय् झीसं गय् यानाः च्‍वनेमाः धकाः थ्‍व हे पौपाखें सीकाति। परमेश्‍वरयागु छेँ धयागु हे मण्‍डली खः। अले थ्‍व सत्‍ययागु थां व किल्‍ला नं खः।

१ तिमोथी 3:15 ပူးပေါင်းရင်းမြစ်များ

१ राजा 2:2

“पृथ्‍वीयागु रीति थें जि सीगु ई जुल। उकिं छं थःत बल्‍लाका मिजंम्‍ह मनू जुयाः क्‍यँ।

१ राजा 2:4

छं थथे यात धाःसा परमप्रभुं थथे धयाः जितः बियादीगु बचं पूवंकादी, ‘छं सन्‍तान पहःचहलय् होश याना जुल धाःसा अले जिगु न्‍ह्यःने दुनुगलंनिसें व फुक्‍क प्राणंनिसें विश्‍वास याये बहःम्‍ह जुयाजुल धाःसा छंगु परिवारय् इस्राएलया सिंहासनय् च्‍वनेत छम्‍ह न्‍ह्याबलें दया हे च्‍वनी।’

२ राजा 19:4

अश्‍शूरयाम्‍ह जुजुं म्‍वाःम्‍ह परमेश्‍वरयात हेस्‍यायेत थः छम्‍ह सेनापति छ्वयाहःगु दु। परमप्रभु छिकपिनि परमेश्‍वरं वं धाःगु फुक्‍क खँ न्‍यनादीमा अले न्‍यनादीगु खँया लागि वयात सजाँय बियादीमा। उकिं झी गुलि मनूत म्‍वानाच्‍वंगु दु, इमिगु निंतिं प्रार्थना यानाब्‍यु।”

१ इतिहास 22:13

छं परमप्रभुं मोशापाखें इस्राएलयात बियादीगु विधि व नियम बांलाक मानय् यात धाःसा छ ताःलाइ। साहसी व बल्‍लाः जु। ग्‍याये मते वा नुगः क्‍वतुंके मते।

भजनसंग्रहया सफू 42:2

जि परमेश्‍वरया निंतिं, म्‍वाःम्‍ह परमेश्‍वरया निंतिं प्‍याःचायागु दु। जि गुबलय् वनाः परमेश्‍वरयात नाप लाये दइ?

भजनसंग्रहया सफू 84:2

जितः परमप्रभुया चुकय् दुहां वने यः, जितः परमप्रभुया देगलय् च्‍वने मास्‍ति वः। दुनुगलंनिसें जिं म्‍वाःम्‍ह परमेश्‍वरया लागि लय्‌तातां म्‍ये हाले।

यर्मिया 1:18

अय् यर्मिया, न्‍यँ! थ्‍व देशयापिं फुक्‍क यहूदाया जुजु, भारदार, पुजाहारी व मनूत छंगु विरोधय् दनी। तर थौं इमिगु सामना यायेगु शक्ति जिं छन्‍त बी। छचाःखेरं पःखाः दुगु शहर थें, नँयागु थां व कँय्‌या पःखाः थें जिं छन्‍त बल्‍लाकाबी।

यर्मिया 10:10

तर परमप्रभु ला सत्‍य परमेश्‍वर खः, वय्‌कः ला, म्‍वाःम्‍ह परमेश्‍वर व सदांयाम्‍ह जुजु खः। वय्‌कः तंचायादीबलय् पृथ्‍वी खाइ। जाति जातितय्‌सं वय्‌कःया तं सह याये फइ मखु।

यर्मिया 23:36

तर ‘परमप्रभुया अगमवाणी धकाः’ छिमिसं गुबलें अगमवाणी पिकाये मज्‍यू थुकिं यानाः छम्‍ह छम्‍ह मनूयागु थःगु अगमवाणी हे वयागु लागिं बोझ जुइ। थुकथं छिमिसं म्‍वाःम्‍ह परमेश्‍वर, दक्‍व शक्ति दुम्‍ह परमप्रभु झी परमेश्‍वरया अगमवाणीयात स्‍यंकाबी।

दानिएल 6:26

जिगु हुकुम थ्‍व हे खः। जिगु देशया अधिकार दुगु फुक्‍क थासय्‌यापिं मनूतय्‌सं दानिएलया परमेश्‍वरयागु भय कायेमाः अले वय्‌कःयात हनाबना यायेमाः। “छाय्‌धाःसा वय्‌कः म्‍वाःम्‍ह खः। वय्‌कः न्‍ह्याबलें दयाच्‍वनी। वय्‌कःया राज्‍य गुबलें स्‍यनावनी मखु। अले वय्‌कलं न्‍ह्याबलें राज्‍य यानादी।

होशे 1:10

“अथे जूसां इस्राएलीतय्‌गु ल्‍याः समुद्रया सिथय् च्‍वंगु फि थें जुइ, सुयात न नापय् याये फइ, न ल्‍याः खाये फइ। गन इमित थथे धाःगु खः, ‘छिपिं जिमि प्रजा मखु,’ अन इमित थथे धकाः धाइ, ‘छिपिं म्‍वाःम्‍ह परमेश्‍वरया सन्‍तान खः।’

मत्ती 16:16

सिमोन पत्रुसं लिसः बिल – “छि म्‍वाःम्‍ह परमेश्‍वरया काय्, मुक्ति बीम्‍ह ख्रीष्‍ट खः।”

मत्ती 18:18

“जिं छिमित खःगु खँ धाये – छिमिसं पृथ्‍वीइ पना तःगुयात स्‍वर्गय् नं पना तइ। अले छिमिसं पृथ्‍वीइ त्‍वःता तःगुयात स्‍वर्गय् नं त्‍वःता तइ।

यूहन्‍ना 1:17

व्‍यवस्‍था मोशायागुपाखें बियादिल, येशू ख्रीष्‍टयागुपाखें धाःसा परमेश्‍वरया दया माया व सत्‍य दत।

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

यूहन्‍ना 18:37

पिलातसं वय्‌कःयात धाल – “अय्‌सा छ जुजु हे खः ला?” वय्‌कलं धयादिल – “जि जुजु खः धकाः ला छिं हे धयादिल। थुकियागु निंतिं हे जि बूगु खः, अले सत्‍य म्‍हसीका बीत जि संसारय् वयागु खः। सत्‍ययात म्‍हस्‍यूपिं फुक्‍कसिनं जिगु खँ न्‍यनी।”

यूहन्‍ना 6:69

उकिं जिमिसं विश्‍वास यानाः परमेश्‍वरं छ्वयाहयादीम्‍ह पवित्रम्‍ह मनू छि हे खः धकाः नं सीके धुन।”

प्रेरित 1:2

वय्‌कलं ल्‍ययादीपिं प्रेरिततय्‌त पवित्र आत्‍मां आज्ञा बियादी धुंकाः स्‍वर्गय् झायादीगु खँ तक च्‍वयागु दु।

प्रेरित 14:15

“दाजुकिजापिं, छिकपिन्‍सं थ्‍व छु यानादियागु? जिपिं नं ला छिकपिं थें हे थ्‍व संसारयापिं मनूत खः नि। जिमिसं ला छिकपिन्‍त भिंगु खँ कनाः थथे म्‍वाःमदुगु ज्‍यां त्‍वःतकाः स्‍वर्ग, पृथ्‍वी, समुद्र व अन च्‍वंगु दक्‍व फुक्‍कं सृष्‍टि यानादीम्‍ह म्‍वाःम्‍ह परमेश्‍वरपाखे लिफः स्‍वकेत जक स्‍वयाच्‍वनागु खः।

रोमी 3:2

न्‍ह्याखें नं इमित फाइदाया फाइदा जक दु। दकलय् न्‍हापालाक यहूदीतय्‌त हे परमेश्‍वरयागु वचन लः ल्‍हानातःगु खः।

रोमी 9:26

अले “हानं थथे च्‍वयातःगु दु – ‘छिपिं थः मनूत मखु’ धकाः धयातःगु थासय् ‘म्‍वाःम्‍ह परमेश्‍वरया काय्‌पिं धकाः इमित धाइ।’”

१ कोरिन्‍थी 10:32

छिमिसं यानाः यहूदीतय्‌त, यहूदीमखुपिन्‍त अले परमेश्‍वरयागु मण्‍डलीयात पंगः वय्‌के मते।

१ कोरिन्‍थी 3:16

छिपिं परमेश्‍वरयागु देगः खः, उकिं पवित्र आत्‍मा छिमिके च्‍वनादी धकाः छिमिसं मस्‍यू ला?

२ कोरिन्‍थी 3:3

छिपिं ख्रीष्‍टं च्‍वयाहःगु पौ खः। अले जिमिगुपाखें छ्वयागु खः। थ्‍व मसिं च्‍वयातःगु पौ मखु, अले ल्‍वहंयागु ग्‍वरलय् च्‍वयातःगु पौ नं मखु। थ्‍व पौ ला मनूतय्‌गु नुगलय् म्‍वाःम्‍ह परमेश्‍वरयागु आत्‍मां च्‍वयातःगु पौ खः।

२ कोरिन्‍थी 6:16

परमेश्‍वरयागु देगःलिसे मूर्तियागु छु स्‍वापु? झीपिं हे म्‍वाःम्‍ह परमेश्‍वर च्‍वनीगु देगः खः। थथे ला परमेश्‍वरं हे धयादीगु दु – “जि इपिंनापं च्‍वने, अले इपिंनापं जुइ। जि इमि परमेश्‍वर जुइ अले इपिं जिमि मनूत जुइ।”

२ कोरिन्‍थी 6:7

जिमिसं विश्‍वास यानाः सत्‍य खँ न्‍यंका जुया, परमेश्‍वरया शक्तिं यानाः जिमिसं थथे याये फुगु खः। परमेश्‍वरयागु न्‍ह्यःने धर्मी ठहरय् जुइगु हे जिमिगु छगू जक ल्‍वायेगु नं पनेगु नं हतियार खः।

गलाती 2:9

मण्‍डलीया थां धयातःपिं याकूब, पत्रुस व यूहन्‍नां परमेश्‍वरं जितः थ्‍व ज्‍या बियादीगु खः धकाः सीकाः बारनाबासयात व जितः मण्‍डलीया जव ल्‍हाः यात। जिमिगु ज्‍या यहूदीमखुपिन्‍थाय् वनेगु, अले इमिगु ज्‍या यहूदीतय्‌थाय् वनेगु जुल।

गलाती 3:1

अय् मूर्ख गलातीत, छिमित सुनां स्‍यंकल? येशू ख्रीष्‍टयात क्रूसय् यख्‍खानाः स्‍याःगु खँ छिमिगु हे न्‍ह्यःने ध्‍वाथुइक कनागु मखु ला?

एफिसी 4:21

प्रभुयागु सः छिमिसं ताःगु हे दु। ख्रीष्‍टपाखें हे धात्‍थेंगु खँ छिमिसं सय्‌का काःगु दु।

व्‍यवस्‍था 31:23

परमप्रभुं नूनया काय् यहोशूयात थ्‍व आज्ञा बियादिल, “बल्‍ला व साहसी जु छाय्‌धाःसा जिं बी धकाः पाफयाः बचं बियागु देशय् छं हे इस्राएलीतय्‌त थ्‍यंकी। अले जि छनापं हे दइ।”

व्‍यवस्‍था 5:26

मिया दथुं म्‍वाःम्‍ह परमेश्‍वरं न्‍ववानादीगु न्‍यनाः नं झीपिं थें म्‍वाःपिं मेपिं व मसीपिं सु सीमाःपिं मनू दु?

कलस्‍सी 1:5

छिमिगु निंतिं स्‍वर्गय् तयादीगु आशाया निंतिं हे विश्‍वास व माया यानागु खः। अले सत्‍यगु वचन व भिंगु खँ न्‍यंकः वयाबलय् छिमिसं अनन्‍त जीवन दइ धयागु खँय् आशा याःगु दु।

१ थेसलोनिकी 1:9

जिपिं छिमिथाय् वयाबलय् छिमिसं जिमित गुकथं लसकुस यात अले धात्‍थेंयाम्‍ह व म्‍वाःम्‍ह परमेश्‍वरयात सेवा यायेत छिपिं गुकथं मूर्ति पुजा यायेगु त्‍वःताः परमेश्‍वरपाखे फहिला वल धयागु खँ फुक्‍कसिनं धयाच्‍वंगु दु।

१ तिमोथी 3:14

थ्‍व पौ च्‍वया च्‍वनाबलय् नं जिं याकनं हे छन्‍थाय् वयेगु मतिइ तयागु दु।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

१ तिमोथी 3:2

बिशप जुइम्‍ह मनू छुं हे दोष मदुम्‍ह, छम्‍ह हे जक मिसालिसे ब्‍याहा याःम्‍ह, थातं च्‍वने फुम्‍ह, थःत थःम्‍हं कःघाये फुम्‍ह, चालचलन बांलाःम्‍ह, पाहां वःपिन्‍त दुनुगलंनिसें दुकाइम्‍ह, बांलाक स्‍यनेकने याये फुम्‍ह,

१ तिमोथी 3:5

छाय्‌धाःसा थःगु छेँ हे बांलाक कःघाये मफुम्‍हय्‌सिनं गय् यानाः मण्‍डली कःघाइ?

१ तिमोथी 4:10

अय्‌जूगुलिं हे झीसं म्‍वाःम्‍ह परमेश्‍वरयाके आशा यानाः थथे दुःखकष्‍ट सियाः ज्‍या यानाच्‍वनागु खः। फुक्‍क मनूतय्‌त मुक्ति बीम्‍ह, अप्‍वः यानाः वय्‌कःयात विश्‍वास याःपिन्‍त मुक्ति बीम्‍ह थ्‍व हे परमेश्‍वर खः।

१ तिमोथी 6:16

वय्‌कः न्‍ह्याबलें दयाच्‍वनीम्‍ह, सुं हे वने फइ मखुगु जलय् च्‍वनीम्‍ह खः। वय्‌कःयात आः तक सुनानं खंगु मदुनि, अले खनी नं मखु। सदां दयाच्‍वनीगु शक्ति वय्‌कःयाके हे दयाच्‍वनेमा, अले वय्‌कः न्‍ह्याबलें तःधनेमा। आमेन।

२ तिमोथी 2:19

अय्‌नं परमेश्‍वरं स्‍वनादीगु जग गुबलें दुनावनी मखु। अले थ्‍व जगय् थथे च्‍वयातःगु दु – “प्रभुया मनूयात प्रभुं म्‍हस्‍यू।” अले “प्रभुयागु नां कयाः जूपिन्‍सं मभिंगु ज्‍या याये मज्‍यू।”

२ तिमोथी 2:20

ततःधंपिनिगु छेँय् लुँ, वहःयागु थलबल जक मखु, चायागु व सिँयागु थलबल नं दयाच्‍वनी। गुगुं थलबल भ्‍वय्‌बलय् जक छ्यली, गुगुं थलबल मेबलय् छ्यली।

हिब्रू 10:21

परमेश्‍वरया छेँय् झी छम्‍ह तःधंम्‍ह पुजाहारी दीगुलिं

हिब्रू 12:22

छिपिं ला म्‍वाःम्‍ह परमेश्‍वरयागु स्‍वर्गयागु शहर यरूशलेम, सियोन पर्वतय् वःगु दु। अन द्वलंद्वः स्‍वर्गदूतत लय्‌लय्‌तातां मुनाच्‍वंगु दु।

हिब्रू 3:12

यःपिं दाजुकिजापिं, होश‍ यानाच्‍वँ। छिपिं सुं नं म्‍वाःम्‍ह परमेश्‍वरयात त्‍वःताः विश्‍वास मयाइपिं व जिद्दी जूपिं जुइ मते।

हिब्रू 9:14

म्‍वाःम्‍ह परमेश्‍वरयागु सेवा यायेत ख्रीष्‍टयागु हिं झन गुलि जक झीगु नुगः यचुक हुया बीगु जुइ? ख्रीष्‍टं पवित्र आत्‍मां जायाः खू मदुम्‍ह बां जुयाः थःत हे परमेश्‍वरयात छायादिल।

यहोशू 3:10

थुकिं छिमिसं धात्‍थेंयाम्‍ह परमेश्‍वर छिमिगु दथुइ दी धकाः सी। वय्‌कलं धात्‍थें हे छिमिगु न्‍ह्यःनें कनानीत, हित्तीत, हिव्‍वीत, परिज्‍जीत, गिर्गाशीत, एमोरीत व यबूसीतय्‌त इमिगु देशं ख्‍यानाछ्‌वइ।

१ पत्रुस 2:5

अले छिपिं नं म्‍वाःगु ल्‍वहं जुयाः आत्‍मायागु छेँ दनेत ज्‍यालगय् जूपिं जुयाच्‍वँ। छिपिं परमेश्‍वरयात यःकथं येशू ख्रीष्‍टपाखें पवित्र आत्‍मां धाःथेंज्‍याःगु बलिदान बीपिं पुजाहारीत नं खः।

१ पत्रुस 4:17

परमेश्‍वरं याकनं न्‍याय यानादी। दकलय् न्‍हापा परमेश्‍वरया मनूतय्‌त न्‍याय यानादी। थथे न्‍हापा झीत हे न्‍याय यानादी धाःसा भिंगु खँ मन्‍यंपिन्‍त झन गज्‍याःगु न्‍याय यानादीगु जुइ?

प्रकाश 7:2

म्‍वाःम्‍ह परमेश्‍वरयागु छाप ज्‍वनाः सूर्य लुइगु थासं थाहां वयाच्‍वंम्‍ह छम्‍ह स्‍वर्गदूतयात जिं खना। अले वं समुद्र व पृथ्‍वीयात स्‍यंकेगु अधिकार बियातःपिं प्‍यम्‍ह स्‍वर्गदूततय्‌त तसकं हालाः थथे धाल।

१ शमूएल 17:26

दाऊदं थः लिक्‍कसं च्‍वंपिं मनूतय्‌के न्‍यन, “थ्‍व पलिश्‍तीयात स्‍याइम्‍हय्‌सित व इस्राएलीतय्‌गु थ्‍व बेइज्‍जतपाखें बचय् याइम्‍ह मनूयात छु दइ? म्‍वाःम्‍ह परमेश्‍वरयात मानय् मयाइम्‍ह म्‍हय् चिं मतःम्‍ह थ्‍व सु पलिश्‍ती खः?”

१ शमूएल 17:36

छपिनि दासं सिंह व भालू निम्‍हय्‌सित नं स्‍याये धुनागु दु। थ्‍व परमेश्‍वरयात मानय् मयाइम्‍ह म्‍हय् चिं मतःम्‍ह पलिश्‍तीयात नं अथे हे यानाः स्‍यानाबी। वं म्‍वाःम्‍ह परमेश्‍वरया सिपाइँतय्‌त क्‍वह्यंकूगु दु।