१ तिमोथी 3:14 - नेवाः बाइबल

¹⁴ थ्‍व पौ च्‍वया च्‍वनाबलय् नं जिं याकनं हे छन्‍थाय् वयेगु मतिइ तयागु दु।

१ तिमोथी 3:14 ပူးပေါင်းရင်းမြစ်များ

१ कोरिन्‍थी 11:34

सुं मनूया नयेपित्‍याइगु जूसा वं छेँय् हे न। थुकथं प्रभुयागु भ्‍वय् नयेबलय् छिपिं दोषी ठहरय् जुइ माली मखु। मेगु खँ धाःसा जिं आम्‍कन वयेबलय् हे मिलय् याये।

१ थेसलोनिकी 2:18

जिपिं छिमिथाय् वयेत स्‍वयाच्‍वनागु दु। जि पावल ला ग्‍वःकःमछि वयेत स्‍वये धुन। अय्‌नं शैतानं जिमित वय्‌के हे मबिल।

१ तिमोथी 3:13

बांलाक ज्‍या याइम्‍हय्‌सित फुक्‍कसिनं मानय् याइ। अले इमिसं येशू ख्रीष्‍टयात थःम्‍हं विश्‍वास यानागु खँ मेपिन्‍त नं मग्‍यासे धाये फइ।

१ तिमोथी 3:15

अय्‌नं छुं जुयाः जि वये लिबात धाःसा परमेश्‍वरयागु छेँय् झीसं गय् यानाः च्‍वनेमाः धकाः थ्‍व हे पौपाखें सीकाति। परमेश्‍वरयागु छेँ धयागु हे मण्‍डली खः। अले थ्‍व सत्‍ययागु थां व किल्‍ला नं खः।

१ तिमोथी 4:13

जि मवतले मनूतय्‌त धर्मशास्‍त्रं ब्‍वनेगु, स्‍यनेगु व न्‍वायेगु याना च्‍वँ।

फिलेमोन 1:22

मेगु छता खँ नं धाये – छिमिसं प्रार्थना यानाच्‍वंगुलिं जि हानं छिमिथाय् वये दइ ला धकाः आशा यानाच्‍वनागु दु। अय्‌जूगुलिं जितः क्‍वथा छकू स्‍वयाः तयाति।

हिब्रू 13:23

झी किजा तिमोथीयात त्‍वःता हःगु खँ जिं छिमित सीके बियाच्‍वना। व थन याकनं वल धाःसा जि वयात ब्‍वनाः आम्‍कन वये।

२ यूहन्‍ना 1:12

जिं छिमित च्‍वये माःगु खँ ला यक्‍व हे दु। तर मसी व भ्‍वंतं मखु। आम्‍कन हे वयाः धाये, अले झीपिं सकलें लय्‌ताय् खनी।

३ यूहन्‍ना 1:14

याकनं हे जि आम्‍कन वयेत स्‍वयाच्‍वनागु दु। अले जिं छन्‍त फुक्‍क खँ कने।