१ तिमोथी 3:13 - नेवाः बाइबल

¹³ बांलाक ज्‍या याइम्‍हय्‌सित फुक्‍कसिनं मानय् याइ। अले इमिसं येशू ख्रीष्‍टयात थःम्‍हं विश्‍वास यानागु खँ मेपिन्‍त नं मग्‍यासे धाये फइ।

१ तिमोथी 3:13 ပူးပေါင်းရင်းမြစ်များ

मत्ती 20:28

मनूया काय्‌नं सेवा याकेत मखु, बरु सेवा यायेत व यक्‍वसित मुक्ति बीत व सीत वःगु खः।”

मत्ती 25:21

“मालिकं वयात धाल – ‘स्‍याबास, छ भिंम्‍ह विश्‍वास याये बहःम्‍ह खः। चिधंगु खँय् हे छ विश्‍वास याये बहःम्‍ह जुल। उकिं जिं आः छन्‍त अज्‍जं यक्‍व खँय् जिम्‍मा बिया थके। छ नं जिनापं लय्‌ताया च्‍वँ।’

लूका 19:17

“अले वं वयात धाल – ‘स्‍याबास, छ तसकं भिंम्‍ह च्‍यः खः। थज्‍याःगु चिधंगु ज्‍याय् हे छ विश्‍वास याये बहःम्‍ह जूगुलिं छन्‍त झिगू शहरयाम्‍ह हाकिम यानाबी।’

प्रेरित 21:35

व त्‍वाथलय् थ्‍यंबलय् मनूतय्‌सं घ्‍वात्तुघ्‍वाःगुलिं वयात सिपाइँतय्‌सं ल्‍ह्वना यंकल।

प्रेरित 6:15

महासभायापिन्‍सं स्‍तिफनसयात तुंक स्‍वःबलय् वयागु ख्‍वाः स्‍वर्गदूतयागु ख्‍वाः थें थियाच्‍वंगु खन।

प्रेरित 6:5

थ्‍व खँ दक्‍वसितं यल। अले इमिसं पवित्र आत्‍मां व विश्‍वासं जाःपिं स्‍तिफनस, फिलिप, प्रखरस, निकनोर, तीमोन, पर्मिनास व एन्‍टिओखियां वःम्‍ह यहूदी जूम्‍ह निकोलाउसपिन्‍त ल्‍यल।

प्रेरित 6:8

परमेश्‍वरपाखें यक्‍व आशिष व शक्ति कयातःम्‍ह स्‍तिफनसं मनूतय्‌गु न्‍ह्यःने अजू चायापुगु ज्‍या व चिं यानाक्‍यन।

१ कोरिन्‍थी 16:15

स्‍तिफनसया छेँयापिन्‍त ला छिमिसं म्‍ह सि हे स्‍यू। अखैयाय् दकलय् न्‍हापालाक विश्‍वासी जूपिं इपिं हे खः। इमिसं परमेश्‍वरया मनूतय्‌गु निंतिं थःत हे पानाच्‍वंगु दु।

फिलिप्‍पी 1:14

थुलि जक मखु, जितः थथे कुनातःगुलिं यक्‍व हे दाजुकिजापिन्‍सं प्रभुयाके भरोसा तयाः छप्‍ति हे मग्‍यासे परमेश्‍वरयागु वचन न्‍यंकाजूगु दु।

१ थेसलोनिकी 2:2

आम्‍कन वये न्‍ह्यः फिलिप्‍पी च्‍वंपिन्‍सं जिमित दुःख बियाः नं जिमिगु इज्‍जत तकं काल धकाः ला छिमिसं सि हे स्‍यू। अय्‌नं परमेश्‍वरं जिमित साहस बियादीगुलिं जिमिसं न्‍ह्याक्‍व हे विरोधीत दःसां छिमित भिंगु खँ न्‍यंकेगु मत्‍वःता।

१ तिमोथी 3:14

थ्‍व पौ च्‍वया च्‍वनाबलय् नं जिं याकनं हे छन्‍थाय् वयेगु मतिइ तयागु दु।

२ तिमोथी 2:1

अय्‌जूगुलिं जि यःम्‍ह काय्, ख्रीष्‍ट येशूं बियादीगु दया मायां बल्‍लाका च्‍वँ।

हिब्रू 6:10

परमेश्‍वरं अन्‍याय यानादी मखु। छिमिसं यानाच्‍वंगु वय्‌कःयागु ज्‍या व वय्‌कःयात माया यानाच्‍वंगु खँ, अले दाजुकिजापिन्‍त ग्‍वाहालि याःगु व यानाच्‍वंगु खँ नं वय्‌कलं ल्‍वःमंकादी मखु।