१ तिमोथी 3:11 - नेवाः बाइबल

¹¹ इमि कलाः नं अथे हे भिंपिं, दुग्‍यंपिं, मेपिन्‍त हेबाय्‌चबाय् याना मजुइपिं, थातं च्‍वने फुपिं व न्‍ह्यागु खँय् नं विश्‍वास यायेबहःपिं जुइमाः।

१ तिमोथी 3:11 ပူးပေါင်းရင်းမြစ်များ

भजनसंग्रहया सफू 101:5

थः जःलाखःलाया बारे मखुगु खँ ल्‍हाइम्‍हय्‌सित जिं नाश यानाबी। फुइँ यानाजुइपिं व घमण्‍डी मनूतय्‌त जिं सह याये मखु।

भजनसंग्रहया सफू 15:3

गुम्‍ह मेपिन्‍त मभिंकाः जुइ मखु, थः जःलाखःलायात नुगलय् स्‍याकाः जुइ मखु थः पासापिन्‍त मखुगु खँ ल्‍हाना जुइ मखु,

भजनसंग्रहया सफू 50:20

छं थः हे दाजुकिजाया विरोधय् खँ ल्‍हाइगु, छं थः हे मांया काय्‌या बारे मखुगु खँ ल्‍हाइगु।

हितोपदेश 10:18

थःगु नुगलय् घृणा सुचुकातइपिं फताहा खः। अले मखुगु खँ बय्‌बय् यानाजुइपिं मूर्ख खः।

हितोपदेश 25:13

विश्‍वास याये बहःम्‍ह दूतं थः मालिकया नुगःयात सामाज्‍याया इलय् ख्‍वाउँ लखं थें सिचुकाबी।

यर्मिया 9:4

“थः पासापिंपाखें होशियार जुयाच्‍वँ। थः दाजुकिजापिन्‍त तकं पत्‍याः याये मते। छाय्‌धाःसा फुक्‍क दाजुकिजापिं झंगःलाइपिं खः, पासापिं सकसिनं बदनाम यायेत मखुगु खँ ल्‍हाना जुइ।

इजकिएल 44:22

सुं नं पुजाहारीं भाःत मदये धुंकूम्‍ह वा भाःतं त्‍वःतूम्‍ह मिसालिसें ब्‍याहा याये मज्‍यू। इमिसं इस्राएलया वंशय् बूम्‍ह कुमारी मिसामचायात अथवा सुं पुजाहारीतय् भाःत मदये धुंकूम्‍ह मिसायात जक ब्‍याहा याये फइ।

लेवी 21:7

“‘इमिसं ल्‍यवःसिं मिसा, स्‍यनेधुंकूम्‍ह मिसा व भाःतं त्‍वःतूम्‍ह मिसा ब्‍याहा याये मज्‍यू। छाय्‌धाःसा इपिं पुजाहारीत थः परमेश्‍वरया निंतिं पवित्रपिं खः।

मत्ती 4:1

पवित्र आत्‍मां येशूयात शैतानपाखें जाँचय् याकेत मरुभूमिइ ब्‍वनायंकल।

यूहन्‍ना 6:70

वय्‌कलं इमित धयादिल – “छिपिं झिंनिम्‍हय्‌सितं जिं हे ल्‍ययागु, मखु ला? अय्‌नं छिपिं मध्‍ये छम्‍ह शैतानयाम्‍ह दु।”

रोमी 1:29

थज्‍याःपिं मनूतय्‌गु नुगः थज्‍याःगुलिइ जक जायाच्‍वनी – पापी ज्‍या, मभिंगु ज्‍या, लोभ, मभिंगु इच्‍छा, नुगः मुइकेगु, मनू स्‍यायेगु, ल्‍वापु यायेगु, थगय् यायेगु, हेय्‌काः कायेगु व कर्पिन्‍त क्‍वह्यंकेगु,

१ तिमोथी 1:12

जिगु ज्‍याय् जितः शक्ति बियादीम्‍ह झी प्रभु येशू ख्रीष्‍टयात जिं सुभाय् बी, छाय्‌धाःसा वय्‌कलं जितः विश्‍वास यानाः थःगु ज्‍या याकेबियादिल।

१ तिमोथी 3:2

बिशप जुइम्‍ह मनू छुं हे दोष मदुम्‍ह, छम्‍ह हे जक मिसालिसे ब्‍याहा याःम्‍ह, थातं च्‍वने फुम्‍ह, थःत थःम्‍हं कःघाये फुम्‍ह, चालचलन बांलाःम्‍ह, पाहां वःपिन्‍त दुनुगलंनिसें दुकाइम्‍ह, बांलाक स्‍यनेकने याये फुम्‍ह,

१ तिमोथी 6:2

विश्‍वासी दाजुकिजा ला खः नि धकाः सुनानं थः विश्‍वासी मालिकयात हनाबना मतयेगु याये मते, बरु इमिगु बांलाक सेवा या। छाय्‌धाःसा इमित भिनिगु थः हे दाजुकिजायात भिनिगु खः। थ्‍व हे खँ छं मेपिन्‍त नं स्‍यनेकने या।

२ तिमोथी 3:3

दया माया याये मसःपिं, क्षमा याइमखुपिं, मेपिन्‍त मभिंकाः खँ ल्‍हानाजुइपिं, थःत कःघाये मफुपिं, नुगः छाःपिं, भिंगु खँ मयय्‌कीपिं,

२ तिमोथी 4:5

छं जक न्‍ह्यागु जूसां नुगः क्‍वात्तुकाः च्‍वँ। दुःख सी माःसां स्‍यू। भिंगु खँ न्‍यंकेगु याना च्‍वँ। थःत बियातःगु ज्‍या पूवंकि।

तीतस 2:3

अथे हे बुरीतय्‌त नं परमेश्‍वरयात मानय् याना च्‍वँ, मेपिन्‍त मभिंकाः खँ ल्‍हाना जुइ मते, अय्‌लाः थ्‍वँ त्‍वनाजुइ मते, बरु दुग्‍यंगु खँ स्‍यनेकने या धकाः स्‍यना ब्‍यु।

तीतस 3:2

सुयातं मभिंकाः खँ ल्‍हाये मते, सुंनाप ल्‍वाना जुइ मते, अले फुक्‍क नाप क्‍वमिलु जुयाः मिलय् जुयाच्‍वँ धकाः इमित थुइकाब्‍यु।

१ पत्रुस 5:8

अय्‌नं थःगु मन बल्‍लाका च्‍वँ, होश‍ यानाच्‍वँ। छिमि शत्रु, शैतानं छिमित फतिंफतलय् स्‍यंकेत स्‍वयाच्‍वंगु दु। नये मखंम्‍ह सिंह थें शैतानं नं सुयातं स्‍यंके फइ ला धकाः माः जुयाच्‍वंगु दु।