१ तिमोथी 2:8 - नेवाः बाइबल

⁸ मिजंतय्‌सं न्‍ह्याथाय् नं तं मचासे व जवाःसवाः मयासें दुनुगलंनिसें पवित्र ल्‍हाः ल्‍ह्वनाः प्रार्थना यायेमाः।

१ तिमोथी 2:8 ပူးပေါင်းရင်းမြစ်များ

१ राजा 3:11

अले परमेश्‍वरं वयात धयादिल, “छं थःगु लागि ताहाकःगु आयु वा धन-सम्‍पत्ति नां वा थः शत्रुत सीगु मफ्‍वंसें खःकथं जिमि प्रजायात न्‍याय यायेत बुद्धि फ्‍वन।

अय्‍यूब 16:17

अय्‌नं जिपाखें ल्‍वायेलीगु जूगु मदु। अय्‌नं जिगु प्रार्थनाय् दोष मदु।

भजनसंग्रहया सफू 134:2

वय्‌कःया पवित्र थासय् थथःगु ल्‍हाः ल्‍ह्वनाः परमप्रभुया प्रशंसा या।

भजनसंग्रहया सफू 141:2

जिगु प्रार्थना छिगु न्‍ह्यःने नस्‍वाःगु धुपाँय् थें जुइमा, अले जिं थःगु ल्‍हाः ल्‍ह्वनीबलय् व छिगु लागि सन्‍ध्‍याया बलि थें जुइमा।

भजनसंग्रहया सफू 24:4

थथे इमिसं जक याये फइ, सुयागु नुगः व ल्‍हाः शुद्ध जुइ, सुनां मूर्तियागु पुजा याइ मखु, सुनां मखुगु बचं याइ मखु।

भजनसंग्रहया सफू 26:6

जिं थः दोष मदुम्‍ह धकाः क्‍यनेत ल्‍हाः सिले, हे परमप्रभु! छिगु वेदीइ वयाः चाःहुलाः

भजनसंग्रहया सफू 28:2

ग्‍वाहालिया निंतिं जिं प्रार्थना यायेबलय् अले छिगु पवित्र थाय्‌पाखे ल्‍हाः ब्‍वय्‌केबलय् जिगु खँ न्‍यनादिसँ।

भजनसंग्रहया सफू 35:13

अय्‌नं इपिं उसाँय् मदुबलय् जि दुःखं च्‍वना, जिं नयेगु त्‍वःता, जिं इमिगु निंतिं प्रार्थना याना।

भजनसंग्रहया सफू 63:4

उकिं जिं मसीतले छितः तःधंके। छिगु नां कयाः जिं थःगु ल्‍हाः ल्‍ह्वने।

भजनसंग्रहया सफू 66:18

जिगु नुगः पापं जाःगु जूसा परमेश्‍वरं जिगु प्रार्थना न्‍यनादी मखुगु जुइ।

हितोपदेश 15:8

परमप्रभु दुष्‍टतय्‌सं छाःगु बलिं लय्‌तायादी मखु, भिंपिं मनूतय्‌सं याःगु प्रार्थनां वय्‌कः लय्‌तायादी।

हितोपदेश 21:27

दुष्‍ट मनूतय्‌सं छाःगु बलियात परमप्रभुं घृणा यानादी, अज्‍ज ला मभिंगु मतिइ तयाः छाःगु ला झन दकलय् यय्‌कादी मखु।

यशैया 1:15

छिमिसं प्रार्थनाय् ल्‍हाः ल्‍ह्वनीबलय् जिं छिमित स्‍वये मखु। छिमिसं न्‍ह्याक्‍व प्रार्थना याःसां जिं न्‍यने मखु छाय्‌धाःसा छिमिगु ल्‍हाः हिया हिं जाःगु दु।

मत्ती 21:21

वय्‌कलं धयादिल – “जिं छिमित खःगु खँ धाये – छिमिसं नं छुं हे संका मयासें विश्‍वास यात धाःसा जिं यःमरिमायात याना थें जक मखु, छिमिसं थ्‍व पहाडयात – ‘ल्‍यहेँ दनाः समुद्रय् कुतुं हुँ’ धकाः धाल धासां अथे हे जुइ।

मत्ती 5:44

तर जिं छिमित धाये – शत्रुयात माया या, थःत दुःख बीपिनिगु निंतिं प्रार्थना या।

मत्ती 6:12

अले जिमिगु अपराध क्षमा यानादिसँ, गथे जिमिसं नं जिमि अपराधीतय्‌त क्षमा यानाबियागु दु।

लूका 23:34

वय्‌कलं धयादिल – “बाः, थुमित क्षमा यानादिसँ। थुमिसं छु यानाच्‍वना धकाः मस्‍यू।” सिपाइँतय्‌सं चिट्ठा तयाः वय्‌कःयागु वसः इना काल।

लूका 24:50

येशूं इमित बेथानियाय् ब्‍वना यंकादिल। अले ल्‍हाः ल्‍ह्वनाः इमित आशिष बियादिल।

यूहन्‍ना 4:21

वय्‌कलं वयात धयादिल – “मय्‌जु, विश्‍वास यानाः बांलाक न्‍यना का। ई वयाच्‍वंगु दु, गुबलय् छिमिसं परमेश्‍वर बाःयात आराधना यायेत न यरूशलेमय् न थ्‍व पहाडय् हे वनेमाली।

प्रेरित 10:2

व छम्‍ह धर्मीम्‍ह मनू खः। व अले वया जहानपिं फुक्‍कसिनं परमेश्‍वरयात मानय् याः। वं फ्‍वं वःपिन्‍त नुगः मस्‍यासे ब्‍यू। अले परमेश्‍वरयात न्‍ह्याबलें प्रार्थना नं याः।

प्रेरित 10:31

थथे धाल – ‘कर्नेलियस, छं याःगु प्रार्थना व मेपिन्‍त ग्‍वाहालि याना जूगु परमेश्‍वरयात तसकं यल।

प्रेरित 10:4

वं स्‍वःगु स्‍वलं तुं यानाः ग्‍याग्‍यां धाल – “प्रभु, छु याये माल, धयादिसँ?” अले दूतं वयात धाल – “छं मेपिन्‍त याःगु ग्‍वाहालि व प्रार्थना खनाः परमेश्‍वर तसकं लय्‌तायादिल।

प्रेरित 21:5

न्‍हय्‌न्‍हु तक च्‍वने धुंकाः अन च्‍वंपिं फुक्‍क विश्‍वासीत थः कलाः व मचाखाचातनापं ज्‍वनाः जिमित शहरं पिने तक तः वल। जिमिसं समुद्र सिथय् पुलिं चुयाः प्रार्थना याना।

प्रेरित 7:60

अले पुलिं चुयाः तःसलं हालाः धाल – “प्रभु, इमिसं यानाच्‍वंगु पाप क्षमा यानादिसँ।” थुलि धयाः व सित।

१ कोरिन्‍थी 1:2

कोरिन्‍थय् च्‍वंगु मण्‍डलीयापिन्‍त ज्‍वजलपा! ख्रीष्‍ट येशूपाखें पवित्र जूपिं परमेश्‍वरया मनू जुइत सःतातःपिं व थाय् थासय् च्‍वंपिं झी प्रभु येशू ख्रीष्‍टयागु नां काइपिं सकसितं

१ कोरिन्‍थी 7:7

जितः फुक्‍क मनूत जि थें ब्‍याहा मयासें च्‍वंसा यः। फुक्‍कसिनं परमेश्‍वरपाखें थीथी वरदान कयातःगु दु। छम्‍हय्‌सिके छता वरदान दःसा मेम्‍हय्‌सिके मेगु हे वरदान दु।

२ कोरिन्‍थी 2:14

परमेश्‍वरयात सुभाय् दु, छाय्‌धाःसा ख्रीष्‍टलिसे तुं जिपिं नं न्‍ह्याबलें त्‍याना च्‍वनेत वय्‌कलं जिमित दया माया यानादीगु दु। अले जिमिगुपाखें भिंगु खँ नस्‍वाः थें न्‍यंकभनं न्‍यंकादीगु दु।

फिलिप्‍पी 1:12

यःपिं दाजुकिजापिं, जितः थथे जूवःगु दुःखकष्‍टं भिंगु खँ झन बय्‌बय् जुयावंगु दु धकाः सीकि।

१ थेसलोनिकी 1:8

छिमिसं प्रभुयागु वचन माकेडोनियाय् व अखैयाय् जक न्‍यंकूगु मखु, बरु छिमिसं परमेश्‍वरयात विश्‍वास याःगु खँनापं न्‍यंकभनं बय्‌बय् जूगु दु। थ्‍व खँय् जिमिसं छुं हे धया च्‍वनेमाःगु मदु।

१ तिमोथी 5:14

अय्‌जूगुलिं भाःत मदय्‌ धुंकूपिं ल्‍यासेपिं मिसातय्‌सं ब्‍याहा यायेगु हे भिं जू। थुपिं मचाखाचा दय्‌काः छेँ बांलाक कःघाना च्‍वनीपिं जुइमाः। अथे जूसा झी शत्रुतय्‌सं नं धायेथाय् दइ मखु।

तीतस 3:8

थ्‍व खँ धात्‍थें खः। थ्‍व खँय् छं अप्‍वः मन बियाः स्‍यँ। थथे यात धाःसा परमेश्‍वरयात विश्‍वास याःपिन्‍सं भिंगु भिंगु ज्‍या यायेत कुतः याइ। थ्‍व फुक्‍क मनूतय्‌त ज्‍यालगय् जूगु भिंगु खँ खः।

हिब्रू 10:22

पवित्रगु लखं म्‍ह शुद्ध यानाः बांमलाःगु व मभिंगु खँ मतिइ मतसे, नुगः यचुकाः व विश्‍वासय् बल्‍लानाः झीपिं परमेश्‍वरया न्‍ह्यःने वनेनु।

याकूब 4:8

परमेश्‍वरया लिक्‍क वा, अले वय्‌कः नं छिमि लिक्‍क झायादी। हे पापीत, छिमिसं थःगु ल्‍हाः सिलाछ्व। हे दोमन यानाजुइपिं, छिमिसं थःगु नुगःयात शुद्ध या।

१ पत्रुस 3:7

अथे हे मिजंतय्‌सं नं थः कलाः बमलाःम्‍ह खः धयागु खँ ल्‍वःमंके मज्‍यू। छिमिसं नं इमित मानय् यायेमाः, छाय्‌धाःसा परमेश्‍वरं इमित नं अनन्‍त जीवन बियातःगु दु। थुकथं छिमित निम्‍ह जानाः प्रार्थना यायेत छुकिं नं पनी मखु।