१ तिमोथी 2:10 - नेवाः बाइबल

¹⁰ परमेश्‍वरयात मानय् याइपिं मिसातय्‌सं थःत ल्‍वय्‌क भिंगु ज्‍या याना जुइमाः।

१ तिमोथी 2:10 ပူးပေါင်းရင်းမြစ်များ

हितोपदेश 31:25

व शक्ति दुम्‍ह व सकसिनं हनाबना तय्‌काच्‍वंम्‍ह खः। कन्‍हय्‌या वयात धन्‍दा मदु।

हितोपदेश 31:31

वयागु मेहनतयागु सिरपाः वयात ब्‍यु। वं याःगु ज्‍याया निंतिं सकसियां न्‍ह्यःने वयात तःधंकि।

प्रेरित 9:36

अबलय् योप्‍पा धाःगु थासय् तबीता धाःम्‍ह छम्‍ह मिसाम्‍ह चेला च्‍वनाच्‍वंगु दु। ग्रीक भाषां वयागु नां डोरकास जुइ। व छम्‍ह भिंगु भिंगु जक ज्‍या याना व मेपिन्‍त ग्‍वाहालि यानाजुइम्‍ह मिसा खः।

प्रेरित 9:39

पत्रुस इपिं नाप वन। अन थ्‍यनेवं इमिसं वयात तले क्‍वथाय् ब्‍वनायंकल। भाःत मदुपिं मिसातय्‌सं ख्‍वख्‍वं तबीता मसीनिबलय् वं इमिगु लागि दय्‌कातःगु वसः क्‍यन।

एफिसी 2:10

छाय्‌धाःसा झीपिं भिंगु ज्‍याया निंतिं ख्रीष्‍ट येशूपाखें सृष्‍टि यानातःपिं वय्‌कःया ल्‍हाःया सीप खः। वय्‌कलं न्‍हापांनिसें दय्‌कातःगु भिंगु ज्‍याखँ झीगुपाखें जुइ फयेमा धकाः झीत तयार यानादीगु खः।

१ तिमोथी 2:11

स्‍यनेकने यायेथाय् मिसातय्‌सं सुम्‍क च्‍वनाः सय्‌काकायेमाः, अले धाःथें च्‍वनेमाः।

१ तिमोथी 2:9

अथे हे मिसातय्‌सं ल्‍वय्‌कः सादा वसतं पुना जुइमा। तःजिगु तिसा, वसः पुनाः अप्‍वः समाः याना जुइ मते।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

तीतस 3:8

थ्‍व खँ धात्‍थें खः। थ्‍व खँय् छं अप्‍वः मन बियाः स्‍यँ। थथे यात धाःसा परमेश्‍वरयात विश्‍वास याःपिन्‍सं भिंगु भिंगु ज्‍या यायेत कुतः याइ। थ्‍व फुक्‍क मनूतय्‌त ज्‍यालगय् जूगु भिंगु खँ खः।

१ पत्रुस 2:12

परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

२ पत्रुस 3:11

थथे फुक्‍कं नाश जुया वनीगुलिं छिपिं गज्‍याःपिं मनूत जुयाः म्‍वानाच्‍वनेमाः? छिमिसं पवित्र जुयाः, थःत परमेश्‍वरयात देछायाः म्‍वानाच्‍वनेमाः।

प्रकाश 2:19

“छिमिसं यानाच्‍वंगु ज्‍याखँ, जितः माया यानाच्‍वंगु, विश्‍वास यानाच्‍वंगु, सेवा यानाच्‍वंगु, अले सह यानाच्‍वंगु जिं स्‍यू। छिमिसं न्‍हापा न्‍हापा स्‍वयाः नं आः तसकं बांलाक ज्‍याखँ यानाच्‍वंगु दु धकाः जिं नं स्‍यू।