१ तिमोथी 2:1 - नेवाः बाइबल

¹ अय्‌जूगुलिं दक्‍वसिबय् न्‍हापां मण्‍डलीयापिन्‍त जिं धाये – फुक्‍क मनूतय्‌गु निंतिं प्रार्थना व बिन्‍ति यायेगु व सुभाय् बीगु या।

१ तिमोथी 2:1 ပူးပေါင်းရင်းမြစ်များ

एज्रा 6:10

इमिसं स्‍वर्गयाम्‍ह परमेश्‍वर लय्‌ताइगु बलित छायेमा अले जुजु व जुजुया काय्‌पिनिगु भिंया निंतिं प्रार्थना यायेमा धकाः छिमिसं अथे या।

भजनसंग्रहया सफू 72:19

वय्‌कःयागु महिमां जाःगु नांया सदां प्रशंसा जुयाच्‍वनेमा। पृथ्‍वी न्‍यंक वय्‌कःयागु महिमां जायेमा। आमेन! आमेन!

यर्मिया 29:7

जिं छिमित ज्‍वंकाः गुगु शहरय् छ्वयागु खः, उगु शहरया भिं जूगु यय्‌की, अले उकिया लागि परमप्रभुयात प्रार्थना या। छाय्‌धाःसा व च्‍वन्‍ह्यासा छिपिं नं च्‍वन्‍ह्याइ।”

प्रेरित 17:30

“अय्‌जूगुलिं वय्‌कःयात म्‍हमस्‍यूनीबलय् याःगु ज्‍याखँयात परमेश्‍वरं च्‍यूताः तयामदी। आः धाःसा परमेश्‍वरं झीत थज्‍याःगु बांमलाःगु ज्‍यां लिचिलाः पश्‍चाताप यायेत उजं बियादीगु दु।

रोमी 1:8

दकलय् न्‍हापां जिं परमेश्‍वरयात येशू ख्रीष्‍टपाखें छिपिं फुक्‍कसिगु निंतिं सुभाय् बी, छाय्‌धाःसा सारा संसार न्‍यंक छिमिसं यानाच्‍वंगु विश्‍वासयागु खँ बय्‌बय् जुयाच्‍वंगु दु।

रोमी 6:17

छिमिसं दुनुगलंनिसें छिमित स्‍यना थकूगु तःधंगु खँयात मानय् याःगुलिं न्‍हापा थें छिपिं आः पापया दास मखुत। उकिं परमेश्‍वरयागु जय जुइमा।

१ कोरिन्‍थी 15:3

धर्मशास्‍त्रय् च्‍वया तः थें ख्रीष्‍ट हे झीगु पापयागु निंतिं सिनादिल धकाः जितः धयादीगु तःधगुं खँ हे जिं छिमित कना बियागु खः।

२ कोरिन्‍थी 8:6

तीतसं न्‍हापा हे छिमिथाय् शुरु याये धुंकूगु भिंगु ज्‍या पूवंकेत जिमिसं वयात हे छ्वयाहयागु खः।

एफिसी 3:13

अय्‌जूगुलिं जिं थथे दुःखकष्‍ट सियाच्‍वनागु खनाः छिमिसं आशा त्‍वःते मते धकाः जिं इनाप यानाच्‍वना। थुकिं छिमित हे भिं जुइ।

एफिसी 5:20

न्‍ह्याबलें न्‍ह्यागु ज्‍याखँय् नं छिमिसं झी प्रभु येशू ख्रीष्‍टया नामय् परमेश्‍वर बाःयात सुभाय् ब्‍यु।

एफिसी 6:18

न्‍ह्याबलें छिमिसं पवित्र आत्‍मायागु शक्ति कयाः प्रार्थना या, अले परमेश्‍वरयागु ग्‍वाहालि फ्‍वँ। होशियार जु, अले न्‍ह्याथासय् च्‍वंपिं विश्‍वासीतय्‌गु निंतिं मदिक्‍क प्रार्थना या।

फिलिप्‍पी 1:3

छिमिगु लुमन्‍तिइ जिं परमेश्‍वरयात न्‍ह्याबलें सुभाय् बियाच्‍वनागु दु।

फिलिप्‍पी 4:6

छुं खँय् नं पीर काये मते। छिमित माःगु खँ प्रार्थना यानाः सुभाय् बियाः परमेश्‍वरयात बिन्‍ति या।

१ थेसलोनिकी 3:12

जिमिसं छिमित माया याना थें प्रभुं छिमित नं थःथवय् व मेपिन्‍त माया यानाः न्‍ह्यज्‍याये फय्‌कादीमा।

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

१ तिमोथी 2:4

फुक्‍क मनूतय्‌सं मुक्ति काये फयेमा व सत्‍यगु खँयात बांलाक सीकाकाये फयेमा धयागु वय्‌कःया इच्‍छा खः।

१ तिमोथी 5:5

हाःनाः मदुम्‍ह भाःत मदय्‌ धुंकूपिं मिसां परमेश्‍वरयाके भरोसा तयाच्‍वनी। अले चां न्‍हिं परमेश्‍वरयात प्रार्थना यानाच्‍वनी।

२ तिमोथी 2:24

प्रभुया च्‍यः जुयाः सुंनाप ल्‍वाः जुइ मज्‍यू, बरु फुक्‍कसितं माया याइम्‍ह, बांलाक स्‍यनेकने याये फुम्‍ह, न्‍ह्यागु खं सह याये फुम्‍ह,

तीतस 2:11

परमेश्‍वरं फुक्‍कसितं मुक्ति बीत दया माया यानादीगु खः। थ्‍व हे खँ फुक्‍कसितं सीके ब्‍यूगु दु।

तीतस 3:2

सुयातं मभिंकाः खँ ल्‍हाये मते, सुंनाप ल्‍वाना जुइ मते, अले फुक्‍क नाप क्‍वमिलु जुयाः मिलय् जुयाच्‍वँ धकाः इमित थुइकाब्‍यु।

हिब्रू 6:11

थुकथं हे छिमिसं मन तयाः लिपा तकं कुतः यानाच्‍वनी धकाः जिमिसं मनं तुनाच्‍वना। अले छिमिगु आशा नं पूवनी।

याकूब 5:16

अय्‌जूगुलिं छिमिसं थःपिन्‍सं यानागु पाप थःथवय् स्‍वीकार या, अले छम्‍हं मेम्‍हय्‌सिगु निंतिं प्रार्थना या। अथे याःसा छिमिगु ल्‍वय् लनावनी। धर्मीम्‍ह मनुखं याःगु प्रार्थना परमेश्‍वरं न्‍यनादी।