१ तिमोथी 1:7 - नेवाः बाइबल

⁷ थःपिन्‍सं छु धयाच्‍वना धकाः इमिसं मस्‍यू, न इमिसं थःगु खँयात विश्‍वास यानाः हे धायेफु। अय्‌नं इपिं व्‍यवस्‍था स्‍यनीपिं गुरु जुइ मास्‍ति वः।

१ तिमोथी 1:7 ပူးပေါင်းရင်းမြစ်များ

मत्ती 15:14

इमित त्‍वःताछ्व। इपिं कांपिं लँजवाः खः। कांम्‍ह मनुखं कांम्‍ह मनूयात ल्‍हाः ज्‍वनाः यंकूसा इपिं निम्‍हं गालय् लाइ।”

मत्ती 21:27

उकिं इमिसं वय्‌कःयात थथे लिसः बिल – “जिमिसं मस्‍यू।” वय्‌कलं धयादिल – “अय्‌सा जिं नं छिकपिन्‍त थ्‍व ज्‍या यायेत जितः सुनां अधिकार बियाहःगु खः धकाः धाये मखु।”

लूका 2:46

स्‍वन्‍हु दय्‌काः इमिसं वय्‌कःयात देगलय् गुरुपिंनापं फ्‍यतुनाः इमिगु खँ न्‍यँन्‍यं, न्‍ह्यसः यानाच्‍वंगु खन।

प्रेरित 15:1

अबलय् यहूदियां सुं विश्‍वासीतय्‌सं एन्‍टिओखियाय् वयाः मण्‍डलीइ च्‍वंपिन्‍त थथे धकाः स्‍यन – “मोशां ब्‍यूगु व्‍यवस्‍थाय् च्‍वया तः थें म्‍हय् चिं मतय्‌कूसा छिमिगु उद्धार जुइ फइ मखु।”

रोमी 1:22

सःस्‍यूपिं बुद्धिमान खः धकाः धाधां हे इपिं छुं मस्‍यूपिं मूर्ख जुयाः वन।

गलाती 3:2

व्‍यवस्‍था मानय् यानाः परमेश्‍वरं छिमित पवित्र आत्‍मा बियादीगु ला कि येशू ख्रीष्‍टयागु भिंगु खँ न्‍यनाः विश्‍वास यानाः बियादीगु?

गलाती 3:5

परमेश्‍वरं छिमित पवित्र आत्‍मा बियाः अजू चायापुगु ज्‍या याके बियादीगु छिमिसं व्‍यवस्‍था मानय् याःगुलिं खः ला कि येशू ख्रीष्‍टयागु भिंगु खँ न्‍यनाः विश्‍वास याःगुलिं?

गलाती 4:21

व्‍यवस्‍था मानय् याये मास्‍ति वःपिन्‍त जिं धाये – व्‍यवस्‍थां छु धाइ व छिमिसं मस्‍यू ला?

१ तिमोथी 6:4

वं छुं हे मसीकं तःधंछुया जुइ। अले म्‍वाःमदुगु खँ पिकयाः जवाःसवाः यानाः ल्‍वापुथया जुइ। थुकिं मनूतय्‌त ल्‍वाकेगु, नुगः मुइकेगु, मेपिन्‍त मभिंका जुइगु व म्‍वाःमदुगु संका जक याकी।

२ तिमोथी 3:7

थ्‍व मिसातय्‌सं स्‍यनाः सय्‌का कायेत यक्‍व स्‍वइ। अय्‌नं सत्‍य छु खः धकाः गुब्‍सं सीके फइ मखु।

याकूब 3:1

यःपिं दाजुकिजापिं, अप्‍वः गुरु जुयाः जुइ मते। गुरु जुया जूपिन्‍त परमेश्‍वरं मेपिन्‍त स्‍वयाः कडा जुइक न्‍याय यानादी।

२ पत्रुस 2:12

इपिं ला पशुत थें च्‍वं, अले इमिसं बिचाः याये मसः। पशुत थें ज्‍वंकाः स्‍याकेत हे इपिं बूपिं खः। इमिसं मथूगु मस्‍यूगु ज्‍याखँय् परमेश्‍वरयात ब्‍वः ब्‍यू जुइ। अय्‌जूगुलिं इपिं जंगलय् च्‍वंपिं पशुत थें हासनास जुयावनी।