१ तिमोथी 1:2 - नेवाः बाइबल

² विश्‍वासय् जिम्‍ह काय् थें जुयाच्‍वंम्‍ह तिमोथीयात ज्‍वजलपा। परमेश्‍वर बाः व झी प्रभु येशू ख्रीष्‍टयापाखें छन्‍त दया माया व शान्‍ति दयेमा।

१ तिमोथी 1:2 ပူးပေါင်းရင်းမြစ်များ

रोमी 1:7

परमेश्‍वरं सःताः पवित्र यानातःपिं रोमय् च्‍वंपिं परमेश्‍वरया यःपिं फुक्‍कसित छिमित झी परमेश्‍वर बाः व प्रभु येशू ख्रीष्‍टया दया माया व शान्‍ति दयेमा।

गलाती 1:3

झी परमेश्‍वर बाः व प्रभु येशू ख्रीष्‍टया दया माया व शान्‍ति छिमित दयेमा।

१ थेसलोनिकी 3:2

छिमित साहस बीत व विश्‍वासय् बल्‍लाकेत जिपिं नाप भिंगु खँ न्‍यंका च्‍वंम्‍ह परमेश्‍वरया सेवा याइम्‍ह किजा तिमोथीयात छिमिथाय् छ्वयाहयागु खः।

१ तिमोथी 1:12

जिगु ज्‍याय् जितः शक्ति बियादीम्‍ह झी प्रभु येशू ख्रीष्‍टयात जिं सुभाय् बी, छाय्‌धाःसा वय्‌कलं जितः विश्‍वास यानाः थःगु ज्‍या याकेबियादिल।

१ तिमोथी 1:18

तिमोथी, जिकाय्, छन्‍त कयाः न्‍हापांनिसें जुयाच्‍वंगु अगमवाणी कथं जिं उजं बियाच्‍वना। थुकियात हे ल्‍वाभः यानाः छ प्रभुया निंतिं ल्‍वाना च्‍वँ।

१ तिमोथी 6:20

तिमोथी, छु छन्‍त लःल्‍हाना बियातःगु खः व बांलाक बिचाः याना ति। संसारयागु म्‍वाःमदुगु खँपाखें व गुलिखय् मनूतय्‌सं “ज्ञान” धकाः धयातःगु मखुगु खँपाखें तापाक हे च्‍वँ।

२ तिमोथी 1:2

जि यःम्‍ह काय् तिमोथीयात थ्‍व पौ च्‍वयाच्‍वना। झी परमेश्‍वर बाः व प्रभु ख्रीष्‍ट येशूं छन्‍त दया माया यानाः शान्‍ति बियादीमा।

२ तिमोथी 2:1

अय्‌जूगुलिं जि यःम्‍ह काय्, ख्रीष्‍ट येशूं बियादीगु दया मायां बल्‍लाका च्‍वँ।

तीतस 1:4

तीतस, झीगु विश्‍वासं यानाः छन्‍त जिं थः हे काय् थें यानातयागु दु। झी परमेश्‍वर बाः व झीत मुक्ति बियादीम्‍ह ख्रीष्‍ट येशूं छन्‍त दया माया व शान्‍ति बियादीमा।

तीतस 2:2

बुरातय्‌सं थातं च्‍वनेगु, हनेबहः जुइक सना जुइगु, थःत कःघाना च्‍वनेगु, विश्‍वास यानाच्‍वनेगु, माया यायेगु व न्‍ह्यागु खँय् नं सह यानाच्‍वनेगु यायेमाः धकाः स्‍यनेकने या।

तीतस 3:15

जि नाप दुपिं फुक्‍कसिनं छन्‍त ज्‍वजलपा धयाहःगु दु। जिमित माया याइपिं आम्‍कन च्‍वंपिं विश्‍वासीतय्‌त नं जिमिसं ज्‍वजलपा धयाहःगु दु धकाः धयाब्‍यु। परमेश्‍वरं छिपिं फुक्‍कसितं दया माया यानादीमा।

१ पत्रुस 1:2

न्‍हापांनिसें ताःतुनादी थें वय्‌कलं धाःथें याइपिं यायेत पवित्र आत्‍मापाखें छिमित परमेश्‍वर बाःनं ल्‍ययादीगु खः। अले येशू ख्रीष्‍टयागु हिं शुद्ध यानाः छिमित वय्‌कःयात मानय् याइपिं यानादीगु खः। परमेश्‍वरयागु दया माया व शान्‍ति छिमित यक्‍व दयेमा।

२ यूहन्‍ना 1:3

अले थ्‍व हे सत्‍य व मायां यानाः परमेश्‍वर बाः व वय्‌कःया काय् येशू ख्रीष्‍टं झीत दया माया व शान्‍ति बियादी।

३ यूहन्‍ना 1:4

थः सन्‍तान सत्‍ययागु लँपुइ वनाच्‍वंगु दु धकाः न्‍यनेगुति लय्‌ताः मेगु छु दइ?

यहूदा 1:2

छिमिके दया, माया व शान्‍ति अप्‍वः दयावनेमा।