१ तिमोथी 1:15 - नेवाः बाइबल

¹⁵ पापीतय्‌त मुक्ति बीत ख्रीष्‍ट येशू थ्‍व संसारय् झायादीगु धात्‍थें हे खः धयागु खँ फुक्‍कसिनं मानय् याये हे माः। पापीत मध्‍ये नं जि तसकं पापीम्‍ह खः।

१ तिमोथी 1:15 ပူးပေါင်းရင်းမြစ်များ

अय्‍यूब 42:6

उकिं जिं थःत क्‍वह्यंकाः स्‍वया, अले धू व नउलय् च्‍वनाः पस्‍ताय् चाये।”

इजकिएल 16:63

छं याःगु फुक्‍क ज्‍याया निंतिं जिं प्रायश्‍चित यायेबलय् छं व फुक्‍क लुमंकी अले छ लज्‍या चाइ, छं लज्‍यां गुबलें थःगु म्‍हुतु चाय्‌की मखु, परमप्रभु परमेश्‍वरं धयादी।’”

मत्ती 1:21

मरियमं काय् छम्‍ह बुइकी, अले छं व मचायागु नां येशू ति, छाय्‌धाःसा वय्‌कलं थः मनूतय्‌त इमिगु पापं छुतय् यानादी।”

मत्ती 18:10

“उकिं जिमि मस्‍त सुं छम्‍हय्‌सित नं क्‍वह्यंके मते, छाय्‌धाःसा जिं छिमित धयाच्‍वना – मस्‍तय्‌त सुसाःकुसाः याइपिं स्‍वर्गदूतत स्‍वर्गय् च्‍वनादीम्‍ह जिमि बाःयागु न्‍ह्यःने हे दु।

मत्ती 18:11

अथे जूगुलिं हे मनूया काय् तनाच्‍वंपिन्‍त बचय् यायेत वःगु खः।

मत्ती 20:28

मनूया काय्‌नं सेवा याकेत मखु, बरु सेवा यायेत व यक्‍वसित मुक्ति बीत व सीत वःगु खः।”

मत्ती 9:13

थ्‍व छु धाःगु खः वनाः बांलाक सीकि – ‘जितः बलि बी हःगु मयः, बरु जितः माःगु ला दया माया खः’ छाय्‌धाःसा ‘जि धर्मी’ धकाः धया जुइपिन्‍त मखु, बरु पापीतय्‌त सःतः वयागु खः।”

मर्कूस 2:17

थ्‍व न्‍यनाः वय्‌कलं इमित धयादिल – “छुं मजूपिं मनूतय्‌त डाक्‍टर माली मखु, ल्‍वय् दुपिन्‍त जक माली। जि धर्मीतय्‌त मखु बरु पापीतय्‌त सःतः वयागु खः।”

लूका 15:2

अले फरिसीत व शास्‍त्रीतय् थथे धकाः खँ जुल – “थ्‍व मनू ला पापीत नाप बुला जुयाः नया जुइम्‍ह खनिसा।”

लूका 19:10

मनूया काय् तनाच्‍वंपिन्‍त मालेत व उद्धार यायेत वःगु खः।”

लूका 5:32

उकिं ‘जिं धर्मी’ धकाः धया जुइपिन्‍त मखु, बरु पापीतय्‌त पश्‍चाताप याकेत सःतः वयागु खः।”

यूहन्‍ना 1:12

वय्‌कःयात ग्रहण यानाः विश्‍वास याःपिन्‍त धाःसा परमेश्‍वरया सन्‍तान जुइगु हक बियादिल।

यूहन्‍ना 1:29

कन्‍हय् खुन्‍हु यूहन्‍नां थःथाय् येशू झायाच्‍वंगु खनाः धाल – “संसारयागु पाप क्षमा यानादीम्‍ह परमेश्‍वरया चीधिकःम्‍ह भ्‍याःचा वय्‌कः हे खः।

यूहन्‍ना 12:47

सुनानं जिं धयागु वचन न्‍यँ जक न्‍यनाः धया थें मयात धाःसा जिं वयात न्‍याय याये मखु, छाय्‌धाःसा जि संसारयात न्‍याय यायेत वयागु मखु, बरु बचय् यायेत वयागु खः।

यूहन्‍ना 3:36

वय्‌कःया काय्‌यात विश्‍वास याइम्‍हय्‌सिके अनन्‍त जीवन दु। काय्‌नं धाःगु मानय् मजूम्‍हय्‌सिनं थज्‍याःगु जीवन कायेखनी मखु, थज्‍याःम्‍हय्‌सित परमेश्‍वरं तं दिकादी।”

प्रेरित 11:1

यहूदीमखुपिन्‍सं नं परमेश्‍वरयागु वचन न्‍यनाः विश्‍वास यात धकाः यहूदियाय् च्‍वंपिं प्रेरितत व मेपिं विश्‍वासीतय्‌सं सीकल।

प्रेरित 11:18

इमिसं फुक्‍क खँ न्‍यने धुंकाः पत्रुसयात ब्‍वःबीगु त्‍वःताः थथे धकाः परमेश्‍वरयात तःधंकल – “अय्‌सा परमेश्‍वरं यहूदीमखुपिन्‍त नं पश्‍चाताप याकाः म्‍वाकादिल खनी।”

प्रेरित 3:26

परमेश्‍वरं सी धुंकूम्‍ह थःकाय्‌यात हानं म्‍वाकाः न्‍हापालाक छिकपिन्‍थाय् छ्वयाहयादिल। छिकपिन्‍त पापया ज्‍यां लिचिकाः आशिष बीत थथे यानादीगु खः।”

रोमी 11:14

थुकथं जिमि यहूदी दाजुकिजापिं मध्‍ये गुम्‍हं गुम्‍हय्‌सित बचय् यायेत जिं इमित नुगः मुइके बी।

रोमी 5:6

झीसं थःम्‍हं थःगु मुक्तिया लागि छुं याये मफुबलय् ख्रीष्‍ट पापीतय्‌गु निंतिं पाय्‌छि इलय् सिनादिल।

१ कोरिन्‍थी 15:9

उकिं जि ला प्रेरितत मध्‍ये दकलय् चिधंम्‍ह खः। परमेश्‍वरयात विश्‍वास याना जूपिन्‍त सास्‍ती बियाजुइ धुनागुलिं जितः प्रेरित धकाः धाये मल्‍वः।

एफिसी 3:8

परमेश्‍वरया चिधंम्‍ह स्‍वयाः नं अज्‍ज चिधंम्‍ह मनू जितः हे ख्रीष्‍टयागु तःजिगु भिंगु खँ यहूदीमखुपिन्‍त न्‍यंकः वनेगु ज्‍या परमेश्‍वरं लःल्‍हानादिल।

१ तिमोथी 1:13

न्‍हापा जिं प्रभुयात विश्‍वास मयानानिबलय् निन्‍दा यायेगु, वय्‌कःयात विश्‍वास याइपिन्‍त लिइगु व वय्‌कःयात क्‍वह्यंका जुइगु याना, तर जिं थुपिं मसीकं व अविश्‍वासय् यानागुलिं परमेश्‍वरं जितः दया यानादिल।

१ तिमोथी 1:19

विश्‍वास यायेगु व भिंगु खँ मतिइ तयेगु त्‍वःते मते। मति मभिना वंगुलिं ग्‍वःम्‍हय्‌सिनं ला विश्‍वास यायेगुनापं त्‍वःते धुंकल।

१ तिमोथी 3:1

थथे धयातःगु धात्‍थें हे खः – सुनानं मण्‍डलीया बिशप जुइ मास्‍ति वय्‌कूसा, वं तसकं बांलाःगु इच्‍छा यात।

१ तिमोथी 4:9

थ्‍व खँ धात्‍थेंगु व विश्‍वास याये बहःगु खः।

१ तिमोथी 6:13

फुक्‍कसितं म्‍वाका तःम्‍ह परमेश्‍वरयागु न्‍ह्यःने व पन्‍तियस पिलातसयागु न्‍ह्यःने सत्‍ययागु निंतिं नवानादीम्‍ह ख्रीष्‍ट येशूयागु न्‍ह्यःने जिं छन्‍त धयाच्‍वना –

२ तिमोथी 2:11

थथे धयातःगु धात्‍थें खः – “वय्‌कः नाप सीसा वय्‌कः नाप हे म्‍वाये दइ।

तीतस 3:8

थ्‍व खँ धात्‍थें खः। थ्‍व खँय् छं अप्‍वः मन बियाः स्‍यँ। थथे यात धाःसा परमेश्‍वरयात विश्‍वास याःपिन्‍सं भिंगु भिंगु ज्‍या यायेत कुतः याइ। थ्‍व फुक्‍क मनूतय्‌त ज्‍यालगय् जूगु भिंगु खँ खः।

हिब्रू 7:25

अय्‌जूगुलिं हे नं वय्‌कःयात विश्‍वास यानाः परमेश्‍वरया न्‍ह्यःने वइपिन्‍त वय्‌कलं आः हे सदांया निंतिं बचय् यानादी फु, छाय्‌धाःसा इमिगु निंतिं वय्‌कलं परमेश्‍वरयात न्‍ह्याबलें बिन्‍ति यानाच्‍वनादीगु दु।

१ यूहन्‍ना 3:5

झीगु पाप मदय्‌केत हे ख्रीष्‍ट झायादीगु खः। ख्रीष्‍टयाके पाप द हे मदु।

१ यूहन्‍ना 3:8

शैतानं न्‍हापांनिसें पाप याना वयाच्‍वंगु दु, उकिं पाप यानां तुं च्‍वनीपिं मनूत नं शैतानया मनू खः। अथे जूगुलिं शैतानयागु ज्‍या स्‍यंकेत परमेश्‍वरया काय् थन झायादी माःगु खः।

१ यूहन्‍ना 5:11

थ्‍व खँयागु दसि थ्‍व हे खः – परमेश्‍वरं झीत अनन्‍त जीवन बियादीगु दु। थ्‍व अनन्‍त जीवन वय्‌कःया काय्‌याके दु।

प्रकाश 21:5

अले सिंहासनय् फ्‍यतुनादीम्‍हय्‌सिनं धयादिल – “स्‍व, जिं फुक्‍कं न्‍हूगु यानाबी।” वय्‌कलं हानं धयादिल – “थ्‍व च्‍वयाति, छाय्‌धाःसा थ्‍व फुक्‍क वचन विश्‍वास याये बहःगु खः, अले सत्‍य नं खः।”

प्रकाश 22:6

अले स्‍वर्गदूतं जितः धाल – “थ्‍व वचन फुक्‍कं सत्‍य व विश्‍वास याये बहःगु खः। अगमवक्तातय्‌त आत्‍मा बियादीम्‍ह परमप्रभु परमेश्‍वरं थः दासतय्‌त याकनं जू वइगु खँ क्‍यनेत थः दूत छ्वयाहयादीगु दु।”

प्रकाश 5:9

इमिसं थथे धकाः छपु न्‍हूगु म्‍ये हाल – “थ्‍व भ्‍वंथुइ च्‍वंगु छाप तछ्यानाः छिं हे जक फ्‍यनादी फु, छाय्‌धाःसा छितः स्‍याये धुंकल, अले छिगु हिं परमेश्‍वरया लागि फुक्‍क कुलयापिं, फुक्‍क भाषां नवाइपिं, फुक्‍क देशयापिं व फुक्‍क जात जातियापिन्‍त न्‍यानादिल।