१ तिमोथी 1:13 - नेवाः बाइबल

¹³ न्‍हापा जिं प्रभुयात विश्‍वास मयानानिबलय् निन्‍दा यायेगु, वय्‌कःयात विश्‍वास याइपिन्‍त लिइगु व वय्‌कःयात क्‍वह्यंका जुइगु याना, तर जिं थुपिं मसीकं व अविश्‍वासय् यानागुलिं परमेश्‍वरं जितः दया यानादिल।

१ तिमोथी 1:13 ပူးပေါင်းရင်းမြစ်များ

होशे 2:23

जिं जिमि मनूतय्‌त पलिस्‍था याये अले इमित च्‍वन्‍ह्याके। जिं ‘गुबलें दया याये मखु’ धयाम्‍हय्‌सित हे जिं दयामाया क्‍यने। जिं ‘छिपिं जिमि प्रजा मखु’ धयापिन्‍त हे जिं ‘थः मनू’ धाये। अले इमिसं धाइ, ‘छि जिमि परमेश्‍वर खः।’”

लेवी 13:16

तर व न्‍हूगु घाः तुयुसे च्‍वन धाःसा व मनू पुजाहारीयाथाय् वनेमाः।

गन्‍ती 15:30

“‘इस्राएली वा मेगु जातियाम्‍ह मनू न्‍ह्याम्‍हय्‌सिनं जूसां सीकं चायेकं पापयात धाःसा वं परमप्रभुयात हेला याःगु खः। वयात वया मनूतपाखें पितिना छ्वयेमाः।

लूका 12:47

“मालिकं या धकाः धयाथकूगु खँ स्‍यूसां हेपय् यानाः मयाइम्‍ह च्‍यःयात तसकं तःधंगु सजाँय बी।

लूका 23:34

वय्‌कलं धयादिल – “बाः, थुमित क्षमा यानादिसँ। थुमिसं छु यानाच्‍वना धकाः मस्‍यू।” सिपाइँतय्‌सं चिट्ठा तयाः वय्‌कःयागु वसः इना काल।

प्रेरित 22:4

जिं थ्‍व लँय् जूपिं मिजंत व मिसात विश्‍वासीतय्‌त दायेगु, स्‍यायेगु याना, गुलिसित ला कुना बिया।

प्रेरित 3:17

“न्‍ह्यागु हे जूसां दाजुकिजापिं, छिकपिन्‍सं व छिकपिनि शासकतय्‌सं मसीकं थथे यानादीगु खः धकाः जिं स्‍यू।

प्रेरित 8:3

शाऊलं धाःसा विश्‍वासीतय्‌त स्‍यंका हे त्‍वःते धकाः छेँय् छेँय् वनाः विश्‍वासी मिसातय्‌त मिजंतय्‌त सातुसालाः यंकाः झ्‍यालखानाय् कुना बीगु यानाच्‍वन।

प्रेरित 9:1

शाऊलं धाःसा प्रभुया चेलातय्‌त स्‍यायेगु व ख्‍याच्‍वः बीगु याना जुल तिनि। छन्‍हु थ्‍व शाऊलं दकलय् तःधंम्‍ह पुजाहारीयाथाय् वनाः

प्रेरित 9:13

अले हननियां लिसः बिल – “प्रभु, थ्‍व मनूयागु खँ यक्‍व मनूतय्‌गु म्‍हुतुं न्‍यना तयागु दु। यरूशलेमय् च्‍वंपिं छिकपिनि चेलातय्‌त थ्‍वं यक्‍व हे सास्‍ती यानावःगु दु।

प्रेरित 9:5

अले शाऊलं धाल – “हे प्रभु, छि सु खः?” अले वय्‌कलं धयादिल – “जि येशू खः, गुम्‍हय्‌सित छं दुःख बियाच्‍वन।

१ कोरिन्‍थी 15:9

उकिं जि ला प्रेरितत मध्‍ये दकलय् चिधंम्‍ह खः। परमेश्‍वरयात विश्‍वास याना जूपिन्‍त सास्‍ती बियाजुइ धुनागुलिं जितः प्रेरित धकाः धाये मल्‍वः।

१ कोरिन्‍थी 7:25

ब्‍याहा मजुनिपिनिगु लागि प्रभुं जितः छुं धयादीगु मदु। बरु प्रभुयागु दया मायां विश्‍वास याये बहःम्‍ह जुयाः जिं छिमित धयाच्‍वना –

गलाती 1:13

न्‍हापा यहूदी धर्मकथं जुया च्‍वनाबलय् जि गज्‍याःम्‍ह खः धकाः ला छिमिसं बांलाक हे स्‍यू। परमेश्‍वरया मण्‍डलीयापिन्‍त जिं गुलि दुःखकष्‍ट व सास्‍ती बिया, अले थुमित नाश हे यानाछ्वयेत कुतः यानाम्‍ह नं जि हे खः।

फिलिप्‍पी 3:6

धर्मयागु ज्‍याखँय् नं जि विश्‍वासीतय्‌त दुःखकष्‍ट बीगुलिइ न्‍ह्यज्‍याना च्‍वनाम्‍ह खः। अले हानं जि यहूदीतय्‌गु थितिकुति मानय् यानाः धर्मी जुया च्‍वनाम्‍ह नं खः।

१ तिमोथी 1:16

थुकिं यानाः हे वय्‌कलं जितः माया यानादिल। जि थें ज्‍याःम्‍ह तसकं पापीयात थःगु धैर्य क्‍यनेत वय्‌कलं जितः नमूना दय्‌कादिल। थ्‍व नमूना लिपा वय्‌कःयात विश्‍वास याइपिं व अनन्‍त जीवन काइपिनिगु निंतिं खः।

हिब्रू 4:16

अय्‌जूगुलिं झीपिं भचा हे मग्‍यासे परमेश्‍वरया सिंहासनया न्‍ह्यःने वनेनु। अले वय्‌कलं झीत दया यानाः माःबलय् माःकथं झीत ग्‍वाहालि यानादी।

१ पत्रुस 2:10

न्‍हापा छिपिं परमेश्‍वरया मनूत मखु, आः जुइ धुंकल। न्‍हापा छिमिसं वय्‌कःयागु दया माया काये मखं, आः काये खंगु दु।