१ थेसलोनिकी 5:9 - नेवाः बाइबल

⁹ परमेश्‍वरं झीत सजाँय बीत सःतादीगु मखु, बरु झी प्रभु येशू ख्रीष्‍टपाखें मुक्ति बीत सःतादीगु खः।

१ थेसलोनिकी 5:9 ပူးပေါင်းရင်းမြစ်များ

अय्‍यूब 23:14

वय्‌कलं थःगु योजना जिगु विरोधय् पूरा यानादी। थज्‍याःगु यक्‍व योजना वय्‌कःयाके दु।

प्रस्‍थान 9:16

अय्‌नं जिगु शक्ति क्‍यनेत व पृथ्‍वीइ न्‍यंक जिगु नां कायेमा धकाः हे जिं छन्‍त म्‍वाकातयागु खः।

हितोपदेश 16:4

परमप्रभुं फुक्‍कं थःगु हे तातुनां कथं दय्‌कादीगु खः। दुष्‍टतय्‌त तक नं वय्‌कलं हे विनाशया ईयात धकाः दय्‌कादीगु खः।

मत्ती 26:24

धर्मशास्‍त्रय् च्‍वया तः थें मनूया काय् ला सिनावने हे माः। अय्‌नं वयात ज्‍वंका छ्वइम्‍ह मनूयात तसकं तसकं हे धिक्‍कार दु। व बु हे मबूगु जूसा तसकं बांलाइगु खः।”

प्रेरित 1:20

“थ्‍व खँ भजनया सफुलिइ थथे च्‍वयातःगु दु – “‘वयागु छेँ खालि जुइमा, अले अन सुं हे मच्‍वनेमा।’ ‘वयागु थाय् नं मेम्‍हय्‌सिनं कायेमा।’

प्रेरित 1:25

यहूदा थ्‍व ज्‍या त्‍वःताः गन वनेमाःगु खः अन वने धुंकूगुलिं वया थासय् ज्‍याय् तयेत व प्रेरित यायेत गुम्‍ह मनू ज्‍यू, धयादिसँ?”

प्रेरित 13:48

थ्‍व न्‍यनाः यहूदीमखुपिं तसकं लय्‌लय्‌ताल। इमिसं परमेश्‍वरयागु वचनयात तःधंकल। अले अनन्‍त जीवन बीत ल्‍ययातःपिं मनूतय्‌सं विश्‍वास यात।

रोमी 11:30

न्‍हापा ला छिपिं नं छकः वय्‌कःयात मानय् मयाःपिं खः, आः धाःसा वय्‌कलं छिमित दया माया यानादिल। इमिसं वय्‌कःयात मानय् मयाःगुलिं थथे जूगु खः।

रोमी 11:7

अले छु जुल लय्? इस्राएलीतय्‌सं छु कायेत कुतः यानाच्‍वंगु खः व काये मफुत। ल्‍यया तःपिन्‍सं धाःसा काये खन। मेपिन्‍सं परमेश्‍वरया खँ मन्‍यंसे अतेरि जुयाच्‍वन।

१ थेसलोनिकी 1:10

छिमिसं परमेश्‍वरया काय् स्‍वर्गं झाइतिनि धकाः लँ स्‍वयाच्‍वंगु दु हं। वय्‌कः परमेश्‍वरं सीम्‍हं म्‍वाकादीम्‍ह येशू खः। न्‍याय याइबलय् वय्‌कलं झीत बचय् यानादी।

१ थेसलोनिकी 3:3

थज्‍याःगु दुःखकष्‍ट खनाः ग्‍यानाः छिपिं सुं नं लिचिले मते। थज्‍याःगु दुःखकष्‍ट ला झीत व हे वइ धकाः छिमिसं सि हे स्‍यू।

१ तिमोथी 1:13

न्‍हापा जिं प्रभुयात विश्‍वास मयानानिबलय् निन्‍दा यायेगु, वय्‌कःयात विश्‍वास याइपिन्‍त लिइगु व वय्‌कःयात क्‍वह्यंका जुइगु याना, तर जिं थुपिं मसीकं व अविश्‍वासय् यानागुलिं परमेश्‍वरं जितः दया यानादिल।

१ तिमोथी 1:16

थुकिं यानाः हे वय्‌कलं जितः माया यानादिल। जि थें ज्‍याःम्‍ह तसकं पापीयात थःगु धैर्य क्‍यनेत वय्‌कलं जितः नमूना दय्‌कादिल। थ्‍व नमूना लिपा वय्‌कःयात विश्‍वास याइपिं व अनन्‍त जीवन काइपिनिगु निंतिं खः।

२ तिमोथी 2:10

अय्‌जूगुलिं परमेश्‍वरं ल्‍ययातःपिं मनूतय्‌गु निंतिं जिं न्‍ह्यागुं सह याये फु। अले इपिं ख्रीष्‍ट येशूं बियादीगु सदां दइगु मुक्ति कयाः तःधने फयेमा।

१ पत्रुस 2:10

न्‍हापा छिपिं परमेश्‍वरया मनूत मखु, आः जुइ धुंकल। न्‍हापा छिमिसं वय्‌कःयागु दया माया काये मखं, आः काये खंगु दु।

१ पत्रुस 2:8

हानं मेथाय् थथे च्‍वयातःगु दु – “थ्‍व हे ल्‍वहँतय् मनूत लुफिं हानाः क्‍वदइ।” परमेश्‍वरयागु वचनय् विश्‍वास मयाःगुलिं इपिं थथे लुफिं हानाः क्‍वदइ। अले परमेश्‍वरं क्‍वःछिना तयादीगु सजाँय फयेमाली।

२ पत्रुस 1:1

येशू ख्रीष्‍टया दास व प्रेरित सिमोन पत्रुसयापाखें झी परमेश्‍वर व झीत मुक्ति बियादीम्‍ह येशू ख्रीष्‍टयागु धार्मिकतां यानाः जिमिसं थें तःजिगु विश्‍वास काये खंपिं फुक्‍कसित ज्‍वजलपा।

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।

यहूदा 1:4

न्‍हापा हे दोषी ठहरय् जूपिं गुम्‍हं गुम्‍हं मनूत छिमिगु पुचलय् मसीक दुहां वःगु दु। इमिसं परमेश्‍वरयात मानय् मयाः। वय्‌कलं बियादीगु दया मायायात इमिसं मभिंगु ज्‍याय् छ्यलाच्‍वंगु दु। अले येशू ख्रीष्‍टयात छम्‍ह हे जक प्रभु व मालिक खः धकाः नं इमिसं मानय् मयाः।