१ थेसलोनिकी 5:8 - नेवाः बाइबल

⁸ झीपिं जलय् च्‍वनीपिं जूगुलिं झीसं थःत कःघाना च्‍वनेमाः। झीसं ला विश्‍वास व मायायात छातिइ चीगु नँयागु पाता थें चिना तयेमाः अले मुक्तियागु आशायात तपुलि थें पुया च्‍वनेमाः।

१ थेसलोनिकी 5:8 ပူးပေါင်းရင်းမြစ်များ

भजनसंग्रहया सफू 42:11

हे जिगु मन छाय् थपाय्‌सकं क्‍वतुंगु? छाय् जितः थुलिमछि नुगः मछिंसे च्‍वंगु? जिं परमेश्‍वरयाके आशा तये, हाकनं जिं थः परमेश्‍वर व थःत बचय् याइम्‍हय्‌सित तःधंके।

भजनसंग्रहया सफू 42:5

जिगु नुगः छाय् थपाय्‌सक क्‍वतुंगु? जि छाय् थपाय्‌सकं नुगः मछिंगु? जिं अज्‍ज नं परमेश्‍वरयाके आशा तयाः वय्‌कःयात, जितः बचय् याइम्‍हय्‌सित तःधंके।

भजनसंग्रहया सफू 43:5

हे जिगु मन छाय् थपाय्‌सकं क्‍वतुंगु? जि छाय् थपाय्‌सकं नुगः मछिंगु? जिं परमेश्‍वरयाके आशा तये, हाकनं जिं थः परमेश्‍वर व थःत बचय् याइम्‍हय्‌सित तःधंके।

यशैया 59:17

वय्‌कलं धार्मिकताया छाती-पाता, व छेनय् मुक्तिया तपुलि पुयादिल। अले वय्‌कलं ब्‍वला काइगु वसः पुयादिल, अले जोसयात लं थें पुनादिल।

विलाप 3:26

सुम्‍क च्‍वनाः परमप्रभुया उद्धारयागु लँपु स्‍वयेगु हे तसकं बांलाःगु खँ खः।

१ कोरिन्‍थी 13:13

अय्‌जूसां विश्‍वास, आशा व माया, थुपिं स्‍वता धाःसा दया हे च्‍वनी, तर उपिं मध्‍ये दकलय् तःधंगु ला माया खः।

२ कोरिन्‍थी 6:7

जिमिसं विश्‍वास यानाः सत्‍य खँ न्‍यंका जुया, परमेश्‍वरया शक्तिं यानाः जिमिसं थथे याये फुगु खः। परमेश्‍वरयागु न्‍ह्यःने धर्मी ठहरय् जुइगु हे जिमिगु छगू जक ल्‍वायेगु नं पनेगु नं हतियार खः।

गलाती 5:5

जिमिगु आशा ला परमेश्‍वरं हे जिमित धर्मी ठहरय् यानादी धयागु खः। अले परमेश्‍वरयागु आत्‍मायागु शक्तिं हे जिमित विश्‍वास याये फय्‌कादी धकाः जिपिं पियाच्‍वनागु खः।

एफिसी 6:11

परमेश्‍वरं बियादीगु फुक्‍क ल्‍वाभः ज्‍वँ। अले छिमित शैतानं छुं यानाः नं स्‍यंके फइ मखु।

एफिसी 6:23

दाजुकिजापिं, फुक्‍कसितं परमेश्‍वर बाः व प्रभु येशू ख्रीष्‍टपाखें शान्‍ति, दया माया व विश्‍वास दयाच्‍वनेमा।

१ थेसलोनिकी 5:5

छिपिं न्‍हिया जलय् च्‍वनाच्‍वंपिं खः। झीपिं चाया खिउँथासय् च्‍वना च्‍वनापिं मखु।

२ थेसलोनिकी 2:16

प्रभु येशू ख्रीष्‍टं हे व झीत माया यानादीम्‍ह व दया माया याना गुबलें सिना मवनीगु साहस व भिंगु आशा बियादीम्‍ह परमेश्‍वर बाःनं

हिब्रू 6:19

थ्‍व हे आशाय् झीपिं म्‍वानाच्‍वनागु दु। थ्‍व धात्‍थें व पक्‍का खः। अले थ्‍व देगलय् च्‍वंगु पर्दाया दुने थ्‍यंकः थ्‍यं।

१ पत्रुस 1:13

अथे जूगुलिं छिमिसं थःगु मन थातय् लाकाः होश‍ यानाच्‍वँ। येशू ख्रीष्‍ट झायादीबलय् बी तिनिगु परमेश्‍वरयागु आशिषय् पूरा भरोसा तया च्‍वँ।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

१ यूहन्‍ना 1:7

वय्‌कः जः जू थें, झीपिं नं जलय् च्‍वनाच्‍वन धाःसा छम्‍ह मेम्‍हनापं संगतिइ जुइ, अले परमेश्‍वरया काय्‌यागु हिं झीगु दक्‍व पापपाखें शुद्ध यानादी।